ପଞ୍ଚ ଦେବତା ପୂଜା
ପଞ୍ଚ ଦେବତା ପୂଜା
॥ ଶ୍ରୀଗଣେଶାୟ ନମଃ ॥
॥ ଅଥ ପଞ୍ଚ ଦେବତା-ପୂଜନ-ବିଧି ॥
ସ୍ନାତଃ ଶ୍ୱେତବସ୍ତ୍ରପରିଧାନଂ କୃତ୍ୱା କୁଶହସ୍ତୋ ଯଜମାନଃ
ଓଁ ଯଜ୍ଞୋପବୀତଂ ପରମଂ ପବିତ୍ରଂ ପ୍ରଜାପତେର୍ୟତ୍ସହଜଂ ପୁରସ୍ତାତ୍ ।
ଆୟୁଷ୍ୟମଗ୍ର୍ୟଂ ପ୍ରତିମୁଞ୍ଚ ଶୁଭ୍ରଂ ଯଜ୍ଞୋପବୀତଂ ବଲମସ୍ତୁ ତେଜଃ ॥
ଓଁ ଯଜ୍ଞୋପବୀତମସି ଯଜ୍ଞସ୍ୟ ତ୍ୱା ଯଜ୍ଞୋପବୀତେନୋପନହ୍ୟାମି ॥
ଇତି ମନ୍ତ୍ରେଣ ଯଜ୍ଞୋପବୀତଧାରଣଂ କୃତ୍ୱା ଆସନୋ ପରି
ଉପବିଷ୍ଟଃ ଚନ୍ଦନ-ଲେପନଂ କୁର୍ୟାତ୍।
ତିଲକଂ ଚନ୍ଦନସ୍ୟାଥ ପବିତ୍ରଂ ପାପନାଶନଂ ।
ଯଃ କୁର୍ୟାତ୍ ପ୍ରତ୍ୟହଂ ସ୍ନାତ୍ୱା ଲକ୍ଷ୍ମୀର୍ୱସତି ତଦ୍ଗୃହେ ॥
ତତଃ--
ଓଁ ଅପବିତ୍ରଃ ପବିତ୍ରୋ ବା ସର୍ୱାସ୍ଥାଂ ଗତୋଽପି ବା ।
ଯଃ ସ୍ମରେତ୍ପୁଣ୍ଡରୀକାକ୍ଷଂ ସ ବାହ୍ୟାଭ୍ୟନ୍ତରଃ ଶୁଚିଃ ॥
ଇତି ଜଲେନ୍ ଆତ୍ମାନଂ ପୁଜୋପକରଣାନି ଚ ଅଭିଷିଞ୍ଚେତ୍ ।
ଓଁ ପୃତ୍ୱୀ ତ୍ୱୟା ଧୃତା ଲୋକା ଦେବୀ ତ୍ୱଂ ବିଷ୍ଣୁନା ଧୃତା ।
ତ୍ୱଞ୍ଚ ଧାରୟ ମାଂ ଦେବି ପବିତ୍ରଂ କୁରୁ ଚାସନମ୍ ॥
ଇତି ପ୍ରଣମ୍ୟ ତ୍ରିକୋଣମଣ୍ଡଲଂ ବିଧାୟ ଜଲଗନ୍ଧାକ୍ଷତପୁଷ୍ପୈ ।
ଓଁ ପୃଥିବ୍ୟୈ ନମଃ। ଓଁ ଆଧାରଶକ୍ତୟେ ନମଃ। ଓଁ କୁର୍ମାୟ
ନମଃ। ଓଁ ଅନନ୍ତାୟ ନମଃ। ଓଁ ଶେଷନାଗାୟ ନମଃ।
ସମ୍ପୂଜ୍ୟ।
ତତଃ ଶ୍ୱେତସର୍ଷପାନାଦାୟ
ଓଁ ଗଙ୍ଗେ ଚ ଯମୁନେ ଚୈବ ଗୋଦାବରି ସରସ୍ୱତୀ।
ନର୍ମଦେ ସିନ୍ଧୁ କାବେରି ଜଲେଽସ୍ମିନ୍ସନ୍ନିଧି କୁରୁ॥
ଇତ୍ୟଧୋପୋପାତ୍ରେ ଗଙ୍ଗାଦିତିର୍ଥାନ୍ୟାହୂୟ।
ଓଁ ଗଙ୍ଗାଦିସରିଦ୍ଭ୍ୟୋ ନମଃ ।
ଇତି ଗନ୍ଧାକ୍ଷତପୁଷ୍ପୈଃ ସମ୍ପୂଜ୍ୟବଦ୍ଧାଞ୍ଜଲିର୍ଭୂତ୍ୱା ପ୍ରାର୍ଥୟେତ୍ ।
ଓଁ ସୂର୍ୟ୍ୟସ୍ସୋମୋ ଯମଃ କାଲଃ ସନ୍ଧ୍ୟେ ଭୂତାନ୍ୟହଃ କ୍ଷମା ।
ପବନୋ ଦିକ୍ପତିର୍ଭୂମି ରାକା ଶଙ୍ଖଶ୍ଚରାମରାଃ।
ବ୍ରହ୍ମେଶାସନମାସ୍ଥାୟ କଲ୍ପ୍ୟଧ୍ୱମିହ ସନ୍ନିଧିମ୍ ।
ତଦ୍ୱିଷ୍ଣୋଃ ପରମଂ ଧାମ ସଦା ପଶ୍ୟନ୍ତି ସୂରୟଃ ॥
