ଶ୍ରୀଅନ୍ନପୂର୍ଣାସହସ୍ରନାମସ୍ତୋତ୍ରଂ
ଶ୍ରୀଅନ୍ନପୂର୍ଣାସହସ୍ରନାମସ୍ତୋତ୍ରଂ
ଶ୍ରୀରୁଦ୍ରୟାମଲେ
କୈଲାସଶିଖରାସୀନଂ ଦେବଦେବଂ ମହେଶ୍ୱରମ୍ ।
ପ୍ରଣମ୍ୟ ଦଣ୍ଡବଦ୍ଭୂମୌ ପାର୍ୱତୀ ପରିପୃଚ୍ଛତି ॥ ୧॥
ଶ୍ରୀପାର୍ୱତ୍ୟୁବାଚ ।
ଅନ୍ନପୂର୍ଣା ମହାଦେବୀ ତ୍ରୈଲୋକ୍ୟେ ଜୀବଧାରିଣୀ ।
ନାମ୍ନାଂ ସହସ୍ରଂ ତସ୍ୟାସ୍ତୁ କଥୟସ୍ୱ ମହାପ୍ରଭୋ ॥ ୨॥
ଶ୍ରୀଶିବ ଉବାଚ ।
ଶୃଣୁ ଦେବି ବରାରୋହେ ଜଗତ୍କାରଣି କୌଲିନି ।
ଆରାଧନୀୟା ସର୍ୱେଷାଂ ସର୍ୱେଷାଂ ପରିପୃଚ୍ଛସି ॥ ୩॥
ସହସ୍ରୈର୍ନାମଭିର୍ଦିବ୍ୟୈସ୍ତ୍ରୈଲୋକ୍ୟପ୍ରାଣିପୂଜିତୈଃ ।
ଅନ୍ନଦାୟାସ୍ସ୍ତବଂ ଦିବ୍ୟଂ ଯତ୍ସୁରୈରପି ବାଞ୍ଛିତମ୍ ॥ ୪॥
କଥୟାମି ତବ ସ୍ନେହାତ୍ସାବଧାନାଽବଧାରୟ ।
ଗୋପନୀୟଂ ପ୍ରୟତ୍ନେନ ସ୍ତବରାଜମିଦଂ ଶୁଭମ୍ ॥ ୫॥
ନ ପ୍ରକାଶ୍ୟଂ ତ୍ୱୟା ଭଦ୍ରେ ଦୁର୍ଜନେଭ୍ୟୋ ନିଃଶେଷତଃ ।
ନ ଦେୟଂ ପରଶିଷ୍ୟେଭ୍ୟୋ ଭକ୍ତିହୀନାୟ ପାର୍ୱତି ॥ ୬॥
ଦେୟଂ ଶିଷ୍ୟାୟ ଶାନ୍ତାୟ ଗୁରୁଦେବରତାୟ ଚ ।
ଅନ୍ନପୂର୍ଣାସ୍ତବଂ ଦେୟଂ କୌଲିକାୟ କୁଲେଶ୍ୱରୀ ॥ ୭॥
ଓଁ ଅସ୍ୟ ଶ୍ରୀମଦନ୍ନପୂର୍ଣାସହସ୍ରନାମସ୍ତୋତ୍ରମାଲାମନ୍ତ୍ରସ୍ୟ,
ଶ୍ରୀଭଗବାନ୍ ଋଷିଃ, ଅନୁଷ୍ଟୁପ୍ଛନ୍ଦଃ,
ପ୍ରକଟଗୁପ୍ତଗୁପ୍ତତର ସମ୍ପଦାୟ କୁଲୋତ୍ତୀର୍ଣ ନିଗର୍ଭରହସ୍ୟାତି
ରହସ୍ୟପରାପରାତିରହସ୍ୟାତିପୂର୍ୱାଚିନ୍ତ୍ୟପ୍ରଭାବା ଭଗବତୀ
ଶ୍ରୀମଦନ୍ନପୂର୍ଣାଦେବତା, ହଲୋ ବୀଜଂ, ସ୍ୱରାଶ୍ଶକ୍ତିଃ, ଜୀବୋ ବୀଜଂ,
ବୁଦ୍ଧିଶ୍ଶକ୍ତିଃ, ଉଦାନୋ ବୀଜଂ, ସୁଷୁମ୍ନା ନାଡୀ, ସରସ୍ୱତୀ ଶକ୍ତିଃ,
ଧର୍ମାର୍ଥକାମମୋକ୍ଷାର୍ଥେ ପାଠେ ବିନିୟୋଗଃ ॥
ଧ୍ୟାନମ୍ ।
ଅର୍କୋନ୍ମୁକ୍ତଶଶାଙ୍କକୋଟିବଦନାମାପୀନତୁଙ୍ଗସ୍ତନୀଂ
ଚନ୍ଦ୍ରାର୍ଧାଙ୍କିତମସ୍ତକାଂ ମଧୁମଦାମାଲୋଲନେତ୍ରତ୍ରୟୀମ୍ ।
ବିଭ୍ରାଣାମନିଶଂ ବରଂ ଜପପଟୀଂ ଶୂଲଂ କପାଲଂ କରୈଃ
ଆଦ୍ୟାଂ ଯୌବନଗର୍ୱିତାଂ ଲିପିତନୁଂ ବାଗୀଶ୍ୱରୀମାଶ୍ରୟେ ॥
ଅଥ ଅନ୍ନପୂର୍ଣାସହସ୍ରନାମସ୍ତୋତ୍ରମ୍ ।
॥ ଓଁ ଅନ୍ନପୂର୍ଣାୟୈ ନମଃ ॥
ଅନ୍ନପୂର୍ଣା ଅନ୍ନଦାତ୍ରୀ ଅନ୍ନରାଶିକୃତାଲୟା ।
ଅନ୍ନଦା ଅନ୍ନରୂପା ଚ ଅନ୍ନଦାନରତୋତ୍ସବା ॥ ୧॥
ଅନନ୍ତା ଚ ଅନନ୍ତାକ୍ଷୀ ଅନନ୍ତଗୁଣଶାଲିନୀ ।
ଅଚ୍ୟୁତା ଅଚ୍ୟୁତପ୍ରାଣା ଅଚ୍ୟୁତାନନ୍ଦକାରିଣୀ ॥ ୨॥
ଅବ୍ୟକ୍ତାଽନନ୍ତମହିମା ଅନନ୍ତସ୍ୟ କୁଲେଶ୍ୱରୀ ।
ଅବ୍ଧିସ୍ଥା ଅବ୍ଧିଶୟନା ଅବ୍ଧିଜା ଅବ୍ଧିନନ୍ଦିନୀ ॥ ୩॥
ଅବ୍ଜସ୍ଥା ଅବ୍ଜନିଲୟା ଅବ୍ଜଜା ଅବ୍ଜଭୂଷଣା ।
ଅବ୍ଜାଭା ଅବ୍ଜହସ୍ତା ଚ ଅବ୍ଜପତ୍ରଶୁଭେକ୍ଷଣା ॥ ୪॥
ଅବ୍ଜାନନା ଅନନ୍ତାତ୍ମା ଅଗ୍ରିସ୍ଥା ଅଗ୍ନିରୂପିଣୀ ।
ଅଗ୍ନିଜାୟା ଅଗ୍ନିମୁଖୀ ଅଗ୍ନିକୁଣ୍ଡକୃତାଲୟା ॥ ୫॥
ଅକାରା ଅଗ୍ନିମାତା ଚ ଅଜୟାଽଦିତିନନ୍ଦିନୀ ।
ଆଦ୍ୟା ଆଦିତ୍ୟସଙ୍କାଶା ଆତ୍ମଜ୍ଞା ଆତ୍ମଗୋଚରା ॥ ୬॥
ଆତ୍ମସୂରାତ୍ମଦୟିତା ଆଧାରା ଆତ୍ମରୂପିଣୀ ।
ଆଶା ଆକାଶପଦ୍ମସ୍ଥା ଅବକାଶସ୍ୱରୂପିଣୀ ॥ ୭॥
ଆଶାପୂରୀ ଅଗାଧା ଚ ଅଣିମାଦିସୁସେବିତା ।
ଅମ୍ବିକା ଅବଲା ଅମ୍ବା ଅନାଦ୍ୟା ଚ ଅୟୋନିଜା ॥ ୮॥
ଅନୀଶା ଈଶିକା ଈଶା ଈଶାନୀ ଈଶ୍ୱରପ୍ରୀୟା ।
ଈଶ୍ୱରୀ ଈଶ୍ୱରପ୍ରାଣା ଈଶ୍ୱରାନନ୍ଦଦାୟିନୀ ॥ ୯॥
ଇନ୍ଦ୍ରାଣୀ ଇନ୍ଦ୍ରଦୟିତା ଇନ୍ଦ୍ରସୂରିନ୍ଦ୍ରପାଲିନୀ ।
