ଶ୍ରୀଅନ୍ନପୂର୍ଣାଷ୍ଟୋତ୍ତରଶତନାମସ୍ତୋତ୍ରମ୍
ଶ୍ରୀଅନ୍ନପୂର୍ଣାଷ୍ଟୋତ୍ତରଶତନାମସ୍ତୋତ୍ରମ୍
॥ ଶ୍ରୀଗଣେଶାୟ ନମଃ ॥
॥ ଶ୍ରୀଅନ୍ନପୂର୍ଣାବିଶ୍ୱନାଥାଭ୍ୟାଂ ନମଃ ॥
ଅସ୍ୟ ଶ୍ରୀଅନ୍ନପୂର୍ଣାଷ୍ଟୋତ୍ତରଶତନାମସ୍ତୋତ୍ରମନ୍ତ୍ରସ୍ୟ
ଭଗବାନ୍ ଶ୍ରୀବ୍ରହ୍ମା ଋଷିଃ ।
ଅନୁଷ୍ଟୁପ୍ଛନ୍ଦଃ । ଶ୍ରୀଅନ୍ନପୂର୍ଣେଶ୍ୱରୀ ଦେବତା ।
ସ୍ୱଧା ବୀଜମ୍ । ସ୍ୱାହା ଶକ୍ତିଃ । ଓଁ କୀଲକମ୍ ।
ମମ ସର୍ୱାଭୀଷ୍ଟପ୍ରସାଦସିଦ୍ଧୟର୍ଥେ ପାଠେ ବିନିୟୋଗଃ ।
ଓଁ ଅନ୍ନପୂର୍ଣା ଶିବା ଦେବୀ ଭୀମା ପୁଷ୍ଟିସ୍ସରସ୍ୱତୀ ।
ସର୍ୱଜ୍ଞା ପାର୍ୱତୀ ଦୁର୍ଗା ଶର୍ୱାଣୀ ଶିବବଲ୍ଲଭା ॥ ୧॥
ବେଦବେଦ୍ୟା ମହାବିଦ୍ୟା ବିଦ୍ୟାଦାତ୍ରୀ ବିଶାରଦା ।
କୁମାରୀ ତ୍ରିପୁରା ବାଲା ଲକ୍ଷ୍ମୀଶ୍ଶ୍ରୀର୍ଭୟହାରିଣୀ ॥ ୨॥
ଭବାନୀ ବିଷ୍ଣୁଜନନୀ ବ୍ରହ୍ମାଦିଜନନୀ ତଥା ।
ଗଣେଶଜନନୀ ଶକ୍ତିଃ କୁମାରଜନନୀ ଶୁଭା ॥ ୩॥
ଭୋଗପ୍ରଦା ଭଗବତୀ ଭତ୍ତାଭୀଷ୍ଟପ୍ରଦାୟିନୀ ।
ଭବରୋଗହରା ଭବ୍ୟା ଶୁଭ୍ରା ପରମମଙ୍ଗଲା ॥ ୪॥
ଭବାନ୍ନୀ ଚଞ୍ଚଲା ଗୌରୀ ଚାରୁଚନ୍ଦ୍ରକଲାଧରା ।
ବିଶାଲାକ୍ଷୀ ବିଶ୍ୱମାତା ବିଶ୍ୱବନ୍ଦ୍ୟା ବିଲାସିନୀ ॥ ୫॥
ଆର୍ୟା କଲ୍ୟାଣନିଲୟା ରୁଦ୍ରାଣୀ କମଲାସନା ।
ଶୁଭପ୍ରଦା ଶୁଭାବର୍ତା ବୃତ୍ତପୀନପୟୋଧରା ॥ ୬॥
ଅମ୍ବା ସଂହାରମଥନୀ ମୃଡାନୀ ସର୍ୱମଙ୍ଗଲା ।
ବିଷ୍ଣୁସଂସେବିତା ସିଦ୍ଧା ବ୍ରହ୍ମାଣୀ ସୁରସେବିତା ॥ ୭॥
ପରମାନନ୍ଦଦା ଶାନ୍ତିଃ ପରମାନନ୍ଦରୂପିଣୀ ।
