ଶ୍ରୀଲକ୍ଷ୍ମୀସହସ୍ରନାମସ୍ତୋତ୍ରମ୍
ଶ୍ରୀଲକ୍ଷ୍ମୀସହସ୍ରନାମସ୍ତୋତ୍ରମ୍
ଶ୍ରୀସ୍କନ୍ଦପୁରାଣେ ସନତ୍କୁମାରସଂହିତାୟାମ୍ ।
ଶ୍ରୀଗଣେଶାୟ ନମଃ ।
ହରିଃ ଓଁ ।
ନାମ୍ନାଂ ସାଷ୍ଟସହସ୍ରଞ୍ଚ ବ୍ରୂହି ଗାର୍ଗ୍ୟ ମହାମତେ ।
ମହାଲକ୍ଷ୍ମ୍ୟା ମହାଦେବ୍ୟା ଭୁକ୍ତିମୁକ୍ତ୍ୟର୍ଥସିଦ୍ଧୟେ ॥ ୧॥
ଗାର୍ଗ୍ୟ ଉବାଚ-
ସନତ୍କୁମାରମାସୀନଂ ଦ୍ୱାଦଶାଦିତ୍ୟସନ୍ନିଭମ୍ ।
ଅପୃଚ୍ଛନ୍ୟୋଗିନୋ ଭକ୍ତ୍ୟା ଯୋଗିନାମର୍ଥସିଦ୍ଧୟେ ॥ ୨॥
ସର୍ୱଲୌକିକକର୍ମଭ୍ୟୋ ବିମୁକ୍ତାନାଂ ହିତାୟ ବୈ ।
ଭୁକ୍ତିମୁକ୍ତିପ୍ରଦଂ ଜପ୍ୟମନୁବ୍ରୂହୀ ଦୟାନିଧେ ॥ ୩॥
ସନତ୍କୁମାର ଭଗବନ୍ସର୍ୱଜ୍ଞୋଽସି ବିଶେଷତଃ ।
ଆସ୍ତିକ୍ୟସିଦ୍ଧୟେ ନୄଣାଂ କ୍ଷିପ୍ରଧର୍ମାର୍ଥସାଧନମ୍ ॥ ୪॥
ଖିଦ୍ୟନ୍ତି ମାନବାସ୍ସର୍ୱେ ଧନାଭାବେନ କେବଲମ୍ ।
ସିଦ୍ଧ୍ୟନ୍ତି ଧନିନୋଽନ୍ୟସ୍ୟ ନୈବ ଧର୍ମାର୍ଥକାମନାଃ ॥ ୫॥
ଦାରିଦ୍ର୍ୟଧ୍ୱଂସିନୀ ନାମ କେନ ବିଦ୍ୟା ପ୍ରକୀର୍ତିତା ।
କେନ ବା ବ୍ରହ୍ମବିଦ୍ୟାଽପି କେନ ମୃତ୍ୟୁବିନାଶିନୀ ॥ ୬॥
ସର୍ୱାସାଂ ସାରଭୂତୈକା ବିଦ୍ୟାନାଂ କେନ କୀର୍ତିତା ।
ପ୍ରତ୍ୟକ୍ଷସିଦ୍ଧିଦା ବ୍ରହ୍ମନ୍ ତାମାଚକ୍ଷ୍ୱ ଦୟାନିଧେ ॥ ୭॥
ସନତ୍କୁମାର ଉବାଚ-
ସାଧୁ ପୃଷ୍ଟଂ ମହାଭାଗାସ୍ସର୍ୱଲୋକହିତୈଷିଣଃ ।
ମହତାମେଷ ଧର୍ମଶ୍ଚ ନାନ୍ୟେଷାମିତି ମେ ମତିଃ ॥ ୮॥
ବ୍ରହ୍ମବିଷ୍ଣୁମହାଦେବମହେନ୍ଦ୍ରାଦିମହାତ୍ମଭିଃ ।
ସମ୍ପ୍ରୋକ୍ତଂ କଥୟାମ୍ୟଦ୍ୟ ଲକ୍ଷ୍ମୀନାମସହସ୍ରକମ୍ ॥ ୯॥
ଯସ୍ୟୋଚ୍ଚାରଣମାତ୍ରେଣ ଦାରିଦ୍ର୍ୟାନ୍ମୁଚ୍ୟତେ ନରଃ ।
କିଂ ପୁନସ୍ତଜ୍ଜପାଜ୍ଜାପୀ ସର୍ୱେଷ୍ଟାର୍ଥାନବାପ୍ନୁୟାତ୍ ॥ ୧୦॥
ଅସ୍ୟ ଶ୍ରୀଲକ୍ଷ୍ମୀଦିବ୍ୟସହସ୍ରନାମସ୍ତୋତ୍ରମହାମନ୍ତ୍ରସ୍ୟ
ଆନନ୍ଦକର୍ଦମଚିକ୍ଲୀତେନ୍ଦିରାସୁତାଦୟୋ ମହାତ୍ମାନୋ ମହର୍ଷୟଃ ଅନୁଷ୍ଟୁପ୍ଛନ୍ଦଃ ।
ବିଷ୍ଣୁମାୟା ଶକ୍ତିଃ ମହାଲକ୍ଷ୍ମୀଃ ପରାଦେବତା ।
ଶ୍ରୀମହାଲକ୍ଷ୍ମୀପ୍ରସାଦଦ୍ୱାରା ସର୍ୱେଷ୍ଟାର୍ଥସିଦ୍ଧ୍ୟର୍ଥେ ଜପେ ବିନିୟୋଗଃ ।
ଶ୍ରୀମିତ୍ୟାଦି ଷଡଙ୍ଗନ୍ୟାସଃ ।
ଧ୍ୟାନମ୍-
ପଦ୍ମନାଭପ୍ରିୟାଂ ଦେବୀଂ ପଦ୍ମାକ୍ଷୀଂ ପଦ୍ମବାସିନୀମ୍ ।
ପଦ୍ମବକ୍ତ୍ରାଂ ପଦ୍ମହସ୍ତାଂ ବନ୍ଦେ ପଦ୍ମାମହର୍ନିଶମ୍ ॥ ୧॥
ପୂର୍ଣେନ୍ଦୁବଦନାଂ ଦିବ୍ୟରତ୍ନାଭରଣଭୂଷିତାମ୍ ।
ବରଦାଭୟହସ୍ତାଢ୍ୟାଂ ଧ୍ୟାୟେଚ୍ଚନ୍ଦ୍ରସହୋଦରୀମ୍ ॥ ୨॥
ଇଚ୍ଛାରୂପାଂ ଭଗବତସ୍ସଚ୍ଚିଦାନନ୍ଦରୂପିଣୀମ୍ ।
ସର୍ୱଜ୍ଞାଂ ସର୍ୱଜନନୀଂ ବିଷ୍ଣୁବକ୍ଷସ୍ସ୍ଥଲାଲୟାମ୍ ॥ ୩॥
ଦୟାଲୁମନିଶଂ ଧ୍ୟାୟେତ୍ସୁଖସିଦ୍ଧିସ୍ୱରୂପିଣୀମ୍ ।
ଯଥୋପଦେଶଂ ଜପିତ୍ୱା, ଯଥାକ୍ରମଂ ଦେବ୍ୟୈ ସମର୍ପ୍ୟ,
ତତଶ୍ଶାମ୍ଭବୀମୁଦ୍ରୟା ଲକ୍ଷ୍ମୀମନୁସନ୍ଧାୟ, ନାମସହସ୍ରଂ ଜପେତ୍ ।
ହରିଃ ଓଁ ॥
ନିତ୍ୟାଗତାନନ୍ତନିତ୍ୟା ନନ୍ଦିନୀ ଜନରଞ୍ଜନୀ ।
ନିତ୍ୟପ୍ରକାଶିନୀ ଚୈବ ସ୍ୱପ୍ରକାଶସ୍ୱରୂପିଣୀ ॥ ୧॥
ମହାଲକ୍ଷ୍ମୀର୍ମହାକାଲୀ ମହାକନ୍ୟା ସରସ୍ୱତୀ ।
ଭୋଗବୈଭବସନ୍ଧାତ୍ରୀ ଭକ୍ତାନୁଗ୍ରହକାରିଣୀ ॥ ୨॥
ଈଶାବାସ୍ୟା ମହାମାୟା ମହାଦେବୀ ମହେଶ୍ୱରୀ ।
ହୃଲ୍ଲେଖା ପରମା ଶକ୍ତିର୍ମାତୃକାବୀଜରୂପିଣୀ ॥ ୩॥
ନିତ୍ୟାନନ୍ଦା ନିତ୍ୟବୋଧା ନାଦିନୀ ଜନମୋଦିନୀ ।
ସତ୍ୟପ୍ରତ୍ୟଯନୀ ଚୈବ ସ୍ୱପ୍ରକାଶାତ୍ମରୂପିଣୀ ॥ ୪॥
ତ୍ରିପୁରା ଭୈରବୀ ବିଦ୍ୟା ହଂସା ବାଗୀଶ୍ୱରୀ ଶିବା ।
ବାଗ୍ଦେବୀ ଚ ମହାରାତ୍ରିଃ କାଲରାତ୍ରିସ୍ତ୍ରିଲୋଚନା ॥ ୫॥