ଓଁ ବିଷ୍ଣୁର୍ୱିଷ୍ଣୁର୍ୱିଷ୍ଣୁଃ ଶ୍ରୀମଦ୍ଭଗବତୋ ମହାପୁରୁଷସ୍ୟ ବିଷ୍ଣୋରାଜ୍ଞୟା
ପ୍ରବର୍ତମାନସ୍ୟ ଅଦ୍ୟ ଶ୍ରୀବ୍ରହ୍ମଣୋହ୍ନି ଦ୍ୱିତିୟପରାର୍ଦ୍ଧେ ଶ୍ରୀଶ୍ୱେତବାରାହକଲ୍ପେ
ବୈବସ୍ୱତମନ୍ୱନ୍ତରେ ଅଷ୍ଟାବିଂଶତିତମେ କଲିୟୁଗେ କଲିପ୍ରଥମଚରଣୋ
ଭାରତବର୍ଷେ ଭରତଖଣ୍ଡେ ଶାଲିବାହନଶକେ ବୌଧାବତାରେ ଅମୁକସମ୍ବତ୍ସରେ
ଅମୁକମାସେ ଅମୁକପକ୍ଷେ ଅମୁକତିଥୌ ଅମୁକବାସରେ ଅମୁକଗୋତ୍ରୋଽହଂ ଅମୁକଶର୍ମାଽହଂ
ଅମୁକପ୍ରଧାନଦେବାର୍ଚନଦ୍ୱାରା ମମ ସପରିବାରସ୍ୟ ସକୁଟୁମ୍ବସ୍ୟ ସକଲଦୁରିତୋପଶମନାର୍ଥଂ
ସର୍ୱାପଦାଂ ଶାନ୍ତ୍ୟର୍ଥଂ ବିପୁଲଧନଧାନ୍ୟ ସୁଖସୌଭାଗ୍ୟାଦି-ନିଖିଲସଦଭିଷ୍ଟ-ସଂସିଦ୍ଧୟେ
ଚ ଅମୁକ ପ୍ରଧାନ ଦେବତା ପୂଜନଂ ବ୍ରାହ୍ମଣବରଣଂ ସ୍ୱସ୍ତ୍ୟାହବାଚନଂ କଲଶସ୍ଥାନଂ ଗଣେଶାଦି
ପଞ୍ଚଦେବତାନବଗ୍ରହ-ଦିକ୍ପାଲାଦି-ସର୍ୱଦେବୈର୍ଦେବୋଭିଶ୍ଚ ସହ ଅମୁକପ୍ରାଧାନ ଦେବତାପୂଜନଂ କରିଷ୍ୟେ ॥
ଇତି ସଙ୍କଲ୍ପଃ
ତତଃ ସ୍ୱସ୍ତ୍ୟଯନମ୍
ଓଁ ସ୍ୱସ୍ତି ନଽ ଇନ୍ଦ୍ରୋ ବୃଦ୍ଧଶ୍ରବାଃ ସ୍ୱସ୍ତିନଃ ପୂଷା ବିଶ୍ୱବେଦାଃ
ସ୍ୱସ୍ତିନସ୍ତାର୍କ୍ଷ୍ୟୋଽରିଷ୍ଟନେମିଃସ୍ୱସ୍ତିନୋ ବୃହସ୍ପତିର୍ଦଧାତୁ ॥
ଓଁ ପୃଶ୍ନିମାତରଃ ଶୁଭଂୟାବାନୋ ବିଦଥେଷୁ ଜଗ୍ମୟଃ
ଅଗ୍ନିର୍ଜିହ୍ୱା ମନବଃ ସୂରଚକ୍ଷସୋ ବିଶ୍ୱେନୋ ଦେବାଽବସାଗମନ୍ନିହ ॥
ଓଁ ଭଦ୍ରଙ୍କର୍ଣେଭି ଶୃଣୁୟାମ ଦେବା ଭଦ୍ରମ୍ପଶ୍ୟେମାକ୍ଷଭିର୍ୟଜତ୍ରାଃ
ସ୍ଥିରୈରଙ୍ଗୈସ୍ତୁଷ୍ଟୁବାଂ ସସ୍ତନୂଭିର୍ୱ୍ୟଶେମହି ଦେବହିତଂ ଯଦାୟୁଃ ॥
ଶତମିନ୍ନୁ ଶରଦୋ ଅନ୍ତି ଦେବା ଯାତ୍ରାନଶ୍ଚକ୍ରା ଜରସନ୍ତନୂନାମ୍
ପୁତ୍ରାସୋ ଯତ୍ର ପିତରୋ ଭବନ୍ତି ମାନୋ ମଦ୍ୟାରୀ ରିଷତାୟୁର୍ଗନ୍ତୋଃ ॥
ଆଦିତିର୍ଦ୍ୟୌରଦିରନ୍ତରିକ୍ଷମଦିତିର୍ମାତା ସପିତା ସପୁତ୍ରଃ
ବିଶ୍ୱେଦେବା ଅଦିତିଃ ପଞ୍ଚଜନା ଅଦିତିର୍ଜାତମାଦିତିର୍ଜନିତ୍ୱମ୍ ॥
ଦୀର୍ଘାୟୁତ୍ୱାୟ ବଲାୟ ବର୍ଚସେ ସୁପ୍ରଜାସ୍ୱାୟ ସହସା ଅଥୋ ଜୀବ