ଇନ୍ଦିରା ଇନ୍ଦ୍ରଭଗିନୀ ଇନ୍ଦ୍ରିୟା ଇନ୍ଦୁଭୂଷଣା ॥ ୧୦॥
ଇନ୍ଦୁମାତା ଇନ୍ଦୁମୁଖୀ ଇନ୍ଦ୍ରିୟାଣାଂ ବଶଙ୍କରୀ ।
ଉମା ଉମାପତେଃ ପ୍ରାଣା ଓଡ୍ୟାଣପୀଠବାସିନୀ ॥ ୧୧॥
ଉତ୍ତରଜ୍ଞା ଉତ୍ତରାଖ୍ୟା ଉକାରା ଉତ୍ତରାତ୍ମିକା ।
ଋମାତା ଋଭବା ଋସ୍ଥା ୠଲୄକାରସ୍ୱରୂପିଣୀ ॥ ୧୨॥
ଋକାରା ଚ ଲୃକାରା ଚ ଲୄତକପ୍ରୀତିଦାୟିନୀ ।
ଏକା ଚ ଏକବୀରା ଚ ଏକାରୈକାରରୂପିଣୀ ॥ ୧୩॥
ଓକାରୀ ଓଘରୂପା ଚ ଓଘତ୍ରୟସୁପୂଜିତା ।
ଓଘସ୍ଥା ଓଘସମ୍ଭୂତା ଓଘଧାତ୍ରୀ ଚ ଓଘସୂଃ ॥ ୧୪॥
ଷୋଡଶସ୍ୱରସମ୍ଭୂତା ଷୋଡଶସ୍ୱରରୂପିଣୀ ।
ବର୍ଣାତ୍ମା ବର୍ଣନିଲୟା ଶୂଲିନୀ ବର୍ଣମାଲିନୀ ॥ ୧୫॥
କାଲରାତ୍ରିର୍ମହାରାତ୍ରିର୍ମୋହରାତ୍ରିଃ ସୁଲୋଚନା ।
କାଲୀ କପାଲିନୀ କୃତ୍ୟା କାଲିକା ସିଂହଗାମିନୀ ॥ ୧୬॥
କାତ୍ୟାୟନୀ କଲାଧାରା କାଲଦୈତ୍ୟନିକୃନ୍ତନୀ ।
କାମିନୀ କାମବନ୍ଦ୍ୟା ଚ କମନୀୟା ବିନୋଦିନୀ ॥ ୧୭॥
କାମସୂଃ କାମବନିତା କାମଧୁକ୍ କମଲାବତୀ ।
କାମଦାତ୍ରୀ କରାଲୀ ଚ କାମକେଲିବିନୋଦିନୀ ॥ ୧୮॥
କାମନା କାମଦା କାମ୍ୟା କମଲା କମଲାର୍ଚିତା ।
କାଶ୍ମୀରଲିପ୍ତବକ୍ଷୋଜା କାଶ୍ମୀରଦ୍ରବଚର୍ଚିତା ॥ ୧୯॥
କନକା କନକପ୍ରାଣା କନକାଚଲବାସିନୀ ।
କନକାଭା କାନନସ୍ଥା କାମାଖ୍ୟା କନକପ୍ରଦା ॥ ୨୦॥
କାମପୀଠସ୍ଥିତା ନିତ୍ୟା କାମଧାମନିବାସିନୀ ।
କମ୍ବୁକଣ୍ଠୀ କରାଲାକ୍ଷୀ କିଶୋରୀ ଚ କଲାପିନୀ ॥ ୨୧॥
କଲା କାଷ୍ଠା ନିମେଷା ଚ କାଲସ୍ଥା କାଲରୂପିଣୀ ।
କାଲଜ୍ଞା କାଲମାତା ଚ କାଲଧାତ୍ରୀ କଲାବତୀ ॥ ୨୨॥
କାଲଦା କାଲହା କୁଲ୍ୟା କୁରୁକୁଲ୍ଲା କୁଲାଙ୍ଗନା ।
କୀର୍ତିଦା କୀର୍ତିହା କୀର୍ତିଃ କୀର୍ତିସ୍ଥା କୀର୍ତିବର୍ଧନୀ ॥ ୨୩॥
କୀର୍ତିଜ୍ଞା କୀର୍ତିତପଦା କୃତ୍ତିକା କେଶବପ୍ରିୟା ।
କେଶିହା କେଲୀକାରୀ ଚ କେଶବାନନ୍ଦକାରିଣୀ ॥ ୨୪॥
କୁମୁଦାଭା କୁମାରୀ ଚ କର୍ମଦା କମଲେକ୍ଷଣା ।
କୌମୁଦୀ କୁମୁଦାନନ୍ଦା କୌଲିନୀ ଚ କୁମୁଦ୍ୱତୀ ॥ ୨୫॥
କୋଦଣ୍ଡଧାରିଣୀ କ୍ରୋଧା କୂଟସ୍ଥା କୋଟରାଶ୍ରୟା ।
କାଲକଣ୍ଠୀ କରାଲାଙ୍ଗୀ କାଲାଙ୍ଗୀ କାଲଭୂଷଣା ॥ ୨୬॥
କଙ୍କାଲୀ କାମଦାମା ଚ କଙ୍କାଲକୃତଭୂଷଣା ।
କପାଲକର୍ତ୍ରିକକରା କରବୀରସ୍ୱରୂପିଣୀ ॥ ୨୭॥
କପର୍ଦିନୀ କୋମଲାଙ୍ଗୀ କୃପାସିନ୍ଧୁଃ କୃପାମୟୀ ।
କୁଶାବତୀ କୁଣ୍ଡସଂସ୍ଥା କୌବେରୀ କୌଶିକୀ ତଥା ॥ ୨୮॥
କାଶ୍ୟପୀ କଦ୍ରୁତନୟା କଲିକଲ୍ମଷନାଶିନୀ ।
କଞ୍ଜସ୍ଥା କଞ୍ଜବଦନା କଞ୍ଜକିଞ୍ଜଲ୍କଚର୍ଚିତା ॥ ୨୯॥
କଞ୍ଜାଭା କଞ୍ଜମଧ୍ୟସ୍ଥା କଞ୍ଜନେତ୍ରା କଚୋଦ୍ଭବା ।
କାମରୂପା ଚ ହ୍ରୀଙ୍କାରୀ କଶ୍ୟପାନ୍ୱୟବର୍ଧିନୀ ॥ ୩୦॥
ଖର୍ୱା ଚ ଖଞ୍ଜନଦ୍ୱନ୍ଦ୍ୱଲୋଚନା ଖର୍ୱବାହିନୀ ।
ଖଡ୍ଗିନୀ ଖଡ୍ଗହସ୍ତା ଚ ଖେଚରୀ ଖଡ୍ଗରୂପିଣୀ ॥ ୩୧॥
ଖଗସ୍ଥା ଖଗରୂପା ଚ ଖଗଗା ଖଗସମ୍ଭବା ।
ଖଗଧାତ୍ରୀ ଖଗାନନ୍ଦା ଖଗୟୋନିସ୍ୱରୂପିଣୀ ॥ ୩୨॥
ଖଗେଶୀ ଖେଟକକରା ଖଗାନନ୍ଦବିବର୍ଧିନୀ ।
ଖଗମାନ୍ୟା ଖଗାଧାରା ଖଗଗର୍ୱବିମୋଚିନୀ ॥ ୩୩॥
ଗଙ୍ଗା ଗୋଦାବରୀ ଗୀତିର୍ଗାୟତ୍ରୀ ଗଗନାଲୟା ।
ଗୀର୍ୱାଣସୁନ୍ଦରୀ ଗୌଶ୍ଚ ଗାଧା ଗୀର୍ୱାଣପୂଜିତା ॥ ୩୪॥
ଗୀର୍ୱାଣଚର୍ଚିତପଦା ଗାନ୍ଧାରୀ ଗୋମତୀ ତଥା ।
ଗର୍ୱିଣୀ ଗର୍ୱହନ୍ତ୍ରୀ ଚ ଗର୍ଭସ୍ଥା ଗର୍ଭଧାରିଣୀ ॥ ୩୫॥
