ଶ୍ରୀଅଷ୍ଟଲକ୍ଷ୍ମୀସ୍ତୁତିଃ
ଶ୍ରୀଅଷ୍ଟଲକ୍ଷ୍ମୀସ୍ତୁତିଃ
ଆଦିଲକ୍ଷ୍ମୀଃ ।
ସୁମନୋବନ୍ଦିତସୁନ୍ଦରି ମାଧବି ଚନ୍ଦ୍ରସହୋଦରି ହେମମୟି
ମୁନିଗଣକାଙ୍କ୍ଷିତମୋକ୍ଷପ୍ରଦାୟିନି ମଞ୍ଜୁଲଭାଷିଣି ବେଦନୁତେ ।
ପଙ୍କଜବାସିନି ଦେବସୁପୂଜିତେ ସଦ୍ଗୁଣବର୍ଷିଣି ଶାନ୍ତିୟୁତେ
ଜୟ ଜୟ ହେ ମଧୁସୂଦନକାମିନି ଆଦିଲକ୍ଷ୍ମି ପରିପାଲୟ ମାମ୍ ॥
ଧନଲକ୍ଷ୍ମୀଃ ।
ଅୟି କଲିକଲ୍ମଷନାଶିନି କାମିନି ବୈଦିକରୂପିଣି ବେଦମୟି
କ୍ଷୀରସମୁଦ୍ଭବମଙ୍ଗଲରୂପିଣି ମନ୍ତ୍ରନିବାସିନି ମନ୍ତ୍ରନୁତେ ।
ମଙ୍ଗଲଦାୟିନି ଅମ୍ବୁଜବାସିନି ଦେବଗଣାଶ୍ରିତପାଦୟୁଗେ
ଜୟ ଜୟ ହେ ମଧୁସୂଦନକାମିନି ଧାନ୍ୟଲକ୍ଷ୍ମି ପରିପାଲୟ ମାମ୍ ॥
ଧୈର୍ୟଲକ୍ଷ୍ମୀଃ ।
ଜୟ ବରବର୍ଣିନି ବୈଷ୍ଣବି ଭାର୍ଗବି ମନ୍ତ୍ରସ୍ୱରୂପିଣି ମନ୍ତ୍ରମୟି
ସୁରଗଣବିନୁତେ ଅତିଶୟଫଲଦେ ଜ୍ଞାନବିକାସିନି ଶାସ୍ତ୍ରନୁତେ ।
ଭବଭୟହାରିଣି ପାପବିମୋଚିନି ସାଧୁସମାଶ୍ରିତପାଦୟୁଗେ
ଜୟ ଜୟ ହେ ମଧୁସୂଦନକାମିନି ଧୈର୍ୟଲକ୍ଷ୍ମି ପରିପାଲୟ ମାମ୍ ॥
ଗଜଲକ୍ଷ୍ମୀଃ ।
ଜୟ ଜୟ ଦୁର୍ଗତିନାଶିନି କାମିନି ବହୁଦେ ଶୁଭକଲହଂସଗତେ
ରଥଗଜତୁରଗପଦାଦିସମାବୃତପରିଜନମଣ୍ଡିତରାଜନୁତେ ।
ସୁରବରଧନପତିପଦ୍ମଜସେବିତତାପନିବାରକପାଦୟୁଗେ
ଜୟ ଜୟ ହେ ମଧୁସୂଦନକାମିନି ଗଜଲକ୍ଷ୍ମି ପରିପାଲୟ ମାମ୍ ॥
ସନ୍ତାନଲକ୍ଷ୍ମୀଃ ।
ଅୟି ଖଗବାହେ ମୋହିନି ଚକ୍ରିଣି ରାଗବିବର୍ଧିନି ସନ୍ମତିଦେ
ଗୁଣଗଣବାରିଧେ ଲୋକହିତୈଷିଣି ନାରଦତୁମ୍ବୁରୁଗାନନୁତେ ।
ସକଲସୁରାସୁରଦେବମୁନୀଶ୍ୱରଭୂସୁରବନ୍ଦିତପାଦୟୁଗେ
ଜୟ ଜୟ ହେ ମଧୁସୂଦନକାମିନି ସନ୍ତାନଲକ୍ଷ୍ମି ପରିପାଲୟ ମାମ୍ ॥
ବିଜୟଲକ୍ଷ୍ମୀଃ ।
କମଲନିବାସିନି ସଦ୍ଗତିଦାୟିନି ବିଜ୍ଞାନବିକାସିନି କାମମୟି
ଅନୁଦିନମର୍ଚିତକୁଙ୍କୁମଭାସୁରଭୂଷଣଶୋଭି ସୁଗାତ୍ରୟୁତେ ।
ସୁରମୁନିସଂସ୍ତୁତବୈଭବରାଜିତଦୀନଜାନାଶ୍ରିତମାନ୍ୟପଦେ
ଜୟ ଜୟ ହେ ମଧୁସୂଦନକାମିନି ବିଜୟଲକ୍ଷ୍ମି ପରିପାଲୟ ମାମ୍ ॥
ଐଶ୍ୱର୍ୟଲକ୍ଷ୍ମୀଃ ।
ପ୍ରଣତସୁରେଶ୍ୱରି ଭାରତି ଭାର୍ଗବି ଶୋକବିନାଶିନି ରତ୍ନମୟି
ମଣିଗଣଭୂଷିତକର୍ଣବିଭୂଷଣକାନ୍ତିସମାବୃତହାସମୁଖି ।
ନବନିଧିଦାୟିନି କଲିମଲହାରିଣି କାମିତବରଦେ କଲ୍ପଲତେ
ଜୟ ଜୟ ହେ ମଧୁସୂଦନକାମିନି ଐଶ୍ୱର୍ୟଲକ୍ଷ୍ମି ପରିପାଲୟ ମାମ୍ ॥
ଧନଲକ୍ଷ୍ମୀଃ ।
ଧିମିଧିମିଧିନ୍ଧିମିଦୁନ୍ଦୁମଦୁମଦୁମଦୁନ୍ଦୁଭିନାଦବିନୋଦରତେ
ବମ୍ବମ୍ବୋଂ ବମ୍ବମ୍ବୋଂ ପ୍ରଣବୋଚ୍ଚାରଶଙ୍ଖନିନାଦୟୁତେ ।
ବେଦପୁରାଣସ୍ମୃତିଗଣଦର୍ଶିତସତ୍ପଦସଜ୍ଜନଶୁଭଫଲଦେ
ଜୟ ଜୟ ହେ ମଧୁସୂଦନକାମିନି ଧନଲକ୍ଷ୍ମି ପରିପାଲୟ ମାମ୍ ॥
ଇତି ଶ୍ରୀଅଷ୍ଟଲକ୍ଷ୍ମୀସ୍ତୁତିଃ ସମ୍ପୂର୍ଣା ।
.
Comments
Post a Comment