ଶରଦଶ୍ଶତମ୍ ଓଁ ଦ୍ୟୌଃ ଶାନ୍ତିରନ୍ତରିକ୍ଷ୍ ଁ ଶାନ୍ତି ପୃଥିବୀ
ଶାନ୍ତିରାପଃ ଶାନ୍ତୋଷଧୟଃ ଶାନ୍ତିଃ ।
ବନସ୍ପତୟଃଶାନ୍ତିର୍ୱ୍ୱିଶ୍ୱେଦେବାଃ ଶାନ୍ତିର୍ବ୍ରହ୍ମ ଶାନ୍ତି ସର୍ୱ ଁ
ଶାନ୍ତିଃ ଶାନ୍ତିରେବ ଶାନ୍ତିଃ ସାମା ଶାନ୍ତିରେଧି ॥
ମଙ୍ଗଲଂ ଭଗବାନ୍ ବିଷ୍ଣୁଃ ମଙ୍ଗଲଂ ଗରୁଡଧ୍ୱଜଃ ।
ମଙ୍ଗଲଂ ପୁଣ୍ଡରୀକାକ୍ଷଃ ମଙ୍ଗଲାୟତନୋ ହରିଃ ।
ଓଁ ଯଂ ବ୍ରହ୍ମ ବେଦାନ୍ତବିଦୋ ବଦନ୍ତି ପରଂ ପ୍ରଧାନଂ ପୁରୁଷଂ ତଥାନ୍ୟେ ।
ବିଶ୍ୱସୃତେଃ କାରଣମିଶ୍ୱରଂ ବା ତସ୍ମୈ ନମୋ ବିଘ୍ନବିନାଶନାୟ॥
ତତଃ କଲଶସଂସ୍ଥାପନମ୍ ।
ଓଁ ଭୂରସି ଭୂମିରସ୍ୟ ଦିତିରସି ବିଶ୍ୱଧାୟାବିଶ୍ୱଶ୍ୟ ଭୁବନସ୍ୟ ଧର୍ତ୍ରୀ।
ପୃଥିବୀୟଚ୍ଛ ପୃଥିବୀଂ ଦୃର୍ଠଂହ ପୃଥିବୀମ୍ ମାହିର୍ଠଂସୀଃ ॥
ଇତି ଭୂମିସ୍ପର୍ଶଃ।
ଓଁ ମାନସ୍ତୋକେ ତନୟେ ମାନ ଆୟୁଷିମାନୋ ଗୋଷୁମାନୋ ଅଶ୍ୱେଷେରୀରିଷଃ
ମାନୋ ବୀରାନ୍ ରୁଦ୍ର ଭାମିନୋ ବଧୀର୍ହବିଷ୍ମନ୍ତଃ ସଦାମିତ୍ୱାହବାମହେ ॥
ଇତି ଗୋମୟସ୍ପର୍ଶଃ।
ଓଁ ଧାନ୍ୟମସି ଧିନୁହି ଦେବାନ୍ପ୍ରାଣୟତ୍ୱୋଦାନାୟତ୍ୱା
ବ୍ୟାନାୟତ୍ୱା ଦିର୍ଘାମନୁପ୍ରସିତି ମାୟୁଷେ ଧାନ୍ଦେବୋ ବଃ ସବିତା
ହିରଣ୍ୟପାଣିଃ ପ୍ରତିଗୃଭ୍ଣ ତ୍ୱଚ୍ଛିଦ୍ରେଣ ପାଣିନା ଚକ୍ଷୁଷେତ୍ୱା
ମହୀନାଂ ପୟୋସି॥
ଇତି ଧାନ୍ୟ ସ୍ପର୍ଶଃ।
ଓଁ ଆଜିଘ୍ରକଲଶଂ ମହ୍ୟାତ୍ୱାବିଶନ୍ତ୍ୱିନ୍ଦବଃ ପୁନରୂର୍ଜାନିବର୍ତ୍ତସ୍ୱସାନଃ
ସହସ୍ରଂ ଧୁକ୍ଷ୍ୱୋରୁଧାରା ପୟସ୍ୱତୀ ପୁନର୍ମା ବିହତାନ୍ଦ୍ରୟିଃ ॥
ଇତି କଲଶସ୍ପର୍ଶଃ
ଓଁ ବରୁଣସ୍ୟୋତ୍ତମ୍ଭନମସି ବ୍ୱରୁଣସ୍ୟକମ୍ଭ ସର୍ଜନୀଥୋ ବରୁଣସ୍ୟ ଋତସଦନ୍ୟସି ବରୁଣସ୍ୟ
ଋତ ସଦନମସି ବରୁଣସ୍ୟ ଋତ ସଦନମସି ବରୁଣସ୍ୟ୍ ଋତସଦନମାସୀତ୍ ॥
ଓଁ ଯାଃ ଫଲିନୀର୍ୟା ଅଫଲା ଅପୁଷ୍ପାୟାଶ୍ଚ ପୁଷ୍ପିଣୀଃ
ବୃହସ୍ପତିପ୍ରସୂତାସ୍ତାନୋ ମୁଞ୍ଚତ୍ୱର୍ଠଂହସଃ ॥
ଇତି ଫଲଂ ।
ଓଁ କାଣ୍ଡାତ୍କାଣ୍ଡାତ୍ପ୍ରରୋହନ୍ତି ପରୁଷଃ ପରଷସ୍ପରି ଏବାନୋ ଦୁର୍ୱେ ପ୍ରତନୁ ସହସ୍ରେଣ ଶତେନ ଚ ॥