ଗର୍ଭଦା ଗର୍ଭହନ୍ତ୍ରୀ ଚ ଗନ୍ଧର୍ୱକୁଲପୂଜିତା ।
ଗୟା ଗୌରୀ ଚ ଗିରିଜା ଗିରିସ୍ଥା ଗିରିସମ୍ଭବା ॥ ୩୬॥
ଗିରିଗହ୍ୱରମଧ୍ୟସ୍ଥା କୁଞ୍ଜରେଶ୍ୱରଗାମିନୀ ।
କିରୀଟିନୀ ଚ ଗଦିନୀ ଗୁଞ୍ଜାହାରବିଭୂଷଣା ॥ ୩୭॥
ଗଣପା ଗଣକା ଗଣ୍ୟା ଗଣକାନନ୍ଦକାରିଣୀ ।
ଗଣପୂଜ୍ୟା ଚ ଗୀର୍ୱାଣୀ ଗଣପାନନନ୍ଦକାରିଣୀ ॥ ୩୮॥
ଗୁରୁମାତା ଗୁରୁରତା ଗୁରୁଭକ୍ତିପରାୟଣା ।
ଗୋତ୍ରା ଗୌଃ କୃଷ୍ଣଭଗିନୀ କୃଷ୍ଣସୂଃ କୃଷ୍ଣନନ୍ଦିନୀ ॥ ୩୯॥
ଗୋବର୍ଧନୀ ଗୋତ୍ରଧରା ଗୋବର୍ଧନକୃତାଲୟା ।
ଗୋବର୍ଧନଧରା ଗୋଦା ଗୌରାଙ୍ଗୀ ଗୌତମାତ୍ମଜା ॥ ୪୦॥
ଘର୍ଘରା ଘୋରରୂପା ଚ ଘୋରା ଘର୍ଘରନାଦିନୀ ।
ଶ୍ୟାମା ଘନରବାଽଘୋରା ଘନା ଘୋରାର୍ତିନାଶିନୀ ॥ ୪୧॥
ଘନସ୍ଥା ଚ ଘନାନନ୍ଦା ଦାରିଦ୍ର୍ୟଘନନାଶିନୀ ।
ଚିତ୍ତଜ୍ଞା ଚିନ୍ତିତପଦା ଚିତ୍ତସ୍ଥା ଚିତ୍ତରୂପିଣୀ ॥ ୪୨॥
ଚକ୍ରିଣୀ ଚାରୁଚମ୍ପାଭା ଚାରୁଚମ୍ପକମାଲିନୀ ।
ଚନ୍ଦ୍ରିକା ଚନ୍ଦ୍ରକାନ୍ତିଶ୍ଚ ଚାପିନୀ ଚନ୍ଦ୍ରଶେଖରା ॥ ୪୩॥
ଚଣ୍ଡିକା ଚଣ୍ଡଦୈତ୍ୟଘ୍ନୀ ଚନ୍ଦ୍ରଶେଖରବଲ୍ଲଭା ।
ଚାଣ୍ଡାଲିନୀ ଚ ଚାମୁଣ୍ଡା ଚଣ୍ଡମୁଣ୍ଡବଧୋଦ୍ୟତା ॥ ୪୪॥
ଚୈତନ୍ୟଭୈରବୀ ଚଣ୍ଡା ଚୈତନ୍ୟଘନଗେହିନୀ ।
ଚିତ୍ସ୍ୱରୂପା ଚିଦାଧାରା ଚଣ୍ଡବେଗା ଚିଦାଲୟା ॥ ୪୫॥
ଚନ୍ଦ୍ରମଣ୍ଡଲମଧ୍ୟସ୍ଥା ଚନ୍ଦ୍ରକୋଟିସୁଶୀତଲା ।
ଚପଲା ଚନ୍ଦ୍ରଭଗିନୀ ଚନ୍ଦ୍ରକୋଟିନିଭାନନା ॥ ୪୬॥
ଚିନ୍ତାମଣିଗୁଣାଧାରା ଚିନ୍ତାମଣିବିଭୂଷଣା ।
ଭକ୍ତଚିନ୍ତାମଣିଲତା ଚିନ୍ତାମଣିକୃତାଲୟା ॥ ୪୭॥
ଚାରୁଚନ୍ଦନଲିପ୍ତାଙ୍ଗୀ ଚତୁରା ଚ ଚତୁର୍ମୁଖୀ ।
ଚୈତନ୍ୟଦା ଚିଦାନନ୍ଦା ଚାରୁଚାମରବୀଜିତା ॥ ୪୮॥
ଛତ୍ରଦା ଛତ୍ରଧାରୀ ଚ ଛଲଚ୍ଛଦ୍ମବିନାଶିନୀ ।
ଛତ୍ରହା ଛତ୍ରରୂପା ଚ ଛତ୍ରଚ୍ଛାୟାକୃତାଲୟା ॥ ୪୯॥
ଜଗଜ୍ଜୀବା ଜଗଦ୍ଧାତ୍ରୀ ଜଗଦାନନ୍ଦକାରିଣୀ ।
ଯଜ୍ଞପ୍ରିୟା ଯଜ୍ଞରତା ଜପୟଜ୍ଞପରାୟଣା ॥ ୫୦॥
ଜନନୀ ଜାନକୀ ଯଜ୍ୱା ଯଜ୍ଞହା ଯଜ୍ଞନନ୍ଦିନୀ ।
ଯଜ୍ଞଦା ଯଜ୍ଞଫଲଦା ଯଜ୍ଞସ୍ଥାନକୃତାଲୟା ॥ ୫୧॥
ଯଜ୍ଞଭୋକ୍ତ୍ରୀ ଯଜ୍ଞରୂପା ଯଜ୍ଞବିଘ୍ନବିନାଶିନୀ ।
ଜପାକୁସୁମସଙ୍କାଶା ଜପାକୁସୁମଶୋଭିତା ॥ ୫୨॥
ଜାଲନ୍ଧରୀ ଜୟା ଜୈତ୍ରୀ ଜୀମୂତଚୟଭାଷିଣୀ ।
ଜୟଦା ଜୟରୂପା ଚ ଜୟସ୍ଥା ଜୟକାରିଣୀ ॥ ୫୩॥
ଜଗଦୀଶପ୍ରିୟା ଜୀବା ଜଲସ୍ଥା ଜଲଜେକ୍ଷଣା ।
ଜଲରୂପା ଜହ୍ନୁକନ୍ୟା ଯମୁନା ଜଲଜୋଦରୀ ॥ ୫୪॥
ଜଲଜାସ୍ୟା ଜାହ୍ନବୀ ଚ ଜଲଜାଭା ଜଲୋଦରୀ ।
ଯଦୁବଂଶୋଦ୍ଭବା ଜୀବା ଯାଦବାନନ୍ଦକାରିଣୀ ॥ ୫୫॥
ଯଶୋଦା ଯଶସାଂ ରାଶିର୍ୟଶୋଦାନନ୍ଦକାରିଣୀ ।
ଜ୍ୱଲିନୀ ଜ୍ୱାଲିନୀ ଜ୍ୱାଲା ଜ୍ୱଲତ୍ପାବକସନ୍ନିଭା ॥ ୫୬॥
ଜ୍ୱାଲାମୁଖୀ ଜଗନ୍ମାତା ଯମଲାର୍ଜୁନଭଞ୍ଜନୀ ।
ଜନ୍ମଦା ଜନ୍ମହା ଜନ୍ୟା ଜନ୍ମଭୂର୍ଜନକାତ୍ମଜା ॥ ୫୭॥
ଜନାନନ୍ଦା ଜାମ୍ବବତୀ ଜମ୍ବୂଦ୍ୱୀପକୃତାଲୟା ।
ଜାମ୍ବୂନଦସମାନାଭା ଜାମ୍ବୂନଦବିଭୂଷଣା ॥ ୫୮॥
ଜମ୍ଭହା ଜାତିଦା ଜାତିର୍ଜ୍ଞାନଦା ଜ୍ଞାନଗୋଚରା ।
ଜ୍ଞାନରୂପାଽଜ୍ଞାନହା ଚ ଜ୍ଞାନବିଜ୍ଞାନଶାଲିନୀ ॥ ୫୯॥
ଜିନଜୈତ୍ରୀ ଜିନାଧାରା ଜିନମାତା ଜିନେଶ୍ୱରୀ ।
ଜିତେନ୍ଦ୍ରିୟା ଜନାଧାରା ଅଜିନାମ୍ବରଧାରିଣୀ ॥ ୬୦॥
ଶମ୍ଭୁକୋଟିଦୁରାଧର୍ଷା ବିଷ୍ଣୁକୋଟିବିମର୍ଦିନୀ ।
ସମୁଦ୍ରକୋଟିଗମ୍ଭୀରା ବାୟୁକୋଟିମହାବଲା ॥ ୬୧॥
