ଶ୍ରୀଅନ୍ନପୂର୍ଣାସ୍ତୋତ୍ରମ୍ ଅପରନାମ ଅନ୍ନପୂର୍ଣାଷ୍ଟକମ୍

 ଶ୍ରୀଅନ୍ନପୂର୍ଣାସ୍ତୋତ୍ରମ୍ ଅପରନାମ ଅନ୍ନପୂର୍ଣାଷ୍ଟକମ୍ 

ନିତ୍ୟାନନ୍ଦକରୀ ବରାଭୟକରୀ ସୌନ୍ଦର୍ୟରତ୍ନାକରୀ

ନିର୍ଧୂତାଖିଲଘୋରପାବନକରୀ ପ୍ରତ୍ୟକ୍ଷମାହେଶ୍ୱରୀ ।  var  ଘୋରପାପନିକରୀ

ପ୍ରାଲେୟାଚଲବଂଶପାବନକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୧॥

ନାନାରତ୍ନବିଚିତ୍ରଭୂଷଣକରୀ ହେମାମ୍ବରାଡମ୍ବରୀ

ମୁକ୍ତାହାରବିଲମ୍ବମାନ ବିଲସତ୍ ବକ୍ଷୋଜକୁମ୍ଭାନ୍ତରୀ ।

କାଶ୍ମୀରାଗରୁବାସିତା ରୁଚିକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୨॥

ଯୋଗାନନ୍ଦକରୀ ରିପୁକ୍ଷୟକରୀ ଧର୍ମାର୍ଥନିଷ୍ଠାକରୀ

ଚନ୍ଦ୍ରାର୍କାନଲଭାସମାନଲହରୀ ତ୍ରୈଲୋକ୍ୟରକ୍ଷାକରୀ ।

ସର୍ୱୈଶ୍ୱର୍ୟସମସ୍ତବାଞ୍ଛିତକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୩॥

କୈଲାସାଚଲକନ୍ଦରାଲୟକରୀ ଗୌରୀ ଉମା ଶଙ୍କରୀ

କୌମାରୀ ନିଗମାର୍ଥଗୋଚରକରୀ ଓଙ୍କାରବୀଜାକ୍ଷରୀ ।

ମୋକ୍ଷଦ୍ୱାରକପାଟପାଟନକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୪॥

ଦୃଶ୍ୟାଦୃଶ୍ୟ ବିଭୂତିବାହନକରୀ ବ୍ରହ୍ମାଣ୍ଡଭାଣ୍ଡୋଦରୀ

ଲୀଲାନାଟକସୂତ୍ରଭେଦନକରୀ ବିଜ୍ଞାନଦୀପାଙ୍କୁରୀ ।

ଶ୍ରୀବିଶ୍ୱେଶମନଃ ପ୍ରସାଦନକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୫॥

ଉର୍ୱୀ ସର୍ୱଜନେଶ୍ୱରୀ ଭଗବତୀ ମାତାଽନ୍ନପୂର୍ଣେଶ୍ୱରୀ

ବେଣୀନୀଲସମାନକୁନ୍ତଲଧରୀ ନିତ୍ୟାନ୍ନଦାନେଶ୍ୱରୀ ।

ସର୍ୱାନନ୍ଦକରୀ ସଦାଶୁଭକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୬॥

ଆଦିକ୍ଷାନ୍ତସମସ୍ତବର୍ଣନକରୀ ଶମ୍ଭୋସ୍ତ୍ରିଭାବାକରୀ

କାଶ୍ମୀରା ତ୍ରିଜଲେଶ୍ୱରୀ ତ୍ରିଲହରୀ ନିତ୍ୟାଙ୍କୁରା ଶର୍ୱରୀ ।

କାମାକାଙ୍କ୍ଷକରୀ ଜନୋଦୟକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୭॥

ଦେବୀ ସର୍ୱବିଚିତ୍ରରତ୍ନରଚିତା ଦାକ୍ଷାୟଣୀ ସୁନ୍ଦରୀ