ଇତି ଦୂର୍ୱା
ଓଁ ପବିତ୍ରେସ୍ଥୋ ବୈଷ୍ଣବ୍ୟୌ ସବିତୁର୍ୱଃ ପ୍ରସବ ଉତ୍ପୁନାମ୍ୟଚ୍ଛିଦ୍ରେଣ ପବିତ୍ରେଣ ସୂର୍ୟ୍ୟସ୍ୟ ରଶ୍ମିଭିଃ
ତସ୍ୟତେ ପବିତ୍ରାପତେ ପବିତ୍ର ପୂତସ୍ୟ ଯତ୍କାମଃ ପୁନେତଚ୍ଛକେୟମ୍ ॥
ଓଁ ହିରଣ୍ୟଗର୍ଭଃ ସମବର୍ତ୍ତତାଗ୍ରେ ଭୂତସ୍ୟ ଜାତଃ ପତିରେକ।ଆସୀତ୍ ସଦାଧାର
ପୃଥିବୀଂ ଦ୍ୟାମୁତେ ମାଂ କସ୍ମୈ ଦେବାୟ ହବିଷା ବ୍ୱିଧେମ॥
ଇତି ହିରଣ୍ୟଦକ୍ଷିଣାମ୍ ॥
ଓଁ ଅମ୍ବେଽମ୍ବିକେଽମ୍ବାଲିକେଽନମାନୟତିକଶ୍ଚ ନସସସ୍ତ୍ୟଶ୍ୱକଃ ସୁଭଦ୍ରିକାଙ୍କାମ୍ପିଲବାସିନୀମ୍ ॥
ଇତ୍ୟାମ୍ରାଦି ପଲ୍ଲବାନ୍
ଓଁ ପୂର୍ଣାଦବି ପରାପତ ସୁପୁର୍ଣା ପୁନରାପତ ବସ୍ନେବ ବିକ୍ରୀଣା ବହା ଇଷମୂର୍ଜଂ ଶତକ୍ରତୋଃ ॥
ଇତି ପୂର୍ଣପାତ୍ରମ୍ ପୁର୍ଣପାତ୍ରାୟ ଧାନ୍ୟମସି ପଠିତ୍ୱା ନାରିକେଲଂ ଶ୍ରୀଶ୍ଚତେ ପଠିତ୍ୱା ।
ଶ୍ରୀଶ୍ଚତେ ଲକ୍ଷ୍ମୀଶ୍ଚ ପତ୍ନ୍ୟା ବହୋ ରାତ୍ରେ ପାର୍ଶ୍ୱେ ନକ୍ଷତ୍ରାଣି ରୂପମଶ୍ୱିନୌ ବ୍ୟାତ୍ତମ୍
ଇଷ୍ଣନ୍ନିଷାଣାମୁମ୍ମ ଇଷାଣସର୍ୱଲୋକମ୍ମ ଇଷାଣ ॥
ଇତି ବସ୍ତ୍ରମ୍
ଓଁ ଅଗ୍ନିର୍ଜ୍ୟୋତିର୍ଜ୍ୟୋତିରଗ୍ନିଃ ସ୍ୱାହା ସୂର୍ୟୋ ଜ୍ୟୋତିର୍ଜ୍ୟୋତିଃ ସୂର୍ୟଃ ସ୍ୱାହା
ଅଗ୍ନିବର୍ଚୋ ଜ୍ୟୋତିବର୍ଚଃ ସ୍ୱାହା ସୂର୍ୟୋବର୍ଚୋ ଜ୍ୟୋତିବର୍ଚଃ ସ୍ୱାହା
ଜ୍ୟୋତିଃ ସୂର୍ୟ୍ୟ ସୂର୍ୟୋ ଜ୍ୟୋତିଃ ସ୍ୱାହା ॥
ଇତି ଦୀପମ୍
ଓଁ ଦଧିକ୍କ୍ରାବ୍ଣୋଽ ଅକାରିଷଞ୍ଜିଷ୍ଣୋରଶ୍ୱସ୍ୟ ବ୍ୱ୍ୟାଜିନଃ ।
ସୁରଭିନୋ ମୁଖାକର୍ତ୍ପ୍ରଣ ଆୟୁଁଷିତାରିଷତ୍ ॥
ଇତି ସଦଧି ଜଲମ୍
ଆକୃଷ୍ଣେତି ମନ୍ତ୍ରେଣ ବସ୍ତ୍ରସମର୍ପଣମ୍
ଓଁ ମନୋ ଜୁତିର୍ଜୁଷତାମାଜ୍ୟସ୍ୟ ବୃହସ୍ପତିର୍ୟଜ୍ଞମିମନ୍ତନୋତ୍ୱରିଷ୍ଟଁ ଯଜ୍ଞଂ ସମିମନ୍ଦଧାତୁ।
ବିଶ୍ୱେଦେବା ସ ଇହ ମାଦୟନ୍ତାମୋମ୍ପ୍ରତିଷ୍ଠ ॥
ଓଁ ଗନ୍ଧଦ୍ୱାରାଂ ଦୁରାଧର୍ଷାଂ ନିତ୍ୟପୁଷ୍ଟାଂ କରୀଷିଣୀମ୍ ।
ଈଶ୍ୱରୀଂ ସର୍ୱଭୂତାନାନ୍ତାମିହୋପହ୍ୱୟେ ଶ୍ରିୟମ୍ ।