ସୂର୍ୟକୋଟିପ୍ରତୀକାଶା ଯମକୋଟିଦୁରାପହା ।
କାମଧୁକ୍କୋଟିଫଲଦା ଶକ୍ରକୋଟିସୁରାଜ୍ୟଦା ॥ ୬୨॥
କନ୍ଦର୍ପକୋଟିଲାବଣ୍ୟା ପଦ୍ମକୋଟିନିଭାନନା ।
ପୃଥ୍ୱୀକୋଟିଜନାଧାରା ଅଗ୍ନିକୋଟିଭୟଙ୍କରୀ ॥ ୬୩॥
ଅଣିମା ମହିମା ପ୍ରାପ୍ତିର୍ଗରିମା ଲଘିମା ତଥା ।
ପ୍ରାକାମ୍ୟଦା ବଶକରୀ ଈଶିକା ସିଦ୍ଧିଦା ତଥା ॥ ୬୪॥
ମହିମାଦିଗୁଣୋପେତା ଅଣିମାଦ୍ୟଷ୍ଟସିଦ୍ଧିଦା ।
ଜବନଧ୍ନୀ ଜନାଧୀନା ଜାମିନୀ ଚ ଜରାପହା ॥ ୬୫॥
ତାରିଣୀ ତାରିକା ତାରା ତୋତଲା ତୁଲସୀପ୍ରିୟା ।
ତନ୍ତ୍ରିଣୀ ତନ୍ତ୍ରରୂପା ଚ ତନ୍ତ୍ରଜ୍ଞା ତନ୍ତ୍ରଧାରିଣୀ ॥ ୬୬॥
ତାରହାରା ଚ ତୁଲଜା ଡାକିନୀତନ୍ତ୍ରଗୋଚରା ।
ତ୍ରିପୁରା ତ୍ରିଦଶା ତ୍ରିସ୍ଥା ତ୍ରିପୁରାସୁରଘାତିନୀ ॥ ୬୭॥
ତ୍ରିଗୁଣା ଚ ତ୍ରିକୋଣସ୍ଥା ତ୍ରିମାତ୍ରା ତ୍ରିତନୁସ୍ଥିତା ।
ତ୍ରୈବିଦ୍ୟା ଚ ତ୍ରୟୀ ତ୍ରିଘ୍ନୀ ତୁରୀୟା ତ୍ରିପୁରେଶ୍ୱରୀ ॥ ୬୮॥
ତ୍ରିକୋଦରସ୍ଥା ତ୍ରିବିଧା ତ୍ରୈଲୋକ୍ୟା ତ୍ରିପୁରାତ୍ମିକା ।
ତ୍ରିଧାମ୍ନୀ ତ୍ରିଦଶାରାଧ୍ୟା ତ୍ର୍ୟକ୍ଷା ତ୍ରିପୁରବାସିନୀ ॥ ୬୯॥
ତ୍ରିବର୍ଣୀ ତ୍ରିପଦୀ ତାରା ତ୍ରିମୂର୍ତିଜନନୀ ତ୍ୱରା ।
ତ୍ରିଦିବା ତ୍ରିଦିବେଶାଽଽଦିର୍ଦେବୀ ତ୍ରୈଲୋକ୍ୟଧାରିଣୀ ॥ ୭୦॥
ତ୍ରିମୂର୍ତିଶ୍ଚ ତ୍ରିଜନନୀ ତ୍ରୀଭୂସ୍ତ୍ରୀପୁରସୁନ୍ଦରୀ ।
ତପସ୍ୱିନୀ ତପୋନିଷ୍ଠା ତରୁଣୀ ତାରରୂପିଣୀ ॥ ୭୧॥
ତାମସୀ ତାପସୀ ଚୈବ ତାପଘ୍ନୀ ଚ ତମୋପହା ।
ତରୁଣାର୍କପ୍ରତୀକାଶା ତପ୍ତକାଞ୍ଚନସନ୍ନିଭା ॥ ୭୨॥
ଉନ୍ମାଦିନୀ ତନ୍ତୁରୂପା ତ୍ରୈଲୋକ୍ୟବ୍ୟାପିନୀଶ୍ୱରୀ ।
ତାର୍କିକୀ ତର୍କିକୀ ବିଦ୍ୟା ତାପତ୍ରୟବିନାଶିନୀ ॥ ୭୩॥
ତ୍ରିପୁଷ୍କରା ତ୍ରିକାଲଜ୍ଞା ତ୍ରିସନ୍ଧ୍ୟା ଚ ତ୍ରିଲୋଚନା ।
ତ୍ରିବର୍ଗା ଚ ତ୍ରିବର୍ଗସ୍ଥା ତପସସ୍ସିଦ୍ଧିଦାୟିନୀ ॥ ୭୪॥
ଅଧୋକ୍ଷଜା ଅୟୋଧ୍ୟା ଚ ଅପର୍ଣା ଚ ଅବନ୍ତିକା ।
କାରିକା ତୀର୍ଥରୂପା ଚ ତୀରା ତୀର୍ଥକରୀ ତଥା ॥ ୭୫॥
ଦାରିଦ୍ର୍ୟଦୁଃଖଦଲିନୀ ଅଦୀନା ଦୀନବତ୍ସଲା ।
ଦୀନାନାଥପ୍ରିୟା ଦୀର୍ଘା ଦୟାପୂର୍ଣା ଦୟାତ୍ମିକା ॥ ୭୬॥
ଦେବଦାନବସମ୍ପୂଜ୍ୟା ଦେବାନାଂ ପ୍ରିୟକାରିଣୀ ।
ଦକ୍ଷପୁତ୍ରୀ ଦକ୍ଷମାତା ଦକ୍ଷୟଜ୍ଞବିନାଶିନୀ ॥ ୭୭॥
ଦେବସୂର୍ଦକ୍ଷୀଣା ଦକ୍ଷା ଦୁର୍ଗା ଦୁର୍ଗତିନାଶିନୀ ।
ଦେବକୀଗର୍ଭସମ୍ଭୂତା ଦୁର୍ଗଦୈତ୍ୟବିନାଶିନୀ ॥ ୭୮॥
ଅଟ୍ଟାଽଟ୍ଟହାସିନୀ ଦୋଲା ଦୋଲାକର୍ମାଭିନନ୍ଦିନୀ ।
ଦେବକୀ ଦେବିକା ଦେବୀ ଦୁରିତଘ୍ନୀ ତଟିତ୍ତଥା ॥ ୭୯॥
ଗଣ୍ଡକୀ ଗଲ୍ଲକୀ କ୍ଷିପ୍ରା ଦ୍ୱାରା ଦ୍ୱାରବତୀ ତଥା ।
ଆନନ୍ଦୋଦଧିମଧ୍ୟସ୍ଥା କଟିସୂତ୍ରୈରଲଙ୍କୃତା ॥ ୮୦॥
ଘୋରାଗ୍ନିଦାହଦମନୀ ଦୁଃଖଦୁସ୍ସ୍ୱପ୍ନନାଶିନୀ ।
ଶ୍ରୀମୟୀ ଶ୍ରୀମତୀ ଶ୍ରେଷ୍ଠା ଶ୍ରୀକରୀ ଶ୍ରୀବିଭାବିନୀ ॥ ୮୧॥
ଶ୍ରୀଦା ଶ୍ରୀଶା ଶ୍ରୀନିବାସା ଶ୍ରୀମତୀ ଶ୍ରୀର୍ମତିର୍ଗତିଃ ।
ଧନଦା ଦାମିନୀ ଦାନ୍ତା ଧମଦୋ ଧନଶାଲିନୀ ॥ ୮୨॥
ଦାଡିମୀପୁଷ୍ପସଙ୍କାଶା ଧନାଗାରା ଧନଞ୍ଜୟା ।
ଧୂମ୍ରାଭା ଧୂମ୍ରଦୈତ୍ତ୍ରଘ୍ନୀ ଧବଲା ଧବଲପ୍ରିୟା ॥ ୮୩॥
ଧୂମ୍ରବକ୍ତ୍ରା ଧୂମ୍ରନେତ୍ରା ଧୂମ୍ରକେଶୀ ଚ ଧୂସରା ।
ଧରଣୀ ଧରିଣୀ ଧୈର୍ୟା ଧରା ଧାତ୍ରୀ ଚ ଧୈର୍ୟଦା ॥ ୮୪॥
ଦମିନୀ ଧର୍ମିଣୀ ଧୂଶ୍ଚ ଦୟା ଦୋଗ୍ଧ୍ରୀ ଦୁରାସଦା ।