ଭଦ୍ରକାଲୀ କରାଲୀ ଚ ମହାକାଲୀ ତିଲୋତ୍ତମା ।
କାଲୀ କରାଲବକ୍ତ୍ରାନ୍ତା କାମାକ୍ଷୀ କାମଦା ଶୁଭା ॥ ୬॥
ଚଣ୍ଡିକା ଚଣ୍ଡରୂପେଶା ଚାମୁଣ୍ଡା ଚକ୍ରଧାରିଣୀ ।
ତ୍ରୈଲୋକ୍ୟଜୟିନୀ ଦେବୀ ତ୍ରୈଲୋକ୍ୟବିଜୟୋତ୍ତମା ॥ ୭॥
ସିଦ୍ଧଲକ୍ଷ୍ମୀଃ କ୍ରିୟାଲକ୍ଷ୍ମୀର୍ମୋକ୍ଷଲକ୍ଷ୍ମୀଃ ପ୍ରସାଦିନୀ ।
ଉମା ଭଗବତୀ ଦୁର୍ଗା ଚାନ୍ଦ୍ରୀ ଦାକ୍ଷାୟଣୀ ଶିବା ॥ ୮॥
ପ୍ରତ୍ୟଙ୍ଗିରା ଧରାବେଲା ଲୋକମାତା ହରିପ୍ରିୟା ।
ପାର୍ୱତୀ ପରମା ଦେବୀ ବ୍ରହ୍ମବିଦ୍ୟାପ୍ରଦାୟିନୀ ॥ ୯॥
ଅରୂପା ବହୁରୂପା ଚ ବିରୂପା ବିଶ୍ୱରୂପିଣୀ ।
ପଞ୍ଚଭୂତାତ୍ମିକା ବାଣୀ ପଞ୍ଚଭୂତାତ୍ମିକା ପରା ॥ ୧୦॥
କାଲୀ ମା ପଞ୍ଚିକା ବାଗ୍ମୀ ହବିଃପ୍ରତ୍ୟଧିଦେବତା ।
ଦେବମାତା ସୁରେଶାନା ଦେବଗର୍ଭାଽମ୍ବିକା ଧୃତିଃ ॥ ୧୧॥
ସଙ୍ଖ୍ୟା ଜାତିଃ କ୍ରିୟାଶକ୍ତିଃ ପ୍ରକୃତିର୍ମୋହିନୀ ମହୀ ।
ଯଜ୍ଞବିଦ୍ୟା ମହାବିଦ୍ୟା ଗୁହ୍ୟବିଦ୍ୟା ବିଭାବରୀ ॥ ୧୨॥ var ବିଭାବତୀ
ଜ୍ୟୋତିଷ୍ମତୀ ମହାମାତା ସର୍ୱମନ୍ତ୍ରଫଲପ୍ରଦା ।
ଦାରିଦ୍ର୍ୟଧ୍ୱଂସିନୀ ଦେବୀ ହୃଦୟଗ୍ରନ୍ଥିଭେଦିନୀ ॥ ୧୩॥
ସହସ୍ରାଦିତ୍ୟସଙ୍କାଶା ଚନ୍ଦ୍ରିକା ଚନ୍ଦ୍ରରୂପିଣୀ ।
ଗାୟତ୍ରୀ ସୋମସମ୍ଭୂତିସ୍ସାବିତ୍ରୀ ପ୍ରଣବାତ୍ମିକା ॥ ୧୪॥
ଶାଙ୍କରୀ ବୈଷ୍ଣବୀ ବ୍ରାହ୍ମୀ ସର୍ୱଦେବନମସ୍କୃତା ।
ସେବ୍ୟଦୁର୍ଗା କୁବେରାକ୍ଷୀ କରବୀରନିବାସିନୀ ॥ ୧୫॥
ଜୟା ଚ ବିଜୟା ଚୈବ ଜୟନ୍ତୀ ଚାଽପରାଜିତା ।
କୁବ୍ଜିକା କାଲିକା ଶାସ୍ତ୍ରୀ ବୀଣାପୁସ୍ତକଧାରିଣୀ ॥ ୧୬॥
ସର୍ୱଜ୍ଞଶକ୍ତିଶ୍ଶ୍ରୀଶକ୍ତିର୍ବ୍ରହ୍ମବିଷ୍ଣୁଶିବାତ୍ମିକା ।
ଇଡାପିଙ୍ଗଲିକାମଧ୍ୟମୃଣାଲୀତନ୍ତୁରୂପିଣୀ ॥ ୧୭॥
ଯଜ୍ଞେଶାନୀ ପ୍ରଥା ଦୀକ୍ଷା ଦକ୍ଷିଣା ସର୍ୱମୋହିନୀ ।
ଅଷ୍ଟାଙ୍ଗୟୋଗିନୀ ଦେବୀ ନିର୍ବୀଜଧ୍ୟାନଗୋଚରା ॥ ୧୮॥
ସର୍ୱତୀର୍ଥସ୍ଥିତା ଶୁଦ୍ଧା ସର୍ୱପର୍ୱତବାସିନୀ ।
ବେଦଶାସ୍ତ୍ରପ୍ରମା ଦେବୀ ଷଡଙ୍ଗାଦିପଦକ୍ରମା ॥ ୧୯॥
ଶିବା ଧାତ୍ରୀ ଶୁଭାନନ୍ଦା ଯଜ୍ଞକର୍ମସ୍ୱରୂପିଣୀ ।
ବ୍ରତିନୀ ମେନକା ଦେବୀ ବ୍ରହ୍ମାଣୀ ବ୍ରହ୍ମଚାରିଣୀ ॥ ୨୦॥
ଏକାକ୍ଷରପରା ତାରା ଭବବନ୍ଧବିନାଶିନୀ ।
ବିଶ୍ୱମ୍ଭରା ଧରାଧାରା ନିରାଧାରାଽଧିକସ୍ୱରା ॥ ୨୧॥
ରାକା କୁହୂରମାବାସ୍ୟା ପୂର୍ଣିମାଽନୁମତିର୍ଦ୍ୟୁତିଃ ।
ସିନୀବାଲୀ ଶିବାଽବଶ୍ୟା ବୈଶ୍ୱଦେବୀ ପିଶଙ୍ଗିଲା ॥ ୨୨॥
ପିପ୍ପଲା ଚ ବିଶାଲାକ୍ଷୀ ରକ୍ଷୋଘ୍ନୀ ବୃଷ୍ଟିକାରିଣୀ ।
ଦୁଷ୍ଟବିଦ୍ରାବିଣୀ ଦେବୀ ସର୍ୱୋପଦ୍ରବନାଶିନୀ ॥ ୨୩॥
ଶାରଦା ଶରସନ୍ଧାନା ସର୍ୱଶସ୍ତ୍ରସ୍ୱରୂପିଣୀ ।
ଯୁଦ୍ଧମଧ୍ୟସ୍ଥିତା ଦେବୀ ସର୍ୱଭୂତପ୍ରଭଞ୍ଜନୀ ॥ ୨୪॥
ଅୟୁଦ୍ଧା ଯୁଦ୍ଧରୂପା ଚ ଶାନ୍ତା ଶାନ୍ତିସ୍ୱରୂପିଣୀ ।
ଗଙ୍ଗା ସରସ୍ୱତୀବେଣୀୟମୁନାନର୍ମଦାପଗା ॥ ୨୫॥
ସମୁଦ୍ରବସନାବାସା ବ୍ରହ୍ମାଣ୍ଡଶ୍ରୋଣିମେଖଲା ।
ପଞ୍ଚବକ୍ତ୍ରା ଦଶଭୁଜା ଶୁଦ୍ଧସ୍ଫଟିକସନ୍ନିଭା ॥ ୨୬॥
ରକ୍ତା କୃଷ୍ଣା ସିତା ପୀତା ସର୍ୱବର୍ଣା ନିରୀଶ୍ୱରୀ ।
କାଲିକା ଚକ୍ରିକା ଦେବୀ ସତ୍ୟା ତୁ ବଟୁକାସ୍ଥିତା ॥ ୨୭॥
ତରୁଣୀ ବାରୁଣୀ ନାରୀ ଜ୍ୟେଷ୍ଠାଦେବୀ ସୁରେଶ୍ୱରୀ ।
ବିଶ୍ୱମ୍ଭରାଧରା କର୍ତ୍ରୀ ଗଲାର୍ଗଲବିଭଞ୍ଜନୀ ॥ ୨୮॥
ସନ୍ଧ୍ୟାରାତ୍ରିର୍ଦିବାଜ୍ୟୋତ୍ସ୍ତ୍ନା କଲାକାଷ୍ଠା ନିମେଷିକା ।
ଉର୍ୱୀ କାତ୍ୟାୟନୀ ଶୁଭ୍ରା ସଂସାରାର୍ଣବତାରିଣୀ ॥ ୨୯॥
