ଶ୍ରୀସୂକ୍ତଂ ପୌରାଣୀକମ୍

ଦେବ୍ୟଭିଷେକେ ପୌରାଣଂ ଶ୍ରୀସୂକ୍ତମ୍ -

ହିରଣ୍ୟବର୍ଣାଂ ହିମରୌପ୍ୟହାରାଂ ଚନ୍ଦ୍ରାଂ ତ୍ୱଦୀୟାଂ ଚ ହିରଣ୍ୟରୂପାମ୍ ।

ଲକ୍ଷ୍ମୀଂ ମୃଗୀରୂପଧରାଂ (୧) ଶ୍ରିୟଂ ତ୍ୱଂ ମଦର୍ଥମାକାରୟ ଜାତବେଦଃ ॥ ୧॥

ଯସ୍ୟାଂ ସୁଲକ୍ଷ୍ମ୍ୟାମହମାଗତାୟାଂ ହିରଣ୍ୟଗୋଽଶ୍ୱାତ୍ମଜମିତ୍ରଦାସାନ୍ ।

ଲଭେୟମାଶୁ ହ୍ୟନପାୟିନୀଂ ତାଂ ମଦର୍ଥମାକାରୟ ଜାତବେଦଃ ॥ ୨॥

ପ୍ରତ୍ୟାହ୍ୱୟେ ତାମହମଶ୍ୱପୂର୍ୱାଂ ଦେବୀଂ ଶ୍ରିୟଂ ମଧ୍ୟରଥାଂ ସମୀପମ୍ ।

ପ୍ରବୋଧିନୀଂ ହସ୍ତିସୁବୃଂହିତେନାହୂତା ମୟା ସା କିଲ ସେବତାଂ ମାମ୍ ॥ ୩॥

କାଂସୋସ୍ମିତାଂ ତାମିହଦ୍ମବର୍ଣାମାଦ୍ରାଂ ସୁବର୍ଣାବରଣାଂ ଜ୍ୱଲନ୍ତୀମ୍ ।

ତୃପ୍ତାଂ ହି ଭକ୍ତାନଥ ତର୍ପୟନ୍ତୀମୁପହ୍ୱୟେଽହଂ କମଲାସନସ୍ଥାମ୍ ॥ ୪॥

ଲୋକେ ଜ୍ୱଲନ୍ତୀଂ ଯଶସା ପ୍ରଭାସାଂ ଚନ୍ଦ୍ରାମୁଦାମୁତ ଦେବଜୁଷ୍ଟାମ୍ ।

ତାଂ ପଦ୍ମରୂପାଂ ଶରଣଂ ପ୍ରପଦ୍ୟେ ଶ୍ରିୟଂ ବୃଣେ ତ୍ୱୋଂ ବ୍ରଜତାମଲକ୍ଷ୍ମୀଃ ॥ ୫॥

ବନସ୍ପତିସ୍ତେ ତପସୋଽଧିଜାତୋ ବୃକ୍ଷୋଽଥ ବିଲ୍ୱସ୍ତରୁଣାର୍କବର୍ଣେ ।

ଫଲାନି ତସ୍ୟ ତ୍ୱଦନୁଗ୍ରହେଣ ମାୟା ଅଲକ୍ଷ୍ମୀଶ୍ଚ ନୁଦନ୍ତୁ ବାହ୍ୟାଃ ॥ ୬॥

ଉପୈତୁ ମାଂ ଦେବସଖଃ କୁବେରଃ ସା ଦକ୍ଷକନ୍ୟା ମଣିନା ଚ କୀର୍ତିଃ ।

ଜାତୋଽସ୍ମି ରାଷ୍ଟ୍ରେ କିଲ ମର୍ତ୍ୟଲୋକେ କୀର୍ତିଂ ସମୃଦ୍ଧିଂ ଚ ଦଦାତୁ ମହ୍ୟମ୍ ॥ ୭॥

କ୍ଷୁତ୍ତୃଟ୍କୃଶାଙ୍ଗୀ ମଲିନାମଲକ୍ଷ୍ମୀଂ ତବାଗ୍ରଜାଂ ତାମୁତନାଶୟାମି ।

ସର୍ୱାମଭୂତିଂ ହ୍ୟସମୃଦ୍ଧିମମ୍ବେ ଗୃହାଞ୍ଚ (ଗୃହାଚ୍ଚ) ନିଷ୍କାସୟ ମେ ଦ୍ରୁତଂ ତ୍ୱମ୍ ॥ ୮॥