ନାରାୟଣୀ ନାରସିଂହୀ ନୃସିଂହହୃଦୟାଲୟା ॥ ୮୫॥
ନାଗିନୀ ନାଗକନ୍ୟା ଚ ନାଗସୂର୍ନାଗନାୟିକା ।
ନାନାରତ୍ନବିଚିତ୍ରାଙ୍ଗୀ ନାନାଭରଣମଣ୍ଡିତା ॥ ୮୬॥
ଦୁର୍ଗସ୍ଥା ଦୁର୍ଗରୂପା ଚ ଦୁଃଖଦୁଷ୍କୃତନାଶିନୀ ।
ହୀଙ୍କାରୀ ଚୈବ ଶ୍ରୀଙ୍କାରୀ ହୁଙ୍କାରୀ କ୍ଲେଶନାଶିନୀ ॥ ୮୭॥
ନଗାତ୍ମଜା ନାଗରୀ ଚ ନବୀନା ନୂତନପ୍ରିୟା ।
ନୀରଜାସ୍ୟା ନୀରଦାଭା ନବଲାବଣ୍ୟସୁନ୍ଦରୀ ॥ ୮୮॥
ନୀତିଜ୍ଞା ନୀତିଦା ନୀତିର୍ନିମନାଭିର୍ନଗେଶ୍ୱରୀ ।
ନିଷ୍ଠା ନିତ୍ୟା ନିରାତଙ୍କା ନାଗୟଜ୍ଞୋପବୀତିନୀ ॥ ୮୯॥
ନିଧିଦା ନିଧିରୂପାଚ ନିର୍ଗୁଣା ନରବାହିନୀ ।
ନରମାଂସରତା ନାରୀ ନରମୁଣ୍ଡବିଭୂଷଣା ॥ ୯୦॥
ନିରାଧାରା ନିର୍ୱିକାରା ନୁତିର୍ନିର୍ୱାଣସୁନ୍ଦରୀ ।
ନରାସୃକ୍ପାନମତ୍ତା ଚ ନିର୍ୱୈରା ନାଗଗାମିନୀ ॥ ୯୧॥
ପରମା ପ୍ରମିତା ପ୍ରାଜ୍ଞା ପାର୍ୱତୀ ପର୍ୱତାତ୍ମଜା ।
ପର୍ୱପ୍ରିୟା ପର୍ୱରତା ପର୍ୱପାବନପାବନୀ ॥ ୯୨॥
ପରାତ୍ପରତରା ପୂର୍ୱା ପଶ୍ଚିମା ପାପନାଶିନୀ ।
ପଶୂନାଂ ପତିପତ୍ନୀ ଚ ପତିଭକ୍ତିପରାୟଣା ॥ ୯୩॥
ପରେଶୀ ପାରଗା ପାରା ପରଞ୍ଜ୍ୟୋତିସ୍ୱରୂପିଣୀ ।
ନିଷ୍ଠୁରା କ୍ରୂରହୃଦୟା ପରାସିଦ୍ଧିଃ ପରାଗତିଃ ॥ ୯୪॥
ପଶୁଘ୍ନୀ ପଶୁରୂପା ଚ ପଶୁହା ପଶୁବାହିନୀ ।
ପିତା ମାତା ଚ ଯନ୍ତ୍ରୀ ଚ ପଶୁପାଶବିନାଶିନୀ ॥ ୯୫॥
ପଦ୍ମିନୀ ପଦ୍ମହସ୍ତା ଚ ପଦ୍ମକିଞ୍ଜଲ୍କବାସିନୀ ।
ପଦ୍ମବକ୍ତ୍ରା ଚ ପଦ୍ମାକ୍ଷୀ ପଦ୍ମସ୍ଥା ପଦ୍ମସମ୍ଭବା ॥ ୯୬॥
ପଦ୍ମାସ୍ୟା ପଞ୍ଚମୀ ପୂର୍ଣା ପୂର୍ଣପୀଠନିବାସିନୀ ।
ପଦ୍ମରାଗପ୍ରତୀକାଶା ପାଞ୍ଚାଲୀ ପଞ୍ଚମପ୍ରିୟା ॥ ୯୭॥
ପରବ୍ରହ୍ମସ୍ୱରୂପା ଚ ପରବ୍ରହ୍ମନିବାସିନୀ ।
ପରମାନନ୍ଦମୁଦିତା ପରଚକ୍ରନିବାସିନୀ ॥ ୯୮॥
ପରେଶୀ ପରମା ପୃଥ୍ୱୀ ପୀନତୁଙ୍ଗପୟୋଧରା ।
ପରାପରା ପରାବିଦ୍ୟା ପରମାନନ୍ଦଦାୟିନୀ ॥ ୯୯॥
ପୂଜ୍ୟା ପ୍ରଜ୍ଞାବତୀ ପୁଷ୍ଟିଃ ପିନାକିପରିକୀର୍ତିତା ।
ପ୍ରାଣଘ୍ନୀ ପ୍ରାଣରୂପା ଚ ପ୍ରାଣଦା ଚ ପ୍ରିୟମ୍ବଦା ॥ ୧୦୦॥
ଫଣିଭୂଷା ଫଣାବେଶୀ ଫକାରକଣ୍ଠମାଲିନୀ ।
ଫଣିରାଡ୍ୱୃତସର୍ୱାଙ୍ଗୀ ଫଲଭାଗନିବାସିନୀ ॥ ୧୦୧॥
ବଲଭଦ୍ରସ୍ୟ ଭଗିନୀ ବାଲା ବାଲପ୍ରଦାୟିନୀ ।
ଫଲ୍ଗୁରୁପା ପ୍ରଲମ୍ବଧ୍ନୀ ଫଲ୍ଗୂତ୍ସବ ବିନୋଦିନୀ ॥ ୧୦୨॥
ଭବାନୀ ଭବପତ୍ନୀ ଚ ଭବଭୀତିହରା ଭବା ।
ଭବେଶ୍ୱରୀ ଭବାରାଧ୍ୟା ଭବେଶୀ ଭବନାୟିକା ॥ ୧୦୩॥
ଭବମାତା ଭବାଗମ୍ୟା ଭବକଣ୍ଟକନାଶିନୀ ।
ଭବପ୍ରିୟା ଭବାନନ୍ଦା ଭବ୍ୟା ଚ ଭବମୋଚନୀ ॥ ୧୦୪॥
ଭାବନୀୟା ଭଗବତୀ ଭବଭାରବିନାଶିନୀ ।
ଭୂତଧାତ୍ରୀ ଚ ଭୂତେଶୀ ଭୂତସ୍ଥା ଭୂତରୂପିଣୀ ॥ ୧୦୫॥
ଭୂତମାତା ଚ ଭୂତଘ୍ନୀ ଭୂତପଞ୍ଚକବାସିନୀ ।
ଭୋଗୋପଚାରକୁଶଲା ଭିସ୍ସାଧାତ୍ରୀ ଚ ଭୂଚରୀ ॥ ୧୦୬॥
ଭୀତିଘ୍ନୀ ଭକ୍ତିଗମ୍ୟା ଚ ଭକ୍ତାନାମାର୍ତିନାଶିନୀ ।
ଭକ୍ତାନୁକମ୍ପିନୀ ଭୀମା ଭଗିନୀ ଭଗନାୟିକା ॥ ୧୦୭॥
ଭଗବିଦ୍ୟା ଭଗକ୍ଲିନ୍ନା ଭଗୟୋନିର୍ଭଗପ୍ରଦା ।
ଭଗେଶୀ ଭଗରୂପା ଚ ଭଗଗୁହ୍ୟା ଭଗାପହା ॥ ୧୦୮॥
ଭଗୋଦରୀ ଭଗାନନ୍ଦା ଭଗାଦ୍ୟା ଭଗମାଲିନୀ ।
ଭୋଗପ୍ରଦା ଭୋଗବାସା ଭୋଗମୂଲା ଚ ଭୋଗିନୀ ॥ ୧୦୯॥
ଭେରୁଣ୍ଡା ଭେଦିନୀ ଭୀମା ଭଦ୍ରକାଲୀ ଭିଦୋଜ୍ଝିତା ।
ଭୈରବୀ ଭୁବନେଶାନୀ ଭୁବନା ଭୁବନେଶ୍ୱରୀ ॥ ୧୧୦॥