କପିଲା କୀଲିକାଽଶୋକା ମଲ୍ଲିକାନବମଲ୍ଲିକା । var କୌଲିକା
ଦେବିକା ନନ୍ଦିକା ଶାନ୍ତା ଭଞ୍ଜିକା ଭୟଭଞ୍ଜିକା ॥ ୩୦॥
କୌଶିକୀ ବୈଦିକୀ ଦେବୀ ସୌରୀ ରୂପାଧିକାଽତିଭା ।
ଦିଗ୍ୱସ୍ତ୍ରା ନବବସ୍ତ୍ରା ଚ କନ୍ୟକା କମଲୋଦ୍ଭବା ॥ ୩୧॥
ଶ୍ରୀସ୍ସୌମ୍ୟଲକ୍ଷଣାଽତୀତଦୁର୍ଗା ସୂତ୍ରପ୍ରବୋଧିକା ।
ଶ୍ରଦ୍ଧା ମେଧା କୃତିଃ ପ୍ରଜ୍ଞା ଧାରଣା କାନ୍ତିରେବ ଚ ॥ ୩୨॥
ଶ୍ରୁତିଃ ସ୍ମୃତିର୍ଧୃତିର୍ଧନ୍ୟା ଭୂତିରିଷ୍ଟିର୍ମନୀଷିଣୀ ।
ବିରକ୍ତିର୍ୱ୍ୟାପିନୀ ମାୟା ସର୍ୱମାୟାପ୍ରଭଞ୍ଜନୀ ॥ ୩୩॥
ମାହେନ୍ଦ୍ରୀ ମନ୍ତ୍ରିଣୀ ସିଂହୀ ଚେନ୍ଦ୍ରଜାଲସ୍ୱରୂପିଣୀ ।
ଅବସ୍ଥାତ୍ରୟନିର୍ମୁକ୍ତା ଗୁଣତ୍ରୟବିବର୍ଜିତା ॥ ୩୪॥
ଈଷଣାତ୍ରୟନିର୍ମୁକ୍ତା ସର୍ୱରୋଗବିବର୍ଜିତା ।
ଯୋଗିଧ୍ୟାନାନ୍ତଗମ୍ୟା ଚ ଯୋଗଧ୍ୟାନପରାୟଣା ॥ ୩୫॥
ତ୍ରୟୀଶିଖା ବିଶେଷଜ୍ଞା ବେଦାନ୍ତଜ୍ଞାନରୂପିଣୀ ।
ଭାରତୀ କମଲା ଭାଷା ପଦ୍ମା ପଦ୍ମବତୀ କୃତିଃ ॥ ୩୬॥
ଗୌତମୀ ଗୋମତୀ ଗୌରୀ ଈଶାନା ହଂସବାହନୀ ।
ନାରାୟଣୀ ପ୍ରଭାଧାରା ଜାହ୍ନବୀ ଶଙ୍କରାତ୍ମଜା ॥ ୩୭॥
ଚିତ୍ରଘଣ୍ଟା ସୁନନ୍ଦା ଶ୍ରୀର୍ମାନବୀ ମନୁସମ୍ଭବା ।
ସ୍ତମ୍ଭିନୀ କ୍ଷୋଭିଣୀ ମାରୀ ଭ୍ରାମିଣୀ ଶତ୍ରୁମାରିଣୀ ॥ ୩୮॥
ମୋହିନୀ ଦ୍ୱେଷିଣୀ ବୀରା ଅଘୋରା ରୁଦ୍ରରୂପିଣୀ ।
ରୁଦ୍ରୈକାଦଶିନୀ ପୁଣ୍ୟା କଲ୍ୟାଣୀ ଲାଭକାରିଣୀ ॥ ୩୯॥
ଦେବଦୁର୍ଗା ମହାଦୁର୍ଗା ସ୍ୱପ୍ନଦୁର୍ଗାଽଷ୍ଟଭୈରବୀ ।
ସୂର୍ୟଚନ୍ଦ୍ରାଗ୍ନିରୂପା ଚ ଗ୍ରହନକ୍ଷତ୍ରରୂପିଣୀ ॥ ୪୦॥
ବିନ୍ଦୁନାଦକଲାତୀତା ବିନ୍ଦୁନାଦକଲାତ୍ମିକା ।
ଦଶବାୟୁଜୟାକାରା କଲାଷୋଡଶସଂୟୁତା ॥ ୪୧॥
କାଶ୍ୟପୀ କମଲାଦେବୀ ନାଦଚକ୍ରନିବାସିନୀ ।
ମୃଡାଧାରା ସ୍ଥିରା ଗୁହ୍ୟା ଦେବିକା ଚକ୍ରରୂପିଣୀ ॥ ୪୨॥
ଅବିଦ୍ୟା ଶାର୍ୱରୀ ଭୁଞ୍ଜା ଜମ୍ଭାସୁରନିବର୍ହିଣୀ ।
ଶ୍ରୀକାୟା ଶ୍ରୀକଲା ଶୁଭ୍ରା କର୍ମନିର୍ମୂଲକାରିଣୀ ॥ ୪୩॥
ଆଦିଲକ୍ଷ୍ମୀର୍ଗୁଣାଧାରା ପଞ୍ଚବ୍ରହ୍ମାତ୍ମିକା ପରା ।
ଶ୍ରୁତିର୍ବ୍ରହ୍ମମୁଖାବାସା ସର୍ୱସମ୍ପତ୍ତିରୂପିଣୀ ॥ ୪୪॥
ମୃତସଞ୍ଜୀବିନୀ ମୈତ୍ରୀ କାମିନୀ କାମବର୍ଜିତା ।
ନିର୍ୱାଣମାର୍ଗଦା ଦେବୀ ହଂସିନୀ କାଶିକା କ୍ଷମା ॥ ୪୫॥
ସପର୍ୟା ଗୁଣିନୀ ଭିନ୍ନା ନିର୍ଗୁଣା ଖଣ୍ଡିତାଶୁଭା ।
ସ୍ୱାମିନୀ ବେଦିନୀ ଶକ୍ୟା ଶାମ୍ବରୀ ଚକ୍ରଧାରିଣୀ ॥ ୪୬॥
ଦଣ୍ଡିନୀ ମୁଣ୍ଡିନୀ ବ୍ୟାଘ୍ରୀ ଶିଖିନୀ ସୋମସଂହତିଃ ।
ଚିନ୍ତାମଣିଶ୍ଚିଦାନନ୍ଦା ପଞ୍ଚବାଣାଗ୍ରବୋଧିନୀ ॥ ୪୭॥ var ପଞ୍ଚବାଣପ୍ରବୋଧିନୀ
ବାଣଶ୍ରେଣିସ୍ସହସ୍ରାକ୍ଷୀ ସହସ୍ରଭୁଜପାଦୁକା ।
ସନ୍ଧ୍ୟାବଲିସ୍ତ୍ରିସନ୍ଧ୍ୟାଖ୍ୟା ବ୍ରହ୍ମାଣ୍ଡମଣିଭୂଷଣା ॥ ୪୮॥
ବାସବୀ ବାରୁଣୀସେନା କୁଲିକା ମନ୍ତ୍ରରଞ୍ଜନୀ ।
ଜିତପ୍ରାଣସ୍ୱରୂପା ଚ କାନ୍ତା କାମ୍ୟବରପ୍ରଦା ॥ ୪୯॥
ମନ୍ତ୍ରବ୍ରାହ୍ମଣବିଦ୍ୟାର୍ଥା ନାଦରୂପା ହବିଷ୍ମତୀ ।
ଆଥର୍ୱଣୀ ଶ୍ରୁତିଶୂନ୍ୟା କଲ୍ପନାବର୍ଜିତା ସତୀ ॥ ୫୦॥
ସତ୍ତାଜାତିଃ ପ୍ରମାଽମେୟାଽପ୍ରମିତିଃ ପ୍ରାଣଦା ଗତିଃ ।
ଅବର୍ଣା ପଞ୍ଚବର୍ଣା ଚ ସର୍ୱଦା ଭୁବନେଶ୍ୱରୀ ॥ ୫୧॥
ତ୍ରୈଲୋକ୍ୟମୋହିନୀ ବିଦ୍ୟା ସର୍ୱଭର୍ତ୍ରୀ କ୍ଷରାଽକ୍ଷରା ।
ହିରଣ୍ୟବର୍ଣା ହରିଣୀ ସର୍ୱୋପଦ୍ରବନାଶିନୀ ॥ ୫୨॥
କୈବଲ୍ୟପଦବୀରେଖା ସୂର୍ୟମଣ୍ଡଲସଂସ୍ଥିତା ।
ସୋମମଣ୍ଡଲମଧ୍ୟସ୍ଥା ବହ୍ନିମଣ୍ଡଲସଂସ୍ଥିତା ॥ ୫୩॥
ବାୟୁମଣ୍ଡଲମଧ୍ୟସ୍ଥା ବ୍ୟୋମମଣ୍ଡଲସଂସ୍ଥିତା ।
ଚକ୍ରିକା ଚକ୍ରମଧ୍ୟସ୍ଥା ଚକ୍ରମାର୍ଗପ୍ରବର୍ତିନୀ ॥ ୫୪॥
କୋକିଲାକୁଲଚକ୍ରେଶା ପକ୍ଷତିଃ ପଙ୍କ୍ତିପାବନୀ ।
ସର୍ୱସିଦ୍ଧାନ୍ତମାର୍ଗସ୍ଥା ଷଡ୍ୱର୍ଣାବରବର୍ଜିତା ॥ ୫୫॥
ଶରରୁଦ୍ରହରା ହନ୍ତ୍ରୀ ସର୍ୱସଂହାରକାରିଣୀ ।
ପୁରୁଷା ପୌରୁଷୀ ତୁଷ୍ଟିସ୍ସର୍ୱତନ୍ତ୍ରପ୍ରସୂତିକା ॥ ୫୬॥
ଅର୍ଧନାରୀଶ୍ୱରୀ ଦେବୀ ସର୍ୱବିଦ୍ୟାପ୍ରଦାୟିନୀ ।
ଭାର୍ଗବୀ ଯାଜୁଷୀବିଦ୍ୟା ସର୍ୱୋପନିଷଦାସ୍ଥିତା ॥ ୫୭॥
ବ୍ୟୋମକେଶାଖିଲପ୍ରାଣା ପଞ୍ଚକୋଶବିଲକ୍ଷଣା ।
ପଞ୍ଚକୋଶାତ୍ମିକା ପ୍ରତ୍ୟକ୍ପଞ୍ଚବ୍ରହ୍ମାତ୍ମିକା ଶିବା ॥ ୫୮॥
ଜଗଜ୍ଜରାଜନିତ୍ରୀ ଚ ପଞ୍ଚକର୍ମପ୍ରସୂତିକା ।
ବାଗ୍ଦେବ୍ୟାଭରଣାକାରା ସର୍ୱକାମ୍ୟସ୍ଥିତସ୍ଥିତିଃ ॥ ୫୯॥
ଅଷ୍ଟାଦଶଚତୁଷ୍ଷଷ୍ଠିପୀଠିକା ବିଦ୍ୟଯା ଯୁତା ।
କାଲିକାକର୍ଷଣଶ୍ୟାମା ଯକ୍ଷିଣୀ କିନ୍ନରେଶ୍ୱରୀ ॥ ୬୦॥
କେତକୀ ମଲ୍ଲିକାଶୋକା ବାରାହୀ ଧରଣୀ ଧ୍ରୁବା ।
ନାରସିଂହୀ ମହୋଗ୍ରାସ୍ୟା ଭକ୍ତାନାମାର୍ତିନାଶିନୀ ॥ ୬୧॥
ଅନ୍ତର୍ବଲା ସ୍ଥିରା ଲକ୍ଷ୍ମୀର୍ଜରାମରଣନାଶିନୀ ।
ଶ୍ରୀରଞ୍ଜିତା ମହାକାୟା ସୋମସୂର୍ୟାଗ୍ନିଲୋଚନା ॥ ୬୨॥
ଅଦିତିର୍ଦେବମାତା ଚ ଅଷ୍ଟପୁତ୍ରାଽଷ୍ଟୟୋଗିନୀ ।
ଅଷ୍ଟପ୍ରକୃତିରଷ୍ଟାଷ୍ଟବିଭ୍ରାଜଦ୍ୱିକୃତାକୃତିଃ ॥ ୬୩॥
ଦୁର୍ଭିକ୍ଷଧ୍ୱଂସିନୀ ଦେବୀ ସୀତା ସତ୍ୟା ଚ ରୁକ୍ମିଣୀ ।
ଖ୍ୟାତିଜା ଭାର୍ଗବୀ ଦେବୀ ଦେବୟୋନିସ୍ତପସ୍ୱିନୀ ॥ ୬୪॥
ଶାକମ୍ଭରୀ ମହାଶୋଣା ଗରୁଡୋପରିସଂସ୍ଥିତା ।
ସିଂହଗା ବ୍ୟାଘ୍ରଗା ଦେବୀ ବାୟୁଗା ଚ ମହାଦ୍ରିଗା ॥ ୬୫॥
ଅକାରାଦିକ୍ଷକାରାନ୍ତା ସର୍ୱବିଦ୍ୟାଧିଦେବତା ।
ମନ୍ତ୍ରବ୍ୟାଖ୍ୟାନନିପୁଣା ଜ୍ୟୋତିଶ୍ଶାସ୍ତ୍ରୈକଲୋଚନା ॥ ୬୬॥
ଇଡାପିଙ୍ଗଲିକାମଧ୍ୟାସୁଷୁମ୍ନା ଗ୍ରନ୍ଥିଭେଦିନୀ ।
କାଲଚକ୍ରାଶ୍ରୟୋପେତା କାଲଚକ୍ରସ୍ୱରୂପିଣୀ ॥ ୬୭॥
ବୈଶାରଦୀ ମତିଶ୍ଶ୍ରେଷ୍ଠା ବରିଷ୍ଠା ସର୍ୱଦୀପିକା ।
ବୈନାୟକୀ ବରାରୋହା ଶ୍ରୋଣିବେଲା ବହିର୍ୱଲିଃ ॥ ୬୮॥
ଜମ୍ଭିନୀ ଜୃମ୍ଭିଣୀ ଜୃମ୍ଭକାରିଣୀ ଗଣକାରିକା ।
ଶରଣୀ ଚକ୍ରିକାଽନନ୍ତା ସର୍ୱବ୍ୟାଧିଚିକିତ୍ସକୀ ॥ ୬୯॥
ଦେବକୀ ଦେବସଙ୍କାଶା ବାରିଧିଃ କରୁଣାକରା ।
ଶର୍ୱରୀ ସର୍ୱସମ୍ପନ୍ନା ସର୍ୱପାପପ୍ରଭଞ୍ଜିନୀ ॥ ୭୦॥
ଏକମାତ୍ରା ଦ୍ୱିମାତ୍ରା ଚ ତ୍ରିମାତ୍ରା ଚ ତଥାପରା ।
ଅର୍ଧମାତ୍ରା ପରା ସୂକ୍ଷ୍ମା ସୂକ୍ଷ୍ମାର୍ଥାଽର୍ଥପରାଽପରା ॥ ୭୧॥
ଏକବୀରା ବିଶେଷାଖ୍ୟା ଷଷ୍ଠୀଦେବୀ ମନସ୍ୱିନୀ ।
ନୈଷ୍କର୍ମ୍ୟା ନିଷ୍କଲାଲୋକା ଜ୍ଞାନକର୍ମାଧିକା ଗୁଣା ॥ ୭୨॥
ସବନ୍ଧ୍ୱାନନ୍ଦସନ୍ଦୋହା ବ୍ୟୋମାକାରାଽନିରୂପିତା ।
ଗଦ୍ୟପଦ୍ୟାତ୍ମିକା ବାଣୀ ସର୍ୱାଲଙ୍କାରସଂୟୁତା ॥ ୭୩॥
ସାଧୁବନ୍ଧପଦନ୍ୟାସା ସର୍ୱୌକୋ ଘଟିକାବଲିଃ ।
ଷଟ୍କର୍ମା କର୍କଶାକାରା ସର୍ୱକର୍ମବିବର୍ଜିତା ॥ ୭୪॥
ଆଦିତ୍ୟବର୍ଣା ଚାପର୍ଣା କାମିନୀ ବରରୂପିଣୀ ।
ବ୍ରହ୍ମାଣୀ ବ୍ରହ୍ମସନ୍ତାନା ବେଦବାଗୀଶ୍ୱରୀ ଶିବା ॥ ୭୫॥
ପୁରାଣନ୍ୟାୟମୀମାଂସାଧର୍ମଶାସ୍ତ୍ରାଗମଶ୍ରୁତା ।
ସଦ୍ୟୋବେଦବତୀ ସର୍ୱା ହଂସୀ ବିଦ୍ୟାଧିଦେବତା ॥ ୭୬॥
ବିଶ୍ୱେଶ୍ୱରୀ ଜଗଦ୍ଧାତ୍ରୀ ବିଶ୍ୱନିର୍ମାଣକାରିଣୀ ।
ବୈଦିକୀ ବେଦରୂପା ଚ କାଲିକା କାଲରୂପିଣୀ ॥ ୭୭॥
ନାରାୟଣୀ ମହାଦେବୀ ସର୍ୱତତ୍ତ୍ୱପ୍ରବର୍ତିନୀ ।
ହିରଣ୍ୟବର୍ଣରୂପା ଚ ହିରଣ୍ୟପଦସମ୍ଭବା ॥ ୭୮॥