କେନାପ୍ୟଧର୍ଷାମ୍ମଥ ଗନ୍ଧଚିହ୍ନାଂ ପୁଷ୍ଟାଂ ଗବାଶ୍ୱାଦିୟୁତାଂ ଚ ନିତ୍ୟମ୍ ।

ପଦ୍ମାଲୟେ ସର୍ୱଜନେଶ୍ୱରୀଂ ତାଂ ପ୍ରତ୍ୟାହ୍ୱୟେଽହଂ ଖଲୁ ମତ୍ସମୀପମ୍ ॥ ୯॥

ଲଭେମହି ଶ୍ରୀମନସଶ୍ଚ କାମଂ ବାଚସ୍ତୁ ସତ୍ୟଂ ଚ ସୁକଲ୍ପିତଂ ବୈ ।

ଅନ୍ନସ୍ୟ ଭକ୍ଷ୍ୟଂ ଚ ପୟଃ ପଶୂନାଂ ସମ୍ପଦ୍ଧି ମୟ୍ୟାଶ୍ରୟତାଂ ଯଶଶ୍ଚ ॥ ୧୦॥

ମୟି ପ୍ରସାଦଂ କୁରୁ କର୍ଦମ ତ୍ୱଂ ପ୍ରଜାବତୀ ଶ୍ରୀରଭବତ୍ତ୍ୱୟା ହି ।

କୁଲେ ପ୍ରତିଷ୍ଠାପୟ ମେଂ ଶ୍ରିୟଂ ବୈ ତ୍ୱନ୍ମାତରଂ ତାମୁତ ପଦ୍ମମାଲାମ୍ ॥ ୧୧॥

ସ୍ନିଗ୍ଧାନି ଚାପୋଽଭିସୃଜନ୍ତ୍ୱଜସ୍ରଂ ଚିକ୍ଲୀତବାସଂ କୁରୁ ମଦ୍ଗୃହେ ତ୍ୱମ୍ ।

କୁଲେ ଶ୍ରିୟଂ ମାତରମାଶୁମେଽଦ୍ୟ ଶ୍ରୀପୁତ୍ର ସମ୍ବାସୟତାଂ ଚ ଦେବୀମ୍ ॥ ୧୨॥

ତାଂ ପିଙ୍ଗଲାଂ ପୁଷ୍କରିଣୀଂ ଚ ଲକ୍ଷ୍ମୀମାଦ୍ରାଂ ଚ ପୁଷ୍ଟିଂ ଶୁଭପଦ୍ମମାଲାମ୍ ॥

ଚନ୍ଦ୍ରପ୍ରକାଶାଂ ଚ ହିରଣ୍ୟରୂପାଂ ମଦର୍ଥମାକାରୟ ଜାତବେଦଃ ॥ ୧୩॥

ଆଦ୍ରାଂ(ଆଦ୍ରୀଂ) ତଥା ଯଷ୍ଟିକରାଂ ସୁବର୍ଣାଂ ତାଂ ଯଷ୍ଟିରୂପାମଥ ହେମମାଲାମ୍ ।

ସୂର୍ୟପ୍ରକାଶାଂ ଚ ହିରଣ୍ୟରୂପାଂ ମଦର୍ଥମାକାରୟ ଜାତବେଦଃ ॥ ୧୪॥

ଯସ୍ୟାଂ ପ୍ରଭୂତଂ କନକଂ ଚ ଗାବୋ ଦାସ୍ୟସ୍ତୁରଙ୍ଗାନ୍ପୁରୁଷାଂଶ୍ଚ ସତ୍ୟାମ୍ ।

ବିନ୍ଦେୟମାଶୁ ହ୍ୟନପାୟିନୀଂ ତାଂ ମଦର୍ଥମାକାରୟ ଜାତବେଦଃ ॥ ୧୫॥

ଶ୍ରିୟଃ ପଞ୍ଚଦଶଶ୍ଲୋକଂ ସୂକ୍ତଂ ପୌରାଣମନ୍ୱହମ୍ ।

ଯଃ ପଠେଜ୍ଜୁହୁୟାଚ୍ଚାଜ୍ୟଂ ଶ୍ରୀୟୁତଃ ସତତଂ ଭବେତ୍ ॥ ୧୬॥

ଇତି ପୌରାଣୀକମ୍ ଶ୍ରୀସୂକ୍ତଂ ସମାପ୍ତମ୍ ।

୧ ମୃଗୀରୂପଧରାଂ ``ଶ୍ରୀର୍ଧୃତ୍ୱା ହରିଣୀରୂପମରଣ୍ୟେ ସଞ୍ଚାର ହ'' ଇତି ପୁରାଣବଚନାତ୍

ଲକ୍ଷ୍ମୀ ଉପାସନା