ଭୀମାକ୍ଷୀ ଭାରତୀ ଚୈବ ଭୈରବାଷ୍ଟକସେବିତା ।
ଭାସ୍ୱରା ଭାସ୍ୱତୀ ଭୀତିର୍ଭାସ୍ୱଦୁତ୍ତାନଶାୟିନୀ ॥ ୧୧୧॥
ଭାଗୀରଥୀ ଭୋଗବତୀ ଭବଘ୍ନୀ ଭୁବନାତ୍ମିକା ।
ଭୂତିଦା ଭୂତିରୂପା ଚ ଭୂତସ୍ଥା ଭୂତବର୍ଧିନୀ ॥ ୧୧୨॥
ମାହେଶ୍ୱରୀ ମହାମାୟା ମହାତେଜା ମହାସୁରୀ ।
ମହାଜିହ୍ୱା ମହାଲୋଲା ମହାଦଂଷ୍ଟ୍ରା ମହାଭୁଜା ॥ ୧୧୩॥
ମହାମୋହାନ୍ଧକାରଘ୍ନୀ ମହାମୋକ୍ଷପ୍ରଦାୟିନୀ ।
ମହାଦାରିଦ୍ର୍ୟଶମନୀ ମହାଶତ୍ରୁବିମର୍ଦିନୀ ॥ ୧୧୪॥
ମହାଶକ୍ତିର୍ମହାଜ୍ୟୋତିର୍ମହାସୁରବିମର୍ଦିନୀ ।
ମହାକାୟା ମହାବୀର୍ୟା ମହାପାତକନାଶିନୀ ॥ ୧୧୫॥
ମହାରବା ମନ୍ତ୍ରମୟୀ ମଣିପୂରନିବାସିନୀ ।
ମାନସୀ ମାନଦା ମାନ୍ୟା ମନଶ୍ଚକ୍ଷୁରଗୋଚରା ॥ ୧୧୬॥
ମାହେନ୍ଦ୍ରୀ ମଧୁରା ମାୟା ମହିଷାସୁରମର୍ଦିନୀ ।
ମହାକୁଣ୍ଡଲିନୀ ଶକ୍ତିର୍ମହାବିଭବବର୍ଧିନୀ ॥ ୧୧୭॥
ମାନସୀ ମାଧବୀ ମେଧା ମତିଦା ମତିଧାରିଣୀ ।
ମେନକାଗର୍ଭସମ୍ଭୂତା ମେନକାଭଗିନୀ ମତିଃ ॥ ୧୧୮॥
ମହୋଦରୀ ମୁକ୍ତକେଶୀ ମୁକ୍ତିକାମ୍ୟାର୍ଥସିଦ୍ଧିଦା ।
ମାହେଶୀ ମହିଷାରୂଢା ମଧୁଦୈତ୍ୟବିମର୍ଦିନୀ ॥ ୧୧୯॥
ମହାବ୍ରତା ମହାମୂର୍ଧା ମହାଭୟବିନାଶିନୀ ।
ମାତଙ୍ଗୀ ମତ୍ତମାତଙ୍ଗୀ ମାତଙ୍ଗକୁଲମଣ୍ଡିତା ॥ ୧୨୦॥
ମହାଘୋରା ମାନନୀୟା ମତ୍ତମାତଙ୍ଗଗାମିନୀ ।
ମୁକ୍ତାହାରଲତୋପେତା ମଦଧୂର୍ଣିତଲୋଚନା ॥ ୧୨୧॥
ମହାପରାଧରାଶିଘ୍ରୀ ମହାଚୋରଭୟାପହା ।
ମହାଚିନ୍ତ୍ୟସ୍ୱରୂପା ଚ ମଣୀମନ୍ତ୍ରମହୌଷଧୀ ॥ ୧୨୨॥
ମଣିମଣ୍ଡପମଧ୍ୟସ୍ଥା ମଣିମାଲାବିରାଜିତା ।
ମନ୍ତ୍ରାତ୍ମିକା ମନ୍ତ୍ରଗମ୍ୟା ମନ୍ତ୍ରମାତା ସୁମନ୍ତ୍ରିଣୀ ॥ ୧୨୩॥
ମେରୁମନ୍ଦିରମଧ୍ୟସ୍ଥା ମକରାକୃତିକୁଣ୍ଡଲା ।
ମନ୍ଥରା ଚ ମହାସୂକ୍ଷ୍ମା ମହାଦୂତୀ ମହେଶ୍ୱରୀ ॥ ୧୨୪॥
ମାଲିନୀ ମାନବୀ ମାଧ୍ୱୀ ମଦରୂପା ମଦୋତ୍କଟା ।
ମଦିରା ମଧୁରା ଚୈବ ମୋଦିନୀ ଚ ମହୋଦ୍ଧତା ॥ ୧୨୫॥
ମଙ୍ଗଲାଙ୍ଗୀ ମଧୁମୟୀ ମଧୁପାନପରାୟଣା ।
ମନୋରମା ରମାମାତା ରାଜରାଜେଶ୍ୱରୀ ରମା ॥ ୧୨୬॥
ରାଜମାନ୍ୟା ରାଜପୂଜ୍ୟା ରକ୍ତୋତ୍ପଲବିଭୂଷଣା ।
ରାଜୀବଲୋଚନା ରାମା ରାଧିକା ରାମବଲ୍ଲଭା ॥ ୧୨୭॥
ଶାକିନୀ ଡାକିନୀ ଚୈବ ଲାବଣ୍ୟାମ୍ବୁଧିବୀଚିକା ।
ରୁଦ୍ରାଣୀ ରୁଦ୍ରରୂପା ଚ ରୌଦ୍ରା ରୁଦ୍ରାର୍ତିନାଶିନୀ ॥ ୧୨୮॥
ରକ୍ତପ୍ରିୟା ରକ୍ତବସ୍ତ୍ରା ରକ୍ତାକ୍ଷୀ ରକ୍ତଲୋଚନା ।
ରକ୍ତକେଶୀ ରକ୍ତଦଂଷ୍ଟ୍ରା ରକ୍ତଚନ୍ଦନଚର୍ଚିତା ॥ ୧୨୯॥
ରକ୍ତାଙ୍ଗୀ ରକ୍ତଭୂଷା ଚ ରକ୍ତବୀଜନିପାତିନୀ ।
ରାଗାଦିଦୋଷରହିତା ରତିଜା ରତିଦାୟିନୀ ॥ ୧୩୦॥
ବିଶ୍ୱେଶ୍ୱରୀ ବିଶାଲାକ୍ଷୀ ବିନ୍ଧ୍ୟପୀଠନିବାସିନୀ ।
ବିଶ୍ୱଭୂର୍ୱୀରବିଦ୍ୟା ଚ ବୀରସୂର୍ୱୀରନନ୍ଦିନୀ ॥ ୧୩୧॥
ବୀରେଶ୍ୱରୀ ବିଶାଲାକ୍ଷୀ ବିଷ୍ଣୁମାୟା ବିମୋହିନୀ ।
ବିଦ୍ୟାବତୀ ବିଷ୍ଣୁରୂପା ବିଶାଲନୟନୋଜ୍ଜ୍ୱଲା ॥ ୧୩୨॥
ବିଷ୍ଣୁମାତା ଚ ବିଶ୍ୱାତ୍ମା ବିଷ୍ଣୁଜାୟାସ୍ୱରୂପିଣୀ ।
ବାରାହୀ ବରଦା ବନ୍ଦ୍ୟା ବିଖ୍ୟାତା ବିଲସଲ୍କଚା ॥ ୧୩୩॥
ବ୍ରହ୍ମେଶୀ ବ୍ରହ୍ମଦା ବ୍ରାହ୍ମୀ ବ୍ରହ୍ମାଣୀ ବ୍ରହ୍ମରୂପିଣୀ ।
ଦ୍ୱାରକା ବିଶ୍ୱବନ୍ଦ୍ୟା ଚ ବିଶ୍ୱପାଶବିମୋଚନୀ ।
ବିଶ୍ୱାସକାରିଣୀ ବିଶ୍ୱା ବିଶ୍ୱଶକ୍ତିର୍ୱିଚକ୍ଷଣା ॥ ୧୩୪॥
ବାଣଚାପଧରା ବୀରା ବିନ୍ଦୁସ୍ଥା ବିନ୍ଦୁମାଲିନୀ ।
ଷଟ୍ଚକ୍ରଭେଦିନୀ ଷୋଢା ଷୋଡଶାରନିବାସିନୀ ॥ ୧୩୫॥
ଶିତିକଣ୍ଠପ୍ରିୟା ଶାନ୍ତା ଶାକିନୀ ବାତରୂପିଣୀ ।
ଶାଶ୍ୱତୀ ଶମ୍ଭୁବନିତା ଶାମ୍ଭବୀ ଶିବରୂପିଣୀ ॥ ୧୩୬॥
ଶିବମାତା ଚ ଶିବଦା ଶିବା ଶିବହୃଦାସନା ।
ଶୁକ୍ଲାମ୍ବରା ଶୀତଲା ଚ ଶୀଲା ଶୀଲପ୍ରଦାୟିନୀ ॥ ୧୩୭॥
ଶିଶୁପ୍ରିୟା ବୈଦ୍ୟବିଦ୍ୟା ସାଲଗ୍ରାମଶିଲା ଶୁଚିଃ ।
ହରିପ୍ରିୟା ହରମୂର୍ତିର୍ହରିନେତ୍ରକୃତାଲୟା ॥ ୧୩୮॥
ହରିବକ୍ତ୍ରୋଦ୍ଭବା ହାଲା ହରିବକ୍ଷଃସ୍ଥଲସ୍ଥିତା ।
କ୍ଷେମଙ୍କରୀ କ୍ଷିତିଃ କ୍ଷେତ୍ରା କ୍ଷୁଧିତସ୍ୟ ପ୍ରପୂରଣୀ ॥ ୧୩୯॥
ବୈଶ୍ୟା ଚ କ୍ଷତ୍ରିୟା ଶୂଦ୍ରୀ କ୍ଷତ୍ରିୟାଣାଂ କୁଲେଶ୍ୱରୀ ।
ହରପତ୍ନୀ ହରାରାଧ୍ୟା ହରସୂର୍ହରରୂପିଣୀ ॥ ୧୪୦॥
ସର୍ୱାନନ୍ଦମୟୀ ସିଦ୍ଧିସ୍ସର୍ୱରକ୍ଷାସ୍ୱରୂପିଣୀ ।
ସର୍ୱଦୁଷ୍ଟପ୍ରଶମନୀ ସର୍ୱେପ୍ସିତଫଲପ୍ରଦା ॥ ୧୪୧॥
ସର୍ୱସିଦ୍ଧେଶ୍ୱରାରାଧ୍ୟା ସର୍ୱମଙ୍ଗଲମଙ୍ଗଲା ।
ଫଲଶ୍ରୁତିଃ ।
ପୁଣ୍ୟଂ ସହସ୍ରନାମେଦଂ ତବ ପ୍ରୀତ୍ୟା ପ୍ରକାଶିତମ୍ ॥ ୧୪୨॥
ଗୋପନୀୟଂ ପ୍ରୟତ୍ନେନ ପଠନୀୟଂ ପ୍ରୟତ୍ନତଃ ।
ନାତଃ ପରତରଂ ପୁଣ୍ୟଂ ନାତଃ ପରତରଂ ତପଃ ॥ ୧୪୩॥
ନାତଃ ପରତରଂ ସ୍ତୋତ୍ରଂ ନାତଃ ପରତରା ଗତିଃ ।
ସ୍ତୋତ୍ରଂ ନାମସହସ୍ରାଖ୍ୟଂ ମମ ବକ୍ତ୍ରାଦ୍ୱିନିର୍ଗତମ୍ ॥ ୧୪୪॥
ଯଃ ପଠେତ୍ପରୟା ଭକ୍ତ୍ୟା ଶୃଣୁୟାଦ୍ୱା ସମାହିତଃ ।
ମୋକ୍ଷାର୍ଥୀ ଲଭତେ ମୋକ୍ଷଂ ସ୍ୱର୍ଗାର୍ଥୀ ସ୍ୱର୍ଗମାପ୍ନୁୟାତ୍ ॥ ୧୪୫॥
କାମାର୍ଥୀ ଲଭତେ କାମଂ ଧନାର୍ଥୀ ଲଭତେ ଧନମ୍ ।
ବିଦ୍ୟାର୍ଥୀ ଲଭତେ ବିଦ୍ୟାଂ ଯଶୋଽର୍ଥୀ ଲଭତେ ଯଶଃ ॥ ୧୪୬॥
କନ୍ୟାର୍ଥୀ ଲଭତେ କନ୍ୟାଂ ସୁତାର୍ଥୀ ଲଭତେ ସୁତାନ୍ ।
ମୂର୍ଖୋଽପି ଲଭତେ ଶାସ୍ତ୍ରଂ ଚୋରୋଽପି ଲଭତେ ଗତିମ୍ ॥ ୧୪୭॥
ଗୁର୍ୱିଣୀ ଜନୟେତ୍ପୁତ୍ରଂ କନ୍ୟାଂ ବିନ୍ଦତି ସତ୍ପତିମ୍ ।
ସଙ୍କ୍ରାନ୍ତ୍ୟାଂ ଚ ଚତୁର୍ଦଶ୍ୟାମଷ୍ଟମ୍ୟାଂ ଚ ବିଶେଷତଃ ॥ ୧୪୮॥
ପୌର୍ଣମାସ୍ୟାମମାବାସ୍ୟାଂ ନବମ୍ୟାଂ ଭୌମବାସରେ ।
ପଠେଦ୍ୱା ପାଠୟେଦ୍ୱାପି ପୂଜୟେଦ୍ୱାପି ପୁସ୍ତକମ୍ ॥ ୧୪୯॥
ସ ମୁକ୍ତସ୍ସର୍ୱପାପେଭ୍ୟଃ କାମେଶ୍ୱରସମୋ ଭବେତ୍ ।
ଲକ୍ଷ୍ମୀବାନ୍ ସୁତବାଂଶ୍ଚୈବ ବଲ୍ଲଭସ୍ସର୍ୱୟୋଷିତାମ୍ ॥ ୧୫୦॥
ତସ୍ୟ ବଶ୍ୟଂ ଭବେଦାଶୁ ତ୍ରୈଲୋକ୍ୟଂ ସଚରାଚରମ୍ ।
ବିଦ୍ୟାନାଂ ପାରଗୋ ବିପ୍ରଃ କ୍ଷତ୍ରିୟୋ ବିଜୟୀ ରଣେ ॥ ୧୫୧॥
ବୈଶ୍ୟୋ ଧନସମୃଦ୍ଧସ୍ସ୍ୟାଚ୍ଛୂଦ୍ରସ୍ସୁଖମବାପ୍ନୁୟାତ୍ ।
କ୍ଷେତ୍ରେ ଚ ବହୁସସ୍ୟଂ ସ୍ୟାଦ୍ଗାବଶ୍ଚ ବହୁଦୁଗ୍ଧଦାଃ ॥ ୧୫୨॥
ନାଶୁଭଂ ନାପଦସ୍ତସ୍ୟ ନ ଭୟଂ ନୃପଶତ୍ରୁତଃ ।
ଜାୟତେ ନାଶୁଭା ବୁଦ୍ଧିର୍ଲଭତେ କୁଲପୂଜ୍ୟତାମ୍ ॥ ୧୫୩॥
ନ ବାଧନ୍ତେ ଗ୍ରହାସ୍ତସ୍ୟ ନ ରକ୍ଷାଂସି ନ ପନ୍ନଗାଃ ।
ନ ପିଶାଚା ନ ଡାକିନ୍ୟୋ ଭୂତଭେତାଲଡମ୍ଭକାଃ ॥ ୧୫୪॥
ବାଲଗ୍ରହାଭିଭୂତାନାଂ ବାଲାନାଂ ଶାନ୍ତିକାରକମ୍ ।
ଦ୍ୱନ୍ଦ୍ୱାନାଂ ପ୍ରତିଭେଦେ ଚ ମୈତ୍ରୀକରଣମୁତ୍ତମମ୍ ॥ ୧୫୫॥
ଲୋହପାଶୈଦୃଢୈର୍ବଦ୍ଧୋ ବନ୍ଦୀ ବେଶ୍ମନି ଦୁର୍ଗମେ ।
ତିଷ୍ଠଞ୍ଛୃଣ୍ୱନ୍ପତନ୍ମର୍ତ୍ୟୋ ମୁଚ୍ୟତେ ନାତ୍ର ସଂଶୟଃ ॥ ୧୫୬॥
ପଶ୍ୟନ୍ତି ନହି ତେ ଶୋକଂ ବିୟୋଗଂ ଚିରଜୀବିନଃ ।
ଶୃଣ୍ୱତୀ ବଦ୍ଧଗର୍ଭା ଚ ସୁଖଂ ଚୈବ ପ୍ରସୂୟତେ ॥ ୧୫୭॥
ଏକଦା ପଠନାଦେବ ସର୍ୱପାପକ୍ଷୟୋ ଭବେତ୍ ।