ଇତି ଚନ୍ଦନମ୍
ତତଃ କଲଶାବାହନଂ ପଠେତ୍
ସର୍ୱେ ସମୁଦ୍ରାଃ ସରିତସ୍ତୀର୍ଥାନି ଜଲଦାନଦାଃ।
ଆୟାନ୍ତୁଦେବପୁଜର୍ଥଂ ଦୁରିତକ୍ଷୟକାରକାଃ
କଲଶସ୍ୟ ମୁଖେ ବିଷ୍ଣୁଃ କଣ୍ଠେ ରୁଦ୍ରଃ ସମାଶ୍ରିତଃ ।
ମୂଲେ ତ୍ୱସ୍ୟ ସ୍ଥିତୋ ବ୍ରହ୍ମା ମଧ୍ୟେ ମାତୃଗଣାଃ ସ୍ମୃତାଃ ॥
କୁକ୍ଷୌ ତୁ ସାଗରାଃ ସର୍ୱେ ସପ୍ତଦ୍ୱୀପା ବସୁନ୍ଧରା ।
ଋଗ୍ୱେଦୋଽଥ ଯଜୁର୍ୱେଦଃ ସାମବେଦୋ ହ୍ୟଥର୍ୱଣଃ ।
ଅଙ୍ଗୈଶ୍ଚ ସହିତାଃ ସର୍ୱେ କଲଶନ୍ତୁ ସମାଶ୍ରିତାଃ ॥
ଓଁ ମନୋ ଜୁତିର୍ଜୁଷତାମାଜ୍ୟସ୍ୟ ବୃହସ୍ପତିର୍ୟଜ୍ଞମିମନ୍ତନୋତ୍ୱରିଷ୍ଟଁ ଯଜ୍ଞଂ ସମିମନ୍ଦଧାତୁ।
ବିଶ୍ୱେଦେବା ସ ଇହ ମାଦୟନ୍ତାମୋମ୍ପ୍ରତିଷ୍ଠ ॥ ଇତି॥
ତତଃ କଲଶ-ପୂଜା ।
ଇଦଂ ପାଦ୍ୟଂ ଇଦଂ ଅର୍ଘ୍ୟଂ ଇଦଂ ସ୍ନାନୀୟଂ ଜଲଂ ବ୍ରହ୍ମଣେ ନମଃ ॥
ଅନ୍ନପୂର୍ଣାୟୈ ନମଃ ।
ଲକ୍ଷ୍ମ୍ୟୈ ନମଃ ।
ଗାୟତ୍ର୍ୟୈ ନମଃ ।
ସର୍ୱତୀର୍ଥେଭ୍ୟୋ ନମଃ ।
ସର୍ୱକ୍ଷେତ୍ରେଭ୍ୟୋ ନମଃ ॥
ଏବମେବ ଗନ୍ଧାକ୍ଷତ-ପୁଷ୍ପ କୁଙ୍କୁମାଦି ଦ୍ରବ୍ୟୈଃ ସମ୍ପୂଜ୍ୟ
ବଦ୍ଧାଞ୍ଜଲିଃ ପ୍ରାର୍ଥୟେତ୍ ।
କଲଶାଧିଷ୍ଠାତୃଦେବତା ପୂଜିତାଃ ପ୍ରସନ୍ନୋ ଭବତ
ସତଃ କଲଶପୁରୋ ଭାଗେ କସ୍ମିଂଶ୍ଚିତ୍ପାତ୍ରେ ପଞ୍ଚଦେବପୂଜାମାରଭେତ୍
ତତ୍ରାଦୌ ପୁଷ୍ପାଞ୍ଜଲିଂ କୃତ୍ୱା ଧ୍ୟାୟେତ୍।
ଓଁ ସର୍ୱସ୍ଥୂଲତନୁଂ ଗଜେନ୍ଦ୍ରବଦନଂ ଲମ୍ବୋଦରଂ ସୁନ୍ଦରଂ
ପ୍ରସ୍ପନ୍ଦଂ ମଦଗନ୍ଧଲୁବ୍ଧମଧୁପବ୍ୟାଲୋଲଗଣ୍ଡସ୍ଥଲମ୍ ।
ଦନ୍ତାଘାତବିଦାରିତାରିରୁଧିରୈଃ ସିନ୍ଦୂରଶୋଭାକରଂ
ବନ୍ଦେ ଶୈଲସୁତାସୁତଂ ଗଣପତିଂ ସିଧିପ୍ରଦଂ କାମଦଂ ।
ଓଁ ଭଗବନ୍ ଗଣେଶ ସ୍ୱଗଣସଂୟୁତ ଇହାଗଚ୍ଛ ଇହ
ତିଷ୍ଠ ଏତାଂ ପୂଜାଂ ଗୃହାଣ୍ ।
ଇତ୍ୟାବହ୍ୟ ଇଦଂ ପାଦ୍ୟଂ ଇଦମର୍ଘ୍ୟଂ ଇଦଂ ସ୍ନାନୀୟମାଚନିୟଞ୍ଚ
ଜଲଂ ସମର୍ପୟାମି।
ତତଃ ସାୟୁଧାୟ ସବାହନାୟ ସପରିବାରାୟ ଓଁ ଭଗବତେ ଗଣେଶାୟ ନମଃ ।
ଇଦଂ ଚନ୍ଦନମିଦଂ ସିନ୍ଦୂରମେତାନକ୍ଷତାଂଶ୍ଚ ସମର୍ପୟାମି ସାୟୁଧାୟ
ସବାହନାୟ ସପରିବାରାୟ ଓଁ ଭଗବତେ ଗଣେଶାୟ ନମଃ ।
ଇଦଂ ପୁଷ୍ପଂ
ଦୁର୍ୱାଦଲଂ ଧୂପଂ ଦୀପଞ୍ଚ ସମର୍ପୟାମି ସାୟୁଧାୟ ସବାହନାୟ
ସପରିବାରାୟ ଓଁ ଭଗବତେ ଗଣେଶାୟ ନମଃ ।
ଇଦଂ ନୈବେଦ୍ୟଂ ପୁନରାଚମନୀୟଂ
ଜଲଂ ତାମ୍ବୂଲଂ ପୂଗିଫଲଂ ଦକ୍ଷିଣାଦ୍ରବ୍ୟଞ୍ଚ ସମର୍ପୟାମି ସାୟୁଧାୟ
ସବାହନାୟ ସପରିବାରାୟ ଓଁ ଭଗବତେ ଗଣେଶାୟ ନମଃ ।
ଏବଂ ସମସ୍ତଦେବପୂଜନଂ କାର୍ୟମ୍
ତତୋ ଶ୍ରଧାଞ୍ଜଲିଃ
ଓଁ ଦେବେନ୍ଦ୍ର ମୌଲିମନ୍ଦାରମକରନ୍ଦକଣାରୁଣାଃ ।
ବିଘ୍ନଂ ହରନ୍ତୁ ହେରମ୍ବ ଚରଣାମ୍ବୁଜରେଣବଃ ।
ଭଗବାନ୍ ଗଣେଶଃ ସମ୍ପୂଜିତଃ ପ୍ରସନ୍ନୋ ଭବତୁ ।
ଇତି ପ୍ରଣମେତ୍ ।
ପୁନଃ ପୁଷ୍ପଂ ଗୃହୀତ୍ୱା ।
ଓଁ ରକ୍ତାବ୍ଜୟୁଗ୍ମାମୟଦାନହସ୍ତଂ କେୟୂର ହାରାଙ୍ଗଦ
କୁଣ୍ଡଲାଢ୍ୟମ୍ ।
ମାଣିକ୍ୟମୌଲିଂ ଦିନନାଥମୋଢ୍ୟଂ ବନ୍ଧୁକକାନ୍ତିଂ
ବିଲସତ୍ ତ୍ରିନେତ୍ରମ୍ ।
ଇତି ଧ୍ୟାତ୍ୱା
ଭଗବାନ୍ ସୂର୍ୟନାରାୟଣ ଇହାଗଚ୍ଛ ଇହ ତିଷ୍ଠ
ମତ୍ଖ଼ୃତା ପୂଜାଂ ଗୃହାଣ
ଇତ୍ୟାବାହ୍ୟ ।
ପୂର୍ୱତ୍ପୂଜୂପକରଣାନି ସମର୍ପ୍ୟଂ
ଓଁ ନମସ୍ସବିତ୍ରେ ଜଗଦେକଚକ୍ଷୁଷେ ଜଗତ୍ପ୍ରସୂତିସ୍ଥିତିନାଶହେତବେ ।
ତ୍ରୟିମୟାୟ ତ୍ରିଗୁଣାତ୍ମଧାରିଣେ ବିରଞ୍ଚିନାରାୟଣ ଶଙ୍କରାତ୍ମନେ ॥
ଇତି ପ୍ରଣମେତ୍
ପୁନଃ ପୁଷ୍ପମାଦାୟ ।
ଓଁ ଶାନ୍ତାକାରଂ ଭୁଜଗଶୟନଂ ପଦ୍ମନାଭଂ ସୁରେଶଂ
ବିଶ୍ୱାଧାରଂ ଗଗନସଦୃଶଂ ମେଘବର୍ଣଂ ଶୁଭାଙ୍ଗମ୍ ।
ଲକ୍ଷ୍ମୀକାନ୍ତଂ କମଲନୟନଂ ଯୋଗିଭିର୍ଧ୍ୟାନଗମ୍ୟଂ ବନ୍ଦେ
ବିଷ୍ଣୁଂ ଭବଭୟହରଂ ସର୍ୱଲୋକୈକନାଥମ୍ ।
ଇତି ଧ୍ୟାତ୍ୱା
ଭଗବନ୍ ବିଷ୍ଣୋ ଇହାଗଚ୍ଛ ଇହ ତିଷ୍ଠ ମତ୍କୃତାଂ ପୂଜାଂ ଗୃହାଣ
ଇତ୍ୟାବାହନାଦି ପୂର୍ୱବତ୍ ଓଁ ବିଷ୍ଣବେ ନମଃ ଓଁ ନାରାୟଣାୟ ନମଃ ।
ଇତି ପୂଜୋପକାରଣାନି ସମର୍ପ୍ୟ
ଓଁ କୃଷ୍ଣାୟ ବାସୁଦେବାୟ ହରୟେ ପରମାତ୍ମନେ
ପ୍ରଣତକ୍ଲେଶନାଶାୟ ଗୋବିନ୍ଦାୟ ନମୋଃ ନମଃ ।
ଇତି ପ୍ରଣମେତ୍ ।
ପୁନଃ ପୁଷ୍ପମାଦୟ ।