କୈବଲ୍ୟପଦବୀ ପୁଣ୍ୟା କୈବଲ୍ୟଜ୍ଞାନଲକ୍ଷିତା ।
ବ୍ରହ୍ମସମ୍ପତ୍ତିରୂପା ଚ ବ୍ରହ୍ମସମ୍ପତ୍ତିକାରିଣୀ ॥ ୭୯॥
ବାରୁଣୀ ବାରୁଣାରାଧ୍ୟା ସର୍ୱକର୍ମପ୍ରବର୍ତିନୀ ।
ଏକାକ୍ଷରପରାଽଽୟୁକ୍ତା ସର୍ୱଦାରିଦ୍ର୍ୟଭଞ୍ଜିନୀ ॥ ୮୦॥
ପାଶାଙ୍କୁଶାନ୍ୱିତା ଦିବ୍ୟା ବୀଣାବ୍ୟାଖ୍ୟାକ୍ଷସୂତ୍ରଭୃତ୍ ।
ଏକମୂର୍ତିସ୍ତ୍ରୟୀମୂର୍ତିର୍ମଧୁକୈଟଭଭଞ୍ଜିନୀ ॥ ୮୧॥
ସାଙ୍ଖ୍ୟା ସାଙ୍ଖ୍ୟବତୀ ଜ୍ୱାଲା ଜ୍ୱଲନ୍ତୀ କାମରୂପିଣୀ ।
ଜାଗ୍ରନ୍ତୀ ସର୍ୱସମ୍ପତ୍ତିସ୍ସୁଷୁପ୍ତାନ୍ୱେଷ୍ଟଦାୟିନୀ ॥ ୮୨॥ var ସ୍ୱେଷ୍ଟଦାୟିନୀ
କପାଲିନୀ ମହାଦଂଷ୍ଟ୍ରା ଭ୍ରୁକୁଟୀ କୁଟିଲାନନା ।
ସର୍ୱାବାସା ସୁବାସା ଚ ବୃହତ୍ୟଷ୍ଟିଶ୍ଚ ଶକ୍ୱରୀ ॥ ୮୩॥
ଛନ୍ଦୋଗଣପ୍ରତିଷ୍ଠା ଚ କଲ୍ମାଷୀ କରୁଣାତ୍ମିକା ।
ଚକ୍ଷୁଷ୍ମତୀ ମହାଘୋଷା ଖଡ୍ଗଚର୍ମଧରାଽଶନିଃ ॥ ୮୪॥
ଶିଲ୍ପବୈଚିତ୍ର୍ୟବିଦ୍ୟୋତା ସର୍ୱତୋଭଦ୍ରବାସିନୀ ।
ଅଚିନ୍ତ୍ୟଲକ୍ଷଣାକାରା ସୂତ୍ରଭାଷ୍ୟନିବନ୍ଧନା ॥ ୮୫॥
ସର୍ୱବେଦାର୍ଥସମ୍ପତ୍ତିସ୍ସର୍ୱଶାସ୍ତ୍ରାର୍ଥମାତୃକା ।
ଅକାରାଦିକ୍ଷକାରାନ୍ତସର୍ୱବର୍ଣକୃତସ୍ଥଲା ॥ ୮୬॥
ସର୍ୱଲକ୍ଷ୍ମୀସ୍ସଦାନନ୍ଦା ସାରବିଦ୍ୟା ସଦାଶିବା ।
ସର୍ୱଜ୍ଞା ସର୍ୱଶକ୍ତିଶ୍ଚ ଖେଚରୀରୂପଗୋଚ୍ଛ୍ରିତା ॥ ୮୭॥
ଅଣିମାଦିଗୁଣୋପେତା ପରା କାଷ୍ଠା ପରା ଗତିଃ ।
ହଂସୟୁକ୍ତବିମାନସ୍ଥା ହଂସାରୂଢା ଶଶିପ୍ରଭା ॥ ୮୮॥
ଭବାନୀ ବାସନାଶକ୍ତିରାକୃତିସ୍ଥାଖିଲାଽଖିଲା ।
ତନ୍ତ୍ରହେତୁର୍ୱିଚିତ୍ରାଙ୍ଗୀ ବ୍ୟୋମଗଙ୍ଗାବିନୋଦିନୀ ॥ ୮୯॥
ବର୍ଷା ଚ ବାର୍ଷିକା ଚୈବ ଋଗ୍ୟଜୁସ୍ସାମରୂପିଣୀ ।
ମହାନଦୀନଦୀପୁଣ୍ୟାଽଗଣ୍ୟପୁଣ୍ୟଗୁଣକ୍ରିୟା ॥ ୯୦॥
ସମାଧିଗତଲଭ୍ୟାର୍ଥା ଶ୍ରୋତବ୍ୟା ସ୍ୱପ୍ରିୟା ଘୃଣା ।
ନାମାକ୍ଷରପରା ଦେବୀ ଉପସର୍ଗନଖାଞ୍ଚିତା ॥ ୯୧॥
ନିପାତୋରୁଦ୍ୱୟୀଜଙ୍ଘା ମାତୃକା ମନ୍ତ୍ରରୂପିଣୀ ।
ଆସୀନା ଚ ଶୟାନା ଚ ତିଷ୍ଠନ୍ତୀ ଧାବନାଧିକା ॥ ୯୨॥
ଲକ୍ଷ୍ୟଲକ୍ଷଣୟୋଗାଢ୍ୟା ତାଦ୍ରୂପ୍ୟଗଣନାକୃତିଃ ।
ସୈକରୂପା ନୈକରୂପା ସେନ୍ଦୁରୂପା ତଦାକୃତିଃ ॥ ୯୩॥
ସମାସତଦ୍ଧିତାକାରା ବିଭକ୍ତିବଚନାତ୍ମିକା ।
ସ୍ୱାହାକାରା ସ୍ୱଧାକାରା ଶ୍ରୀପତ୍ୟର୍ଧାଙ୍ଗନନ୍ଦିନୀ ॥ ୯୪॥
ଗମ୍ଭୀରା ଗହନା ଗୁହ୍ୟା ଯୋନିଲିଙ୍ଗାର୍ଧଧାରିଣୀ ।
ଶେଷବାସୁକିସଂସେବ୍ୟା ଚଷାଲା ବରବର୍ଣିନୀ ॥ ୯୫॥
କାରୁଣ୍ୟାକାରସମ୍ପତ୍ତିଃ କୀଲକୃନ୍ମନ୍ତ୍ରକୀଲିକା ।
ଶକ୍ତିବୀଜାତ୍ମିକା ସର୍ୱମନ୍ତ୍ରେଷ୍ଟାକ୍ଷୟକାମନା ॥ ୯୬॥
ଆଗ୍ନେୟୀ ପାର୍ଥିବା ଆପ୍ୟା ବାୟବ୍ୟା ବ୍ୟୋମକେତନା ।
ସତ୍ୟଜ୍ଞାନାତ୍ମିକାଽଽନନ୍ଦା ବ୍ରାହ୍ମୀ ବ୍ରହ୍ମ ସନାତନୀ ॥ ୯୭॥ var ନନ୍ଦା
ଅବିଦ୍ୟାବାସନା ମାୟାପ୍ରକୃତିସ୍ସର୍ୱମୋହିନୀ ।
ଶକ୍ତିର୍ଧାରଣଶକ୍ତିଶ୍ଚ ଚିଦଚିଚ୍ଛକ୍ତିୟୋଗିନୀ ॥ ୯୮॥
ବକ୍ତ୍ରାରୁଣା ମହାମାୟା ମରୀଚିର୍ମଦମର୍ଦିନୀ ।
ବିରାଡ୍ ସ୍ୱାହା ସ୍ୱଧା ଶୁଦ୍ଧା ନୀରୂପାସ୍ତିସ୍ସୁଭକ୍ତିଗା ॥ ୯୯॥ via ବିରାଟ୍
ନିରୂପିତାଦ୍ୱୟୀବିଦ୍ୟା ନିତ୍ୟାନିତ୍ୟସ୍ୱରୂପିଣୀ ।
ବୈରାଜମାର୍ଗସଞ୍ଚାରା ସର୍ୱସତ୍ପଥଦର୍ଶିନୀ ॥ ୧୦୦॥
ଜାଲନ୍ଧରୀ ମୃଡାନୀ ଚ ଭବାନୀ ଭବଭଞ୍ଜନୀ ।
ତ୍ରୈକାଲିକଜ୍ଞାନତନ୍ତୁସ୍ତ୍ରିକାଲଜ୍ଞାନଦାୟିନୀ ॥ ୧୦୧॥
ନାଦାତୀତା ସ୍ମୃତିଃ ପ୍ରଜ୍ଞା ଧାତ୍ରୀରୂପା ତ୍ରିପୁଷ୍କରା ।
ପରାଜିତାବିଧାନଜ୍ଞା ବିଶେଷିତଗୁଣାତ୍ମିକା ॥ ୧୦୨॥
ହିରଣ୍ୟକେଶିନୀ ହେମବ୍ରହ୍ମସୂତ୍ରବିଚକ୍ଷଣା ।
ଅସଙ୍ଖ୍ୟେୟପରାର୍ଧାନ୍ତସ୍ୱରବ୍ୟଞ୍ଜନବୈଖରୀ ॥ ୧୦୩॥
ମଧୁଜିହ୍ୱା ମଧୁମତୀ ମଧୁମାସୋଦୟା ମଧୁଃ ।
ମାଧବୀ ଚ ମହାଭାଗା ମେଘଗମ୍ଭୀରନିସ୍ୱନା ॥ ୧୦୪॥
ବ୍ରହ୍ମବିଷ୍ଣୁମହେଶାଦିଜ୍ଞାତବ୍ୟାର୍ଥବିଶେଷଗା ।
ନାଭୌ ବହ୍ନିଶିଖାକାରା ଲଲାଟେ ଚନ୍ଦ୍ରସନ୍ନିଭା ॥ ୧୦୫॥
ଭ୍ରୂମଧ୍ୟେ ଭାସ୍କରାକାରା ସର୍ୱତାରାକୃତିର୍ହୃଦି ।
କୃତ୍ତିକାଦିଭରଣ୍ୟନ୍ତନକ୍ଷତ୍ରେଷ୍ଟ୍ୟାର୍ଚିତୋଦୟା ॥ ୧୦୬॥
ଗ୍ରହବିଦ୍ୟାତ୍ମିକା ଜ୍ୟୋତିର୍ଜ୍ୟୋତିର୍ୱିନ୍ମତିଜୀବିକା ।
ବ୍ରହ୍ମାଣ୍ଡଗର୍ଭିଣୀ ବାଲା ସପ୍ତାବରଣଦେବତା ॥ ୧୦୭॥
ବୈରାଜୋତ୍ତମସାମ୍ରାଜ୍ୟା କୁମାରକୁଶଲୋଦୟା ।
ବଗଲା ଭ୍ରମରାମ୍ବା ଚ ଶିବଦୂତୀ ଶିବାତ୍ମିକା ॥ ୧୦୮॥
ମେରୁବିନ୍ଧ୍ୟାଦିସଂସ୍ଥାନା କାଶ୍ମୀରପୁରବାସିନୀ ।
ଯୋଗନିଦ୍ରା ମହାନିଦ୍ରା ବିନିଦ୍ରା ରାକ୍ଷସାଶ୍ରିତା ॥ ୧୦୯॥
ସୁବର୍ଣଦା ମହାଗଙ୍ଗା ପଞ୍ଚାଖ୍ୟା ପଞ୍ଚସଂହତିଃ ।
ସୁପ୍ରଜାତା ସୁବୀରା ଚ ସୁପୋଷା ସୁପତିଶ୍ଶିବା ॥ ୧୧୦॥
ସୁଗୃହା ରକ୍ତବୀଜାନ୍ତା ହତକନ୍ଦର୍ପଜୀବିକା ।
ସମୁଦ୍ରବ୍ୟୋମମଧ୍ୟସ୍ଥା ସମବିନ୍ଦୁସମାଶ୍ରୟା ॥ ୧୧୧॥
ସୌଭାଗ୍ୟରସଜୀବାତୁସ୍ସାରାସାରବିବେକଦୃକ୍ ।
ତ୍ରିବଲ୍ୟାଦିସୁପୁଷ୍ଟାଙ୍ଗା ଭାରତୀ ଭରତାଶ୍ରିତା ॥ ୧୧୨॥
ନାଦବ୍ରହ୍ମମୟୀବିଦ୍ୟା ଜ୍ଞାନବ୍ରହ୍ମମୟୀପରା ।
ବ୍ରହ୍ମନାଡୀ ନିରୁକ୍ତିଶ୍ଚ ବ୍ରହ୍ମକୈବଲ୍ୟସାଧନମ୍ ॥ ୧୧୩॥
କାଲିକେୟମହୋଦାରବୀର୍ୟବିକ୍ରମରୂପିଣୀ ।
ବଡବାଗ୍ନିଶିଖାବକ୍ତ୍ରା ମହାକବଲତର୍ପଣା ॥ ୧୧୪॥
ମହାଭୂତା ମହାଦର୍ପା ମହାସାରା ମହାକ୍ରତୁଃ ।
ପଞ୍ଜଭୂତମହାଗ୍ରାସା ପଞ୍ଚଭୂତାଧିଦେବତା ॥ ୧୧୫॥
ସର୍ୱପ୍ରମାଣା ସମ୍ପତ୍ତିସ୍ସର୍ୱରୋଗପ୍ରତିକ୍ରିୟା ।
ବ୍ରହ୍ମାଣ୍ଡାନ୍ତର୍ବହିର୍ୱ୍ୟାପ୍ତା ବିଷ୍ଣୁବକ୍ଷୋବିଭୂଷଣୀ ॥ ୧୧୬॥
ଶାଙ୍କରୀ ବିଧିବକ୍ତ୍ରସ୍ଥା ପ୍ରବରା ବରହେତୁକୀ ।
ହେମମାଲା ଶିଖାମାଲା ତ୍ରିଶିଖା ପଞ୍ଚମୋଚନା ॥ ୧୧୭॥ var ଲୋଚନା
ସର୍ୱାଗମସଦାଚାରମର୍ୟାଦା ଯାତୁଭଞ୍ଜନୀ । var ସଦାଚାର ମର୍ୟାଦାୟାତୁ
ପୁଣ୍ୟଶ୍ଲୋକପ୍ରବନ୍ଧାଢ୍ୟା ସର୍ୱାନ୍ତର୍ୟାମିରୂପିଣୀ ॥ ୧୧୮॥
ସାମଗାନସମାରାଧ୍ୟା ଶ୍ରୋତ୍ରକର୍ଣରସାୟନମ୍ ।
ଜୀବଲୋକୈକଜୀବାତୁର୍ଭଦ୍ରୋଦାରବିଲୋକନା ॥ ୧୧୯॥
ତଟିତ୍କୋଟିଲସତ୍କାନ୍ତିସ୍ତରୁଣୀ ହରିସୁନ୍ଦରୀ ।
ମୀନନେତ୍ରା ଚ ସେନ୍ଦ୍ରାକ୍ଷୀ ବିଶାଲାକ୍ଷୀ ସୁମଙ୍ଗଲା ॥ ୧୨୦॥
ସର୍ୱମଙ୍ଗଲସମ୍ପନ୍ନା ସାକ୍ଷାନ୍ମଙ୍ଗଲଦେବତା ।
ଦେହହୃଦ୍ଦୀପିକା ଦୀପ୍ତିର୍ଜିହ୍ମପାପପ୍ରଣାଶିନୀ ॥ ୧୨୧॥
ଅର୍ଧଚନ୍ଦ୍ରୋଲ୍ଲସଦ୍ଦଂଷ୍ଟ୍ରା ଯଜ୍ଞବାଟୀବିଲାସିନୀ ।
ମହାଦୁର୍ଗା ମହୋତ୍ସାହା ମହାଦେବବଲୋଦୟା ॥ ୧୨୨॥
ଡାକିନୀଡ୍ୟା ଶାକିନୀଡ୍ୟା ସାକିନୀଡ୍ୟା ସମସ୍ତଜୁଟ୍ ।
ନିରଙ୍କୁଶା ନାକିବନ୍ଦ୍ୟା ଷଡାଧାରାଧିଦେବତା ॥ ୧୨୩॥
ଭୁବନଜ୍ଞାନିନିଶ୍ଶ୍ରେଣୀ ଭୁବନାକାରବଲ୍ଲରୀ ।
ଶାଶ୍ୱତୀ ଶାଶ୍ୱତାକାରା ଲୋକାନୁଗ୍ରହକାରିଣୀ ॥ ୧୨୪॥
ସାରସୀ ମାନସୀ ହଂସୀ ହଂସଲୋକପ୍ରଦାୟିନୀ ।
ଚିନ୍ମୁଦ୍ରାଲଙ୍କୃତକରା କୋଟିସୂର୍ୟସମପ୍ରଭା ॥ ୧୨୫॥
ସୁଖପ୍ରାଣିଶିରୋରେଖା ସଦଦୃଷ୍ଟପ୍ରଦାୟିନୀ । var ନଦ
ସର୍ୱସାଙ୍କର୍ୟଦୋଷଘ୍ନୀ ଗ୍ରହୋପଦ୍ରବନାଶିନୀ ॥ ୧୨୬॥
କ୍ଷୁଦ୍ରଜନ୍ତୁଭୟଘ୍ନୀ ଚ ବିଷରୋଗାଦିଭଞ୍ଜନୀ ।
ସଦାଶାନ୍ତା ସଦାଶୁଦ୍ଧା ଗୃହଚ୍ଛିଦ୍ରନିବାରିଣୀ ॥ ୧୨୭॥
କଲିଦୋଷପ୍ରଶମନୀ କୋଲାହଲପୁରସ୍ସ୍ଥିତା ।
ଗୌରୀ ଲାକ୍ଷଣକୀ ମୁଖ୍ୟା ଜଘନ୍ୟାକୃତିବର୍ଜିତା ॥ ୧୨୮॥ var ଲାକ୍ଷଣିକୀ
ମାୟା ବିଦ୍ୟା ମୂଲଭୂତା ବାସବୀ ବିଷ୍ଣୁଚେତନା ।
ବାଦିନୀ ବସୁରୂପା ଚ ବସୁରତ୍ନପରିଚ୍ଛଦା ॥ ୧୨୯॥
ଛାନ୍ଦସୀ ଚନ୍ଦ୍ରହୃଦୟା ମନ୍ତ୍ରସ୍ୱଚ୍ଛନ୍ଦଭୈରବୀ ।
ବନମାଲା ବୈଜୟନ୍ତୀ ପଞ୍ଚଦିବ୍ୟାୟୁଧାତ୍ମିକା ॥ ୧୩୦॥
ପୀତାମ୍ବରମୟୀ ଚଞ୍ଚତ୍କୌସ୍ତୁଭା ହରିକାମିନୀ ।
ନିତ୍ୟା ତଥ୍ୟା ରମା ରାମା ରମଣୀ ମୃତ୍ୟୁଭଞ୍ଜନୀ ॥ ୧୩୧॥ var ଭଞ୍ଜିନୀ
ଜ୍ୟେଷ୍ଠା କାଷ୍ଠା ଧନିଷ୍ଠାନ୍ତା ଶରାଙ୍ଗୀ ନିର୍ଗୁଣପ୍ରିୟା ।
ମୈତ୍ରେୟା ମିତ୍ରବିନ୍ଦା ଚ ଶେଷ୍ୟଶେଷକଲାଶୟା ॥ ୧୩୨॥
ବାରାଣସୀବାସରତା ଚାର୍ୟାବର୍ତଜନସ୍ତୁତା ।
ଜଗଦୁତ୍ପତ୍ତିସଂସ୍ଥାନସଂହାରତ୍ରୟକାରଣମ୍ ॥ ୧୩୩॥
ତ୍ୱମମ୍ବ ବିଷ୍ଣୁସର୍ୱସ୍ୱଂ ନମସ୍ତେଽସ୍ତୁ ମହେଶ୍ୱରି ।
ନମସ୍ତେ ସର୍ୱଲୋକାନାଂ ଜନନ୍ୟୈ ପୁଣ୍ୟମୂର୍ତୟେ ॥ ୧୩୪॥
ସିଦ୍ଧଲକ୍ଷ୍ମୀର୍ମହାକାଲି ମହଲକ୍ଷ୍ମି ନମୋଽସ୍ତୁ ତେ ।
ସଦ୍ୟୋଜାତାଦିପଞ୍ଚାଗ୍ନିରୂପା ପଞ୍ଚକପଞ୍ଚକମ୍ ॥ ୧୩୫॥
ଯନ୍ତ୍ରଲକ୍ଷ୍ମୀର୍ଭବତ୍ୟାଦିରାଦ୍ୟାଦ୍ୟେ ତେ ନମୋ ନମଃ ।
ସୃଷ୍ଟ୍ୟାଦିକାରଣାକାରବିତତେ ଦୋଷବର୍ଜିତେ ॥ ୧୩୬॥
ଜଗଲ୍ଲକ୍ଷ୍ମୀର୍ଜଗନ୍ମାତର୍ୱିଷ୍ଣୁପତ୍ନି ନମୋଽସ୍ତୁ ତେ । var ଲକ୍ଷ୍ମି ଜଗନ୍
ନବକୋଟିମହାଶକ୍ତିସମୁପାସ୍ୟପଦାମ୍ବୁଜେ ॥ ୧୩୭॥
କନତ୍ସୌବର୍ଣରତ୍ନାଢ୍ୟେ ସର୍ୱାଭରଣଭୂଷିତେ ।
ଅନନ୍ତାନିତ୍ୟମହିଷୀପ୍ରପଞ୍ଚେଶ୍ୱରନାୟକି ॥ ୧୩୮॥
ଅତ୍ୟୁଚ୍ଛ୍ରିତପଦାନ୍ତସ୍ଥେ ପରମବ୍ୟୋମନାୟକି ।
ନାକପୃଷ୍ଠଗତାରାଧ୍ୟେ ବିଷ୍ଣୁଲୋକବିଲାସିନି ॥ ୧୩୯॥
ବୈକୁଣ୍ଠରାଜମହିଷି ଶ୍ରୀରଙ୍ଗନଗରାଶ୍ରିତେ ।
ରଙ୍ଗନାୟକି ଭୂପୁତ୍ରି କୃଷ୍ଣେ ବରଦବଲ୍ଲଭେ ॥ ୧୪୦॥
କୋଟିବ୍ରହ୍ମାଦିସଂସେବ୍ୟେ କୋଟିରୁଦ୍ରାଦିକୀର୍ତିତେ ।
ମାତୁଲୁଙ୍ଗମୟଂ ଖେଟଂ ସୌବର୍ଣଚଷକଂ ତଥା ॥ ୧୪୧॥
ପଦ୍ମଦ୍ୱୟଂ ପୂର୍ଣକୁମ୍ଭଂ କୀରଞ୍ଚ ବରଦାଭୟେ ।
ପାଶମଙ୍କୁଶକଂ ଶଙ୍ଖଂ ଚକ୍ରଂ ଶୂଲଂ କୃପାଣିକାମ୍ ॥ ୧୪୨॥
ଧନୁର୍ବାଣୌ ଚାକ୍ଷମାଲାଂ ଚିନ୍ମୁଦ୍ରାମପି ବିଭ୍ରତୀ ।
ଅଷ୍ଟାଦଶଭୁଜେ ଲକ୍ଷ୍ମୀର୍ମହାଷ୍ଟାଦଶପୀଠଗେ ॥ ୧୪୩॥
ଭୂମିନୀଲାଦିସଂସେବ୍ୟେ ସ୍ୱାମିଚିତ୍ତାନୁବର୍ତିନି।
ପଦ୍ମେ ପଦ୍ମାଲୟେ ପଦ୍ମି ପୂର୍ଣକୁମ୍ଭାଭିଷେଚିତେ ॥ ୧୪୪॥
ଇନ୍ଦିରେନ୍ଦିନ୍ଦିରାଭାକ୍ଷି କ୍ଷୀରସାଗରକନ୍ୟକେ । var ଇନ୍ଦିରେନ୍ଦୀବରାଭାକ୍ଷି
ଭାର୍ଗବି ତ୍ୱଂ ସ୍ୱତନ୍ତ୍ରେଚ୍ଛା ବଶୀକୃତଜଗତ୍ପତିଃ ॥ ୧୪୫॥
ମଙ୍ଗଲଂ ମଙ୍ଗଲାନାଂ ତ୍ୱଂ ଦେବତାନାଂ ଚ ଦେବତା ।
ତ୍ୱମୁତ୍ତମୋତ୍ତମାନାଞ୍ଚ ତ୍ୱଂ ଶ୍ରେୟଃ ପରମାମୃତମ୍ ॥ ୧୪୬॥
ଧନଧାନ୍ୟାଭିବୃଦ୍ଧିଶ୍ଚ ସାର୍ୱଭୌମସୁଖୋଚ୍ଛ୍ରୟା ।
ଆନ୍ଦୋଲିକାଦିସୌଭାଗ୍ୟଂ ମତ୍ତେଭାଦିମହୋଦୟଃ ॥ ୧୪୭॥
ପୁତ୍ରପୌତ୍ରାଭିବୃଦ୍ଧିଶ୍ଚ ବିଦ୍ୟାଭୋଗବଲାଦିକମ୍ ।
ଆୟୁରାରୋଗ୍ୟସମ୍ପତ୍ତିରଷ୍ଟୈଶ୍ୱର୍ୟଂ ତ୍ୱମେବ ହି ॥ ୧୪୮॥
ପଦମେବ ବିଭୂତିଶ୍ଚ ସୂକ୍ଷ୍ମାସୂକ୍ଷ୍ମତରାଗତିଃ । var ପରମେଶବିଭୂତିଶ୍ଚ
ସଦୟାପାଙ୍ଗସନ୍ଦତ୍ତବ୍ରହ୍ମେନ୍ଦ୍ରାଦିପଦସ୍ଥିତିଃ ॥ ୧୪୯॥
ଅବ୍ୟାହତମହାଭାଗ୍ୟଂ ତ୍ୱମେବାକ୍ଷୋଭ୍ୟବିକ୍ରମଃ ।
ସମନ୍ୱୟଶ୍ଚ ବେଦାନାମବିରୋଧସ୍ତ୍ୱମେବ ହି ॥ ୧୫୦॥
ନିଃଶ୍ରେୟସପଦପ୍ରାପ୍ତିସାଧନଂ ଫଲମେବ ଚ ।
ଶ୍ରୀମନ୍ତ୍ରରାଜରାଜ୍ଞୀ ଚ ଶ୍ରୀବିଦ୍ୟା କ୍ଷେମକାରିଣୀ ॥ ୧୫୧॥
ଶ୍ରୀବୀଜଜପସନ୍ତୁଷ୍ଟା ଐଂ ହ୍ରୀଂ ଶ୍ରୀଂ ବୀଜପାଲିକା ।
ପ୍ରପତ୍ତିମାର୍ଗସୁଲଭା ବିଷ୍ଣୁପ୍ରଥମକିଙ୍କରୀ ॥ ୧୫୨॥
କ୍ଲୀଙ୍କାରାର୍ଥସବିତ୍ରୀ ଚ ସୌମଙ୍ଗଲ୍ୟାଧିଦେବତା ।
ଶ୍ରୀଷୋଡଶାକ୍ଷରୀବିଦ୍ୟା ଶ୍ରୀୟନ୍ତ୍ରପୁରବାସିନୀ ॥ ୧୫୩॥
ସର୍ୱମଙ୍ଗଲମାଙ୍ଗଲ୍ୟେ ଶିବେ ସର୍ୱାର୍ଥସାଧିକେ ।
ଶରଣ୍ୟେ ତ୍ର୍ୟମ୍ବକେ ଦେବି ନାରାୟଣି ନମୋଽସ୍ତୁ ତେ ॥ ୧୫୪॥
ପୁନଃ ପୁନର୍ନମସ୍ତେଽସ୍ତୁ ସାଷ୍ଟାଙ୍ଗମୟୁତଂ ପୁନଃ ।
ସନତ୍କୁମାର ଉବାଚ-
ଏବଂ ସ୍ତୁତା ମହାଲକ୍ଷ୍ମୀର୍ବ୍ରହ୍ମରୁଦ୍ରାଦିଭିସ୍ସୁରୈଃ ।
ନମଦ୍ଭିରାର୍ତୈର୍ଦୀନୈଶ୍ଚ ନିସ୍ସ୍ୱତ୍ୱୈର୍ଭୋଗବର୍ଜିତୈଃ ॥ ୧॥ var ନିସ୍ସତ୍ତ୍ୱୈ
ଜ୍ୟେଷ୍ଠା ଜୁଷ୍ଟୈଶ୍ଚ ନିଶ୍ଶ୍ରୀକୈସ୍ସଂସାରାତ୍ସ୍ୱପରାୟଣୈଃ ।
ବିଷ୍ଣୁପତ୍ନୀ ଦଦୌ ତେଷାଂ ଦର୍ଶନଂ ଦୃଷ୍ଟିତର୍ପଣମ୍ ॥ ୨॥
ଶରତ୍ପୂର୍ଣେନ୍ଦୁକୋଟ୍ୟାଭଧବଲାପାଙ୍ଗବୀକ୍ଷଣୈଃ ।
ସର୍ୱାତ୍ସତ୍ତ୍ୱସମାବିଷ୍ଟାଂଶ୍ଚକ୍ରେ ହୃଷ୍ଟା ବରଂ ଦଦୌ ॥ ୩॥
ମହାଲକ୍ଷ୍ମୀରୁବାଚ-
ନାମ୍ନାଂ ସାଷ୍ଟସହସ୍ରଂ ମେ ପ୍ରମାଦାଦ୍ୱାପି ଯସ୍ସକୃତ୍ ।
କୀର୍ତୟେତ୍ତତ୍କୁଲେ ସତ୍ୟଂ ବସାମ୍ୟାଚନ୍ଦ୍ରତାରକମ୍ ॥ ୪॥
କିଂ ପୁନର୍ନିୟମାଜ୍ଜପ୍ତୁର୍ମଦେକଶରଣସ୍ୟ ଚ ।
ମାତୃବତ୍ସାନୁକମ୍ପାହଂ ପୋଷକୀ ସ୍ୟାମହର୍ନିଶମ୍ ॥ ୫॥
ମନ୍ନାମ ସ୍ତବତାଂ ଲୋକେ ଦୁର୍ଲଭଂ ନାସ୍ତି ଚିନ୍ତିତମ୍ । var ସ୍ତୁବ
ମତ୍ପ୍ରସାଦେନ ସର୍ୱେଽପି ସ୍ୱସ୍ୱେଷ୍ଟାର୍ଥମବାପ୍ସ୍ୟଥ ॥ ୬॥
ଲୁପ୍ତବୈଷ୍ଣବଧର୍ମସ୍ୟ ମଦ୍ୱ୍ରତେଷ୍ୱବକୀର୍ଣିନଃ । var କୀର୍ତିନଃ
ଭକ୍ତିପ୍ରପତ୍ତିହୀନସ୍ୟ ବନ୍ଦ୍ୟୋ ନାମ୍ନାଂ ଜରାପି ମେ ॥ ୭॥
ତସ୍ମାଦବଶ୍ୟଂ ତୈର୍ଦୋଷୈର୍ୱିହୀନଃ ପାପବର୍ଜିତଃ ।
ଜପେତ୍ସାଷ୍ଟସହସ୍ରଂ ମେ ନାମ୍ନାଂ ପ୍ରତ୍ୟହମାଦରାତ୍ ॥ ୮॥
ସାକ୍ଷାଦଲକ୍ଷ୍ମୀପୁତ୍ରୋଽପି ଦୁର୍ଭାଗ୍ୟୋଽପ୍ୟଲସୋଽପି ବା ।
ଅପ୍ରୟତ୍ନୋଽପି ମୂଢୋଽପି ବିକଲଃ ପତିତୋଽପି ଚ ॥ ୯॥
ଅବଶାତ୍ପ୍ରାପ୍ନୁୟାଦ୍ଭାଗ୍ୟଂ ମତ୍ପ୍ରସାଦେନ କେବଲମ୍ ।
ସ୍ପୃହେୟମଚିରାଦ୍ଦେବାଃ ବରଦାନାୟ ଜାପିନଃ ॥ ୧୦॥
ଦଦାମି ସର୍ୱମିଷ୍ଟାର୍ଥଂ ଲକ୍ଷ୍ମୀତି ସ୍ମରତାଂ ଧ୍ରୁବମ୍ ।
ସନତ୍କୁମାର ଉବାଚ-
ଇତ୍ୟୁକ୍ତ୍ୱାଽନ୍ତର୍ଦଧେ ଲକ୍ଷ୍ମୀର୍ୱୈଷ୍ଣବୀ ଭଗବତ୍କଲା ॥ ୧୧॥
ଇଷ୍ଟାପୂର୍ତଂ ଚ ସୁକୃତଂ ଭାଗଧେୟଂ ଚ ଚିନ୍ତିତମ୍ ।
ସ୍ୱଂ ସ୍ୱଂ ସ୍ଥାନଂ ଚ ଭୋଗଂ ଚ ବିଜୟଂ ଲେଭିରେ ସୁରାଃ ॥ ୧୨॥
ତଦେତତ୍ ପ୍ରବଦାମ୍ୟଦ୍ୟ ଲକ୍ଷ୍ମୀନାମସହସ୍ରକମ୍ । var ତଦେତଦ୍ୱୋ ଦଦାମଦ୍ୟ
ଯୋଗିନଃ ପଠତ କ୍ଷିପ୍ରଂ ଚିନ୍ତିତାର୍ଥାନବାପ୍ସ୍ୟଥ ॥ ୧୩॥
ଗାର୍ଗ୍ୟ ଉବାଚ-
ସନତ୍କୁମାରୋୟୋଗୀନ୍ଦ୍ର ଇତ୍ୟୁକ୍ତ୍ୱା ସ ଦୟାନିଧିଃ । var ସନତ୍କୁମାର
ଅନୁଗୃହ୍ୟ ଯୟୌ କ୍ଷିପ୍ରଂ ତାଂଶ୍ଚ ଦ୍ୱାଦଶୟୋଗିନଃ ॥ ୧୪॥
ତସ୍ମାଦେତଦ୍ରହସ୍ୟଞ୍ଚ ଗୋପ୍ୟଂ ଜପ୍ୟଂ ପ୍ରୟତ୍ନତଃ ।
ଅଷ୍ଟମ୍ୟାଂ ଚ ଚତୁର୍ଦଶ୍ୟାଂ ନବମ୍ୟାଂ ଭୃଗୁବାସରେ ॥ ୧୫॥
ପୌର୍ଣମାସ୍ୟାମମାୟାଂ ଚ ପର୍ୱକାଲେ ବିଶେଷତଃ ।
ଜପେଦ୍ୱା ନିତ୍ୟକାର୍ୟେଷୁ ସର୍ୱାନ୍କାମାନବାପ୍ନୁୟାତ୍ ॥ ୧୬॥
॥ ଇତି ଶ୍ରୀସ୍କନ୍ଦପୁରାଣେ ସନତ୍କୁମାରସଂହିତାୟାଂ
ଲକ୍ଷ୍ମୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
.
Comments
Post a Comment