ବାମେ ସ୍ୱାଦୁପୟୋଧରା ପ୍ରିୟକରୀ ସୌଭାଗ୍ୟ ମାହେଶ୍ୱରୀ ।

ଭକ୍ତାଭୀଷ୍ଟକରୀ ସଦାଶୁଭକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୮॥

ଚନ୍ଦ୍ରାର୍କାନଲକୋଟିକୋଟିସଦୃଶା ଚନ୍ଦ୍ରାଂଶୁବିମ୍ବାଧରୀ

ଚନ୍ଦ୍ରାର୍କାଗ୍ନିସମାନକୁଣ୍ଡଲଧରୀ ଚନ୍ଦ୍ରାର୍କବର୍ଣେଶ୍ୱରୀ ।

ମାଲାପୁସ୍ତକପାଶସାଙ୍କୁଶଧରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୯॥

କ୍ଷତ୍ରତ୍ରାଣକରୀ ମହାଽଭୟକରୀ ମାତା କୃପାସାଗରୀ

ସାକ୍ଷାନ୍ମୋକ୍ଷକରୀ ସଦା ଶିବକରୀ ବିଶ୍ୱେଶ୍ୱରୀ ଶ୍ରୀଧରୀ ।

ଦକ୍ଷାକ୍ରନ୍ଦକରୀ ନିରାମୟକରୀ କାଶୀପୁରାଧୀଶ୍ୱରୀ

ଭିକ୍ଷାଂ ଦେହି କୃପାବଲମ୍ବନକରୀ ମାତାଽନ୍ନପୂର୍ଣେଶ୍ୱରୀ ॥ ୧୦॥

ଅନ୍ନପୂର୍ଣେ ସଦାପୂର୍ଣେ ଶଙ୍କରପ୍ରାଣବଲ୍ଲଭେ ।

ଜ୍ଞାନବୈରାଗ୍ୟସିଦ୍ଧ୍ୟର୍ଥଂ ଭିକ୍ଷାଂ ଦେହି ଚ ପାର୍ୱତି ॥ ୧୧॥

ମାତା ମେ ପାର୍ୱତୀ ଦେବୀ ପିତା ଦେବୋ ମହେଶ୍ୱରଃ ।

ବାନ୍ଧବାଃ ଶିବଭକ୍ତାଶ୍ଚ ସ୍ୱଦେଶୋ ଭୁବନତ୍ରୟମ୍ ॥ ୧୨॥

॥ ଇତି ଶ୍ରୀଶଙ୍କରଭଗବତଃ କୃତୌ ଅନ୍ନପୂର୍ଣାସ୍ତୋତ୍ରଂ ସମ୍ପୂର୍ଣମ୍ ॥

There are multiple variations of this popular stotra .

The more common version is given above.  Following three verses

are inserted after verse number 10 in some printed editions.

These are taken from annadA kalpa tantra ShoDaSha paTalam  

ଭଗବତି ଭବରୋଗାତ୍ପୀଡିତଂ ଦୁଷ୍କୃତୋତ୍ୱାତ୍

ସୁତଦୁହିତୃକଲତ୍ରୋପଦ୍ରବେଣାନୁୟାତମ୍ ।

ବିଲସଦମୃତଦୃଷ୍ଟ୍ୟା ବୀକ୍ଷ୍ୟ ବିଭ୍ରାନ୍ତଚିତ୍ତଂ

ସକଲଭୁବନମାତସ୍ତ୍ରାହି ମାମୋ ନମସ୍ତେ ॥ ୧୧॥

ମାହେଶ୍ୱରୀମାଶ୍ରିତକଲ୍ପବଲ୍ଲୀମହମ୍ଭବୋଚ୍ଛେଦକରୀ ଭବାନୀମ୍ ।

କ୍ଷୁଧାର୍ତଜାୟାତନୟାଦ୍ୟୁପେତସ୍ତ୍ୱାମନ୍ନପୂର୍ଣେ ଶରଣଂ ପ୍ରପଦ୍ୟେ ॥ ୧୨॥

ଦାରିଦ୍ର୍ୟଦାବାନଲଦହ୍ୟମାନଂ ପାହ୍ୟନ୍ନପୂର୍ଣେ ଗିରିରାