ଅନ୍ନପୂର୍ଣାସ୍ତବଃ

 ଅନ୍ନପୂର୍ଣାସ୍ତବଃ 

ବିଶ୍ୱେଶ୍ୱରୀଂ ବରେଣ୍ୟାଂ ବିଶ୍ୱାଶ୍ରୟଣୀଂ ବିଶିଷ୍ଟଫଲଦାତ୍ରୀମ୍ ।

ସ୍ତୋଷ୍ୟାମି ବାଞ୍ଛିତାପ୍ତ୍ୟୈ ସ୍ତୋତ୍ରୈରନ୍ନାଧିନାୟିକାମମ୍ବାମ୍ ॥ ୧॥

କାଞ୍ଚନରତ୍ନବିଚିତ୍ରାଂ ଦବୀଂ ଦଧତୀଂ ତଥାନ୍ନପାତ୍ରଂ ଚ ।

କଷ୍ଟଦରିଦ୍ରାର୍ତିହରାମମ୍ବାଂ ପ୍ରଣତୋଽସ୍ମି ସମ୍ପଦାଂ ବୃଦ୍ଧ୍ୟୈ ॥ ୨॥

ସର୍ୱାଭିଲାଷପୂରଣକଲ୍ପକଲତିକାନ୍ନପୂର୍ଣାଖ୍ୟା ।

ଦାରିଦ୍ର୍ୟଦୋଷମୁଗ୍ରଂ ଶମୟତୁ ସକଲାର୍ଥବୃଦ୍ଧିଦାନେନ ॥ ୩॥

ଅନ୍ନାଧିନାୟିକାୟାଃ କୃପାଘନା ଦୁଃଖଧର୍ମପରିତପ୍ତେ ।

ମୟି ଦାରିଦ୍ର୍ୟଋଣଘ୍ନ୍ୟା ବର୍ଷତୁ ଧନଧାନ୍ୟଧାରୟା ସୁଚିରମ୍ ॥ ୪॥

ବେଦାଦିର୍ଭୁବନାହୃଦ୍ଭଗବତି ମାହେଶ୍ୱରୀତି ଚାନ୍ନାନ୍ତେ ।

ପୂର୍ଣେଽଗ୍ନିବଲ୍ଲଭା ସ୍ୟାଦୁକ୍ତୋଽୟଂ ମନୁରଶେଷଫଲଦାୟୀ ॥ ୫॥

ଗୁରୁକାରୁଣ୍ୟାଲ୍ଲବ୍ଧଂ ମନ୍ତ୍ରମିଦଂ ଦିନମୁଖେଷୁ ଭକ୍ତଧିୟା ।

ଯୋ ଜପତି ତସ୍ୟ ସିଦ୍ଧିର୍ନ ଦୁର୍ଲଭା ଜାୟତେ ଚ ତାପଘ୍ନୀ ॥ ୬॥

ତବ ପାଦକମଲସେବାହୃତଚିତ୍ତଃ ସାଧକଃ ସମାହିତଧୀଃ ।

ତରତି ମହାଭବଦୁର୍ଗଂ ବିଶ୍ରୁତକୀର୍ତିପ୍ରଭାବସୌଭାଗ୍ୟଃ ॥ ୭॥

ତ୍ୱଜପପୂଜାଧ୍ୟାନପ୍ରଭେଦପରିନିଷ୍ଠିତାତ୍ମଧୀର୍ମନୁଜଃ ।

ନିଃସ୍ଖୋଽପ୍ୟକିଞ୍ଚନୋଽପି ତ୍ରିଭୁବନବିଖ୍ୟାତକୀର୍ତିରାଶିଃ ସ୍ୟାତ୍ ॥ ୮॥

ନିଧିବୃନ୍ଦମଧ୍ୟଗାଂ ତ୍ୱାଂ ଧ୍ୟାତ୍ୱା ମନ୍ତ୍ରଂ ଯଦା ନରୋ ଜପତି ।

ଦେବି ତଦାସ୍ୟ ନିବାସଂ ବିଶନ୍ତି ବିବିଧାର୍ଥପୂରିତା ନିଧୟଃ ॥ ୯॥

ଦିବ୍ୟାନ୍ନପୂର୍ଣପାତ୍ରଂ ଦବୀଂ ଚ କରଦ୍ୱୟେନ ବିଭ୍ରାଣାମ୍ ।

ଧ୍ୟାତ୍ୱା ଯଦି ଜପତି ତ୍ୱାଂ ପ୍ରପୂର୍ୟତେ ତସ୍ୟ ବେଶ୍ମ ଧାନ୍ୟୌଘୈଃ ॥ ୧୦॥

ଯସ୍ମିନ୍ ବସତି ମନୁଷ୍ୟସ୍ତବ ମନ୍ତ୍ରବିଶେଷଜାପକୋ ଦେଶେ ।

ତତ୍ର ନ ଦୀନା ବାଣୀ ପ୍ରବର୍ତତେ ଦେବି ``ନାସ୍ତି ନାସ୍ତୀ'' ତି ॥ ୧୧॥

ଅନ୍ନାଦ୍ରିମଧ୍ୟବିସ୍ଫୁରଦମ୍ବୁଜମଧ୍ୟେ ତ୍ରିମଣ୍ଡଲାନ୍ତଃସ୍ଥାମ୍ ।

ଧ୍ୟାୟେଦ୍ୟୋ ଦାରିଦ୍ର୍ୟାଦ୍ୱିମୁଚ୍ୟତେ ସାଧକଃ ସ ଏବାଶୁ ॥ ୧୨॥

ଇନ୍ଦ୍ରାଗ୍ନିସୋମଭାସ୍କରବରୁଣାନିଲଘନଦତାର୍କ୍ଷ୍ୟକନ୍ଦର୍ପାଃ ।

ବିଷ୍ଣୁବିରିଶ୍ଚପ୍ରମୁଖା ଦେବାସ୍ତ୍ୱଦ୍ଧ୍ୟାନସମ୍ପଦା ପ୍ରଥିତାଃ ॥ ୧୩॥

ଯୁଷ୍ମଦପାଙ୍ଗଘନୋଽୟଂ ପ୍ରଶମିତବହୁଦୁଃଖଧର୍ମତାପୌଘଃ ।

ଧାରାସାରବନୌଘଂ ବର୍ଷତୁ ମୟି ଦେବି ସର୍ୱଦା କୃପୟା ॥ ୧୪॥

ତତ୍ର ପାଣିବଲ୍ଲବସ୍ଥା ଦର୍ୱୀ ଦିବ୍ୟାନ୍ନପୂରିତା ଦେବି ।

ଦାରିଦ୍ର୍ୟଦୋଷମୁଗ୍ରଂ ଶମୟତୁ ମମ ସମ୍ପଦାଂ ବୃଦ୍ଧୟୈ ॥ ୧୫॥

ବୀକ୍ଷସ୍ୱ ମାମନେକାମୟଦୁରିତଦୁରନ୍ତଦୁଃଖପରିତପ୍ତମ୍ । (ପରିତପ୍ତାମ୍)

ମାତର୍ୱିଭୂତିମୟ୍ୟା ଦିବ୍ୟାମୃତସାରଧାରୟା ଦୃଷ୍ଟୟା ॥ ୧୬॥

ଅଭିନବଭାସ୍କରକୋଟିପ୍ରଭାସମୁଦ୍ଭାସିତଂ ହି ତେ ରୂପମ୍ ।

ହୃଦୟାମ୍ବୁଜମଧ୍ୟଗତଂ ଦେବି ସମାଧୌ ଭଜନ୍ତି ଯୋଗୀନ୍ଦ୍ରାଃ ॥ ୧୭॥

ଆଦୌ ସୃଜସି ଚ ବିଶ୍ୱଂ ପ୍ରପାସି ସଚରାଚରଂ ଜଗଦ୍ ଭୃୟଃ ।

ସଂହରସି ଲୋକମନ୍ତେ ଗୁଣତ୍ରୟେ ସା ତ୍ୱମେବ ଦେବ୍ୟେକା ॥ ୧୮॥

ମାୟୋଦଧିରୟମମ୍ବ ବିଷୟଗ୍ରାହୋର୍ମିନ୍ଦାରୁଣୋ ଭବତି ।

ତ୍ୱତ୍ତାପବାଡବାଗ୍ନୌ ସୋଽପି ଚ ବିଲୟଂ ପ୍ରୟାତି ତଚ୍ଚିତ୍ରମ୍ ॥ ୧୯॥

ଶ୍ରୀମଦ୍ଗୁରୁପ୍ରସାଦାତ୍ତତ୍ତ୍ୱଂ ତବ ଯୋଽଭିବେତ୍ତି ଲୋକେଽସ୍ମିନ୍ ।

ଦେବି ସ ମନୁଜୋ ଲୋକେ ପାରତ୍ରିକମୈହିକଂ ଶମଭ୍ୟେତି ॥ ୨୦॥

ହୁତଭ୍ରୁଙ୍ମଣ୍ଡଲମଧ୍ୟେ ବିଲସିତରବିବିମ୍ବମଧ୍ୟଗଂ ତ୍ୱମୃତମ୍ ।

ସୋମାତ୍ମକଂ ବିଦିତ୍ୱା ଦେବି ତ୍ୱଦ୍ଭାବନେନ ପୂତଃ ସ୍ୟାତ୍ ॥ ୨୧॥

ଗୁରୁବରପାଦପବିତ୍ରୀକୃତାନ୍ତରାତ୍ମା ପ୍ରତାପୟିତ୍ୱା ତ୍ୱାମ୍ ।

ଦେବି ଚିଦଗ୍ନୌ ଦୀପ୍ତେ ଯୋଗୀ ଯୋଗାମୃତଂ ଜୁହୋତ୍ୟେବ ॥ ୨୨॥

ସକୃଦପି ଯୁଷ୍ମଦ୍ଭକ୍ତୋ ଦିବ୍ୟାମୃତମମ୍ବ ଭାବପାତ୍ରସ୍ଥମ୍ ।

ପିବତି ବିଦିତ୍ୱା ସମ୍ୟଗ୍ ଜୀବନ୍ମୁକ୍ତଃ ସ ବିଜ୍ଞେୟଃ ॥ ୨୩॥

ଯୋଗାମୃତପୂତାତ୍ମା ଯୋଗୀ ବିଜିତେନ୍ଦ୍ରିୟାରିଜିତସଙ୍ଗଃ । (ସଙ୍ଘଃ)

ନହି ଜନନୀଗର୍ଭଗୃହଂ ପ୍ରବିଶତି ଯୋଗେଶି ଯୋଗଭାବିତଧୀଃ ॥ ୨୪॥

ଯୋଗୀ ତ୍ୱୟାହିଧତ୍ତେ ସମ୍ବିତ୍ତିପଦେ ତଦୈବ ପରିତୁଷ୍ଟିମ୍ । (ତ୍ୱୟାଧିଧତ୍ତେ)

ବିଧିହରିରୁଦ୍ରାଦୀନାଂ ଗଣୟତି ନ ପଦାନି ଦେବ୍ୟନିତ୍ୟାନି ॥ ୨୫॥

ଷଟ୍ତ୍ରିଂଶତ୍ତତ୍ତ୍ୱାଖ୍ୟଂ ଶିବାଦିଭୂମ୍ୟନ୍ତମମ୍ବ ବିଶ୍ୱମିଦମ୍ ।

ଯସ୍ୟୋର୍ମିମ୍ବୁଦ୍ବୁଦଃ ସ୍ୟାତ୍ ତତ୍ତେ ସମ୍ବିତ୍ତିମାଶ୍ରୟେ ଧାମ ॥ ୨୬॥

ମୂଲାଧାରନିବାସା ସୂକ୍ଷ୍ମା ସୂର୍ୟାୟୁତୋପମା ଶକ୍ତିଃ ।

ନିର୍ଭିଦ୍ୟ ଷଟ୍ସରୋଜଂ ଯାନ୍ତୀ ଯା ସା ତ୍ୱମେବ ଶମ୍ଭୁପଦମ୍ ॥ ୨୭॥

ଷୋଡଶପତ୍ରସରୋଜାତ୍ ସ୍ରବନ୍ମହାଧାରୟା ସହୋଦ୍ଦୀପ୍ତା ।

ଯାନ୍ତୀ ମୂଲନିବାସଂ ଯା ହି କୁଳା କୁଣ୍ଡଲୀ ତ୍ୱମେବାମ୍ବ ॥ ୨୮॥

ଜିତ୍ୱା ଷଟ୍ ପଞ୍ଚ ପୁନର୍ନିରୁଧ୍ୟ ଦଶକଂ ତଥୈକମବଲମ୍ବ୍ୟ ।

ଦେବି ତବ ରୂପମବ୍ଜେ ହୃଦୟସ୍ଥେ ସଂୟମୀ ସ୍ମରତି ॥ ୨୯॥

ସ୍ଥୂଲଂ ତବାମ୍ବ ରୂପଂ ଯୋଗିମନଃପଦ୍ମକର୍ଣିକାସଂସ୍ଥମ୍ ।

ଯୋଗବିବୃଦ୍ଧ୍ୟୈ ସିଦ୍ଧିଂ ମମ ଦିଶତୁ ସମସ୍ତବାଞ୍ଛିତାବାପ୍ତ୍ୟୈ ॥ ୩୦॥

ସୂକ୍ଷ୍ମଂ ତବାମ୍ବ ରୂପଂ ସକଲଜଗତ୍ରାଣକାରଣୋଦ୍ଭୂତମ୍ ।

ସ୍ତୋଷ୍ୟେ ତଦେବ ଭକ୍ତ୍ୟା ବାଞ୍ଛିତସିଦ୍ଧିପ୍ରଦାନସୁରବୃକ୍ଷମ୍ ॥ ୩୧॥

ଶ୍ରୀଦୁର୍ଗା ବାଗ୍ଦେବୀ ଗିରିଜା ଲିପିମାତୃକା ଚ ମାତଙ୍ଗୀ ।

ତ୍ରିପୁରା ତଥାନ୍ନପୂର୍ଣା ରାଜ୍ୟା ରମା ଚେତି କୀର୍ତିତା ମୁନିଭିଃ ॥ ୩୨॥

ବାଗ୍ଦେବୀଂ ବାଗାପ୍ତ୍ୟୈ ଦୁର୍ଗାଂ ଭୟଶାନ୍ତୟେ ଶ୍ରିୟଂ ଭୂତ୍ୟୈ ।

ଆରାଧୟତି ମନୁଷ୍ୟଃ ପୁରୁଷାର୍ଥଚତୁଷ୍କଲବ୍ଧୟେ ତ୍ରିପୁରାମ ॥ ୩୩॥

ବହୁରୂପଧାରିଣୀଂ ତ୍ୱାଂ ବହୁଧା ପ୍ରବଦନ୍ତି ମାନବା ଲୋକେ ।

ଗୁରୁମନ୍ତ୍ରଦେବତାତ୍ମସ୍ୱରୂପିଣୀଂ ଭାବୟାମ୍ୟହଂ ତ୍ୱେକାମ୍ ॥ ୩୪॥

କଥମମ୍ବ ରୂପମାଦ୍ୟଂ ତବ ରୂପଗୁଣାଧିକଂ ଚ ଚିନ୍ମାତ୍ରମ୍ ।

ଜାନାମି ଦେବି ତସ୍ମାଦ୍ ଦୁରୁକ୍ତମୀଶି କ୍ଷମସ୍ୱ ତତ୍ ସର୍ୱମ୍ ॥ ୩୫॥

ଦାରିଦ୍ଦ୍ର୍ୟଦୁରିତଦୁଃଖପ୍ରଶାନ୍ତୟେ ବ୍ୟାହୃତଂ ମୟା ସ୍ତୋତ୍ରମ୍ ।

ଦେବି ସଦା ତଂ ଜପତାଂ ଭକ୍ତାନାଂ ଭବତୁ କାମଧେନୁରିଦମ୍ ॥ ୩୬॥

ସ୍ତୋତ୍ରେଣ ତ୍ୱଂ ତୁଷ୍ଟା ମୟୋଦିତେନ ପ୍ରଭୂତଧନଧାନ୍ୟୈଃ !

ପୂରୟ ବେଶ୍ମ ମଦୀୟଂ ବିଧେହି ମୟି ସନ୍ନିଧିଂ ପ୍ରପଦ୍ୟେ ତ୍ୱାମ୍ ॥ ୩୭॥

ଇତି ଅନ୍ନପୂର୍ଣାସ୍ତବଃ ସମ୍ପୂର୍ଣଃ ।

.