ଓଁ ଧ୍ୟାୟେନ୍ନିତ୍ୟଂ ମହେଶଂ ରଜତଗିରିନିଭଂ ଚାରୁଚନ୍ଦ୍ରାବତଂସଂ
ରତ୍ନାକଲ୍ପୋଜ୍ଜ୍ୱଲାଙ୍ଗଂ ପରଶୁମୃଗବରାଭିତିହସ୍ତଂ ପ୍ରସନ୍ନମ୍ ।
ପଦ୍ମାସୀନଂ ସମନ୍ତାତ୍ସ୍ତୁତମମରଗଣୈର୍ୱ୍ୟାଘ୍ରକୃତି ବସାନଂ ବିଶ୍ୱାଦ୍ୟଂ
ବିଶ୍ୱବନ୍ଦ୍ୟଂ ନିଖିଲଭୟହରଂ ପଞ୍ଚବକ୍ତ୍ରଂ ତ୍ରିନେତ୍ରମ୍ ॥
ଇତି ଧ୍ୟାତ୍ୱା
ଭଗବନ୍ ମହାଦେବ ଇହାଗଚ୍ଛ ଇହ ତିଷ୍ଠ ମତ୍କୃତା ପୂଜାଂ ଗୃହାଣ ।
ଇତ୍ୟାବାହ୍ୟ ସମ୍ପୂଜ୍ୟ
ଓଁ ବାଣେଶ୍ୱରାୟ ନରକାର୍ଣାବତାରନାୟ ଜ୍ଞାନପ୍ରଦାୟ କରୁଣାମୟସାଗରାୟ ।
କର୍ପୂରକୁନ୍ଦଧବଲେନ୍ଦୁଜଟାଧରାୟ ଦାରିଦ୍ର୍ୟଦୁଃଖଦହନାୟ ନମଃ ଶିବାୟ ॥
ଇତି ପ୍ରଣମେତ୍
ପୁନଃ ପୁଷ୍ପମାଦୟ
ଓଁ କାଲାଭ୍ରାଭାଂ କାଟାକ୍ଷୈରରିକୁଲଭୟଦାଂ ମୌଲିବଦ୍ଧେନ୍ଦୁରେଖାଂ ଶଙ୍ଖଂ ଚକ୍ରଂ
କୃପାଣଂ ତ୍ରିଶିଖମପି କରୈରୁଦ୍ୱହନ୍ତୀଂ ତ୍ରିନେତ୍ରାଂ ।
ସିଂହସ୍କନ୍ଧାଧିରୂଢାଂ ତ୍ରିଭୁବନମଖିଲଂ ତେଜସା ପୂରୟନ୍ତୀଂ ଧ୍ୟାୟେ ଦୁର୍ଗାଂ ଜୟାଖ୍ୟାଂ
ତ୍ରିଦଶଃ ପରିବୃତାଂ ସେବିତାଂ ସିଧିକାମୈଃ ।
ଇତି ଧ୍ୟାତ୍ୱା
ଓଁ ଭଗବତି ଦୁର୍ଗେ ସ୍ୱଗଣସଂୟୁତେ ଇହାଗଚ୍ଛ ଇହା ତିଷ୍ଠ ମତ୍କୃତାଂ ପୂଜାଂ
ଗୃହାଣ-ଇତ୍ୟାବାହ୍ୟ ସାୟୁଧାୟୈ ସବାହନାୟୈ ସପରିବାରାୟୈ ଓଁ ଭଗବତ୍ୟୈ
ଦୁର୍ଗାୟୈ ନମଃ ।
ଇତି ପୁଜୋପକରଣାନି ସମର୍ପ୍ୟ
ଓଁ ସର୍ୱମଙ୍ଗଲମାଙ୍ଗଲ୍ୟେ ଶିବେ ସର୍ୱାର୍ଥସାଧିକେ ।
ଶରଣ୍ୟେ ତ୍ର୍ୟମ୍ବକେ ଗୌରି ନାରାୟଣି ନମୋଽସ୍ତୁତେ।
ଇତି ପ୍ରଣମେତ୍
ପୁନଃ ପୁଷ୍ପମାଦାୟ
ଓଁ ଆକୃଷ୍ଣେନ ରଜସାବର୍ତମାନୋ ନିବେଶୟନ୍ନମୃତଂ ମର୍ତ୍ୟଂ ଚ
ହିରଣ୍ୟେନ ସବିତା ରଥେନା ଦେବୋ ଯାତି ଭୁବନାନି ପଶ୍ୟନ୍ ।
ଓଁ ଭଗବନ୍ତଃ ସୂର୍ୟାଦୟୋ ନବଗ୍ରହେନ୍ଦ୍ରାଦିଲୋକପାଲାଃ ଗ୍ରାମଦେବତାଃ
କୁଲଦେବତା ସର୍ୱଦେବ୍ୟଶ୍ଚ ଇହାଗଚ୍ଛତ ଅତ୍ର ତିଷ୍ଟତ ମତ୍କୃତାଂ ପୂଜାଂ ଗୃହୀତ
ଇତ୍ୟାବାହ୍ୟ
ଇଦଂ ପାଦ୍ୟଂ ଇଦମର୍ଘ୍ୟମ୍ ।
ଇଦଂ ସ୍ନାନୀୟମିଦଂ ପୁନରାଚମନୀୟଂ ଜଲଂ ଚ ସମର୍ପୟାମି ।
ଇଦଂ ଚନ୍ଦନଂ ଏତାନକ୍ଷତାଂଶ୍ଚ ସମର୍ପୟାମି ।
ଏତାଣି ପୁଷ୍ପାଣି ବିଲ୍ୱପତ୍ରାଣି ଧୂପଂ
ଦୀପଂ ନୈବେଦ୍ୟଂ ପୁନରାଚମନୀୟଂ ଜଲଂ ଚ ସମର୍ପୟାମି ।
ଓଁ ସୂର୍ୟାଦି ନବଗ୍ରହେଭ୍ୟୋ ନମଃ ।
ଓଁ ଇନ୍ଦ୍ରାଦି ଲୋକପାଲେଭ୍ୟୋ ନମଃ ।
ଓଁ ଗ୍ରାମଦେବେଭ୍ୟୋ ନମଃ ।
ଓଁ କୁଲଦେବେଭ୍ୟୋ ନମଃ ।
ଓଁ ଇଷ୍ଟଦେବେଭ୍ୟୋ ନମଃ ।
ସର୍ୱେଭ୍ୟୋଃ ଦେବେଭ୍ୟସ୍ତଥା ଚ ସର୍ୱାଭ୍ୟୋ ଦେବେଭ୍ୟୋ ନମୋଃ ନମଃ -
ଇତି ପୂଜୋପକରଣାନି ସମର୍ପ୍ୟଂ
ଓଁ ସର୍ୱେ ଦେବାସ୍ସର୍ୱା ଦେବ୍ୟଶ୍ଚ ପୂଜିତାଃ ପ୍ରସନ୍ନ ଭବତ ।
ଶିବସ୍ୟ ଗଣପତେର୍ୱିଷ୍ଣୋର୍ସୂର୍ୟସ୍ୟ ଦୁର୍ଗାୟା ବା ପ୍ରଧାନଦେବତାୟାଃ ପୂର୍ୱୋକ୍ତ-ଧ୍ୟାନବାକ୍ୟେନ
ଧ୍ୟାନଂ ଧୃତ୍ୱା ପୂର୍ୱତ୍ ଆବାହ୍ୟ ପୂଜୋପକରଣାନି ସମର୍ପ୍ୟ ।
ଓଁ କର୍ପୂରବର୍ତିସଂୟୁକ୍ତଂ ଗୋଘୃତେନ ଚ ପୂରିତମ୍ ।
ନୀରାଜନଂ ମୟା ଦତ୍ତଂ ଗୃହାଣ ପରମେଶ୍ୱର ॥
ଇତି ନୀରାଜନଂ ନିବେଦ୍ୟ
ଓଁ ଅଜ୍ଞାନାଦ୍ୱିସ୍ମୃତେର୍ଭ୍ରାନ୍ତ୍ୟା ଯନ୍ନ୍ୟୂନମଧିକଂ କୃତମ୍ ।
ବିପରୀତଞ୍ଚ ତତ୍ସର୍ୱଂ କ୍ଷମସ୍ୱ ପରମେଶ୍ୱର ॥
ଆବାହନଂ ନ ଜାନାମି ନ ଜାନାମି ବିସର୍ଜନମ୍ ।
ପୂଜାଞ୍ଚୈବ ନ ଜାନାମି କ୍ଷମ୍ୟତାଂ ପରମେଶ୍ୱର ॥
ଓଁ ଅପରାଧସହସ୍ରାଣି କ୍ରିୟନ୍ତେ ଽହନିଶଂ ମୟା ।
ଦାସୋଽୟମିତି ମାଂ ଜ୍ଞାତ୍ୱା କ୍ଷମସ୍ୱ ଜଗଦୀଶ୍ୱର ॥
ଇତ୍ୟପରାଧମାର୍ଜନଂ ତ୍ରିପୁଷ୍ପାଞ୍ଜଲିର୍ନିବେଦ୍ୟ ଶଙ୍ଖଘଣ୍ଟାବାଦନୈର୍ଦେବାଦିକଂ ସ୍ତୁତ୍ୱା ପ୍ରଣମ୍ୟ।
ଓଁ ଯାନ୍ତୁ ଦେବଗଣାସ୍ସର୍ୱେ ପୂଜାମାଦାୟ ମାମକୀମ୍ ।
ପୂଜାରାଧନକାଲେଷୁ ପୁନରାଗମନାୟ ଚ ॥
ଓଁ ଗଚ୍ଛ୍ ଗଚ୍ଛ୍ ପରଂ ସ୍ଥାନଂ ସ୍ୱଂ ଧାମ ପରମେଶ୍ୱର ।
ଆବାହନସ୍ୟ ସମୟେ ଯଥା ସ୍ୟାତ୍ପୁନରାଗମଃ ॥
ଇତି ସଂହାର ମୁଦ୍ରୟା ବିସର୍ଜନଂ କୃତ୍ୱା ।
ଓଁ କୃତୈତଦମୁକଦେବତାପୂଜନକର୍ମଣଃ ସାଙ୍ଗତାସିଦ୍ଧ୍ୟର୍ଥଂ ବ୍ରାହ୍ମଣାୟ ଦକ୍ଷିଣାଂ ସମ୍ପ୍ରଦଦେ ।
ଇତି ପଞ୍ଚଦେବତା ପୂଜା ପଦ୍ଧତି ।
.
Comments
Post a Comment