ନଶ୍ୟନ୍ତି ଚ ମହାରୋଗା ଦଶଧାବର୍ତନେନ ଚ ॥ ୧୫୮॥
ଶତଧାବର୍ତନେ ଚୈବ ବାଚାଂ ସିଦ୍ଧିଃ ପ୍ରଜାୟତେ ।
ନବରାତ୍ରେ ଜିତାହାରୋ ଦୃଢବୁଦ୍ଧିର୍ଜିତେନ୍ଦ୍ରିୟଃ ॥ ୧୫୯॥
ଅମ୍ବିକାୟତନେ ବିଦ୍ୱାନ୍ ଶୁଚିଷ୍ମାନ୍ ମୂର୍ତିସନ୍ନିଧୌ ।
ଏକାକୀ ଚ ଦଶାବର୍ତଂ ପଠନ୍ଧୀରଶ୍ଚ ନିର୍ଭୟଃ ॥ ୧୬୦॥
ସାକ୍ଷାତ୍ତ୍ୱଗବତୀ ତସ୍ମୈ ପ୍ରୟଚ୍ଛେଦୀପ୍ସିତଂ ଫଲମ୍ ।
ସିଦ୍ଧପୀଠେ ଗିରୌ ରମ୍ୟେ ସିଦ୍ଧକ୍ଷେତ୍ରେ ସୁରାଲୟେ ॥ ୧୬୧॥
ପଠନାତ୍ସାଧକସ୍ୟାଶୁ ସିଦ୍ଧିର୍ଭବତି ବାଞ୍ଛିତା ।
ଦଶାବର୍ତଂ ପଠେନ୍ନିତ୍ୟଂ ଭୂମୀଶାୟୀ ନରଶ୍ଶୁଚିଃ ॥ ୧୬୨॥
ସ୍ୱପ୍ନେ ମୂର୍ତିମୟାଂ ଦେବୀଂ ବରଦାଂ ସୋଽପି ପଶ୍ୟତି ।
ଆବର୍ତନସହସ୍ରୈର୍ୟେ ଜପନ୍ତି ପୁରୁଷୋତ୍ତମାଃ ॥ ୧୬୩॥
ତେ ସିଦ୍ଧା ସିଦ୍ଧିଦା ଲୋକେ ଶାପାନୁଗ୍ରହଣକ୍ଷମାଃ ।
ପ୍ରୟଚ୍ଛନ୍ତଶ୍ଚ ସର୍ୱସ୍ୱଂ ସେବନ୍ତେ ତାନ୍ମହୀଶ୍ୱରାଃ ॥ ୧୬୪॥
ଭୂର୍ଜପତ୍ରେଽଷ୍ଟଗନ୍ଧେନ ଲିଖିତ୍ୱା ତୁ ଶୁଭେ ଦିନେ ।
ଧାରୟେଦ୍ୟନ୍ତ୍ରିତଂ ଶୀର୍ଷେ ପୂଜୟିତ୍ୱା କୁମାରିକାମ୍ ॥ ୧୬୫॥
ବ୍ରାହ୍ମଣାନ୍ ବରନାରୀଶ୍ଚ ଧୂପୈଃ କୁସୁମଚନ୍ଦନୈଃ ।
କ୍ଷୀରଖଣ୍ଡାଦିଭୋଜ୍ୟାଂଶ୍ଚ ଭୋଜୟିତ୍ୱା ସୁଭକ୍ତିତଃ ॥ ୧୬୬॥
ବଧ୍ନନ୍ତି ଯେ ମହାରକ୍ଷାଂ ବାଲାନାଂ ଚ ବିଶେଷତଃ ।
ରୁଦ୍ରଂ ଦୃଷ୍ଟ୍ୱା ଯଥା ଦେବଂ ବିଷ୍ଣୁଂ ଦୃଷ୍ଟ୍ୱା ଚ ଦାନବାଃ ॥ ୧୬୭॥
ପନ୍ନଗା ଗରୁଡଂ ଦୃଷ୍ଟ୍ୱା ସିଂହଂ ଦୃଷ୍ଟ୍ୱା ଯଥା ଗଜାଃ ।
ମଣ୍ଡୂକା ଭୋଗିନଂ ଦୃଷ୍ଟ୍ୱା ମାର୍ଜାରଂ ମୂଷିକାସ୍ତଥା ॥ ୧୬୮॥
ବିଘ୍ନଭୂତାଃ ପଲାୟନ୍ତେ ତସ୍ୟ ବକ୍ତ୍ରବିଲୋକନାତ୍ ।
ଅଗ୍ନିଚୋରଭୟଂ ତସ୍ୟ କଦାଚିନ୍ନୈବ ସମ୍ଭବେତ୍ ॥ ୧୬୯॥
ପାତକାନ୍ୱିବିଧାନ୍ସୋଽପି ମେରୁମନ୍ଦରସନ୍ନିଭାନ୍ ।
ଭସ୍ମିତାନ୍କୁରୁତେ କ୍ଷିପ୍ରଂ ତୃଣଂ ବହ୍ନିହୁତଂ ଯଥା ॥ ୧୭୦॥
ନୃପାଶ୍ଚ ବଶ୍ୟତାଂ ଯାନ୍ତି ନୃପପୂଜ୍ୟାଶ୍ଚ ତେ ନରାଃ ।
ମହାର୍ଣବେ ମହାନଦ୍ୟାଂ ପୋତସ୍ଥେ ଚ ନ ଭୀଃ କଚିତ୍ ॥ ୧୭୧॥
ରଣେ ଦ୍ୟୂତେ ବିବାଦେ ଚ ବିଜୟଂ ପ୍ରାପ୍ନୁବନ୍ତି ତେ ।
ସର୍ୱତ୍ର ପୂଜିତୋ ଲୋକୈର୍ବହୁମାନପୁରସ୍ସରୈଃ ॥ ୧୭୨॥
ରତିରାଗବିବୃଦ୍ଧାଶ୍ଚ ବିହ୍ୱଲାଃ କାମପୀଡିତାଃ ।
ଯୌବନାକ୍ରାନ୍ତଦେହାସ୍ତାନ୍ ଶ୍ରୟନ୍ତେ ବାମଲୋଚନାଃ ॥ ୧୭୩॥
ସହସ୍ରଂ ଜପତେ ଯସ୍ତୁ ଖେଚରୀ ଜାୟତେ ନରଃ ।
ସହସ୍ରଦଶକଂ ଦେବି ଯଃ ପଠେଦ୍ଭକ୍ତିମାନ୍ନରଃ ॥ ୧୭୪॥
ସା ତସ୍ୟ ଜଗତାଂ ଧାତ୍ରୀ ପ୍ରତ୍ୟକ୍ଷା ଭବତି ଧ୍ରୁବମ୍ ।
ଲକ୍ଷଂ ପୂର୍ଣଂ ଯଦା ଦେବି ସ୍ତୋତ୍ରରାଜଂ ଜପେତ୍ସୁଧୀଃ ॥ ୧୭୫॥
ଭବପାଶବିନିର୍ମୁକ୍ତୋ ମମ ତୁଲ୍ୟୋ ନ ସଂଶୟଃ ।
ସର୍ୱତୀର୍ଥେଷୁ ଯତ୍ପୁଣ୍ୟଂ ସର୍ୱତୀର୍ଥେଷୁ ଯତ୍ଫଲମ୍ ॥ ୧୭୬॥
ସର୍ୱଧର୍ମେଷୁ ଯଜ୍ଞେଷୁ ସର୍ୱଦାନେଷୁ ଯତ୍ଫଲମ୍ ।
ସର୍ୱବେଦେଷୁ ପ୍ରୋକ୍ତେଷୁ ଯତ୍ଫଲଂ ପରିକୀର୍ତିତମ୍ ॥ ୧୭୭॥
ତତ୍ପୁଣ୍ୟଂ କୋଟିଗୁଣିତଂ ସକୃଜ୍ଜପ୍ତ୍ୱା ଲଭେନ୍ନରଃ ।
ଦେହାନ୍ତେ ପରମଂ ସ୍ଥାନଂ ଯତ୍ସୁରୈରପି ଦୁର୍ଲଭମ୍ ।
ସ ଯାସ୍ୟତି ନ ସନ୍ଦେହସ୍ସ୍ତବରାଜସ୍ୟ କୀର୍ତନାତ୍ ॥ ୧୭୮॥
॥ ଇତି ରୁଦ୍ରୟାମଲେ ଶ୍ରୀଅନ୍ନପୂର୍ଣାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
Annapoorna Sahshranama Stotram
Comments
Post a Comment