ପରମାନନ୍ଦଜନନୀ ପରାନନ୍ଦପ୍ରଦାୟିନୀ ॥ ୮॥
ପରୋପକାରନିରତା ପରମା ଭକ୍ତବତ୍ସଲା ।
ପୂର୍ଣଚନ୍ଦ୍ରାଭବଦନା ପୂର୍ଣଚନ୍ଦ୍ରନିଭାଂଶୁକା ॥ ୯॥
ଶୁଭଲକ୍ଷଣସମ୍ପନ୍ନା ଶୁଭାନନ୍ଦଗୁଣାର୍ଣବା ।
ଶୁଭସୌଭାଗ୍ୟନିଲୟା ଶୁଭଦା ଚ ରତିପ୍ରିୟା ॥ ୧୦॥
ଚଣ୍ଡିକା ଚଣ୍ଡମଥନୀ ଚଣ୍ଡଦର୍ପନିବାରିଣୀ ।
ମାର୍ତାଣ୍ଡନୟନା ସାଧ୍ୱୀ ଚନ୍ଦ୍ରାଗ୍ନିନୟନା ସତୀ ॥ ୧୧॥
ପୁଣ୍ଡରୀକହରା ପୂର୍ଣା ପୁଣ୍ୟଦା ପୁଣ୍ୟରୂପିଣୀ ।
ମାୟାତୀତା ଶ୍ରେଷ୍ଠମାୟା ଶ୍ରେଷ୍ଠଧର୍ମାତ୍ମବନ୍ଦିତା ॥ ୧୨॥
ଅସୃଷ୍ଟିସ୍ସଙ୍ଗରହିତା ସୃଷ୍ଟିହେତୁଃ କପର୍ଦିନୀ ।
ବୃଷାରୂଢା ଶୂଲହସ୍ତା ସ୍ଥିତିସଂହାରକାରିଣୀ ॥ ୧୩॥
ମନ୍ଦସ୍ମିତା ସ୍କନ୍ଦମାତା ଶୁଦ୍ଧଚିତ୍ତା ମୁନିସ୍ତୁତା ।
ମହାଭଗବତୀ ଦକ୍ଷା ଦକ୍ଷାଧ୍ୱରବିନାଶିନୀ ॥ ୧୪॥
ସର୍ୱାର୍ଥଦାତ୍ରୀ ସାବିତ୍ରୀ ସଦାଶିବକୁଟୁମ୍ବିନୀ ।
ନିତ୍ୟସୁନ୍ଦରସର୍ୱାଙ୍ଗୀ ସଞ୍ଚିଦାନନ୍ଦଲକ୍ଷଣା ॥ ୧୫॥
ନାମ୍ନାମଷ୍ଟୋତ୍ତରଶତମ୍ବାୟାଃ ପୁଣ୍ୟକାରଣମ୍ ।
ସର୍ୱସୌଭାଗ୍ୟସିଦ୍ଧ୍ୟର୍ଥଂ ଜପନୀୟଂ ପ୍ରୟତ୍ନତଃ ॥ ୧୬॥
ଏତାନି ଦିବ୍ୟନାମାନି ଶ୍ରୁତ୍ୱା ଧ୍ୟାତ୍ୱା ନିରନ୍ତରମ୍ ।
ସ୍ତୁତ୍ୱା ଦେବୀଞ୍ଚ ସତତଂ ସର୍ୱାନ୍କାମାନବାପ୍ନୁୟାତ୍ ॥ ୧୭॥
॥ ଇତି ଶ୍ରୀବ୍ରହ୍ମୋତ୍ତରଖଣ୍ଡେ ଆଗମପ୍ରଖ୍ୟାତିଶିବରହସ୍ୟେ
ଶ୍ରୀଅନ୍ନପୂର୍ଣାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥
.
Comments
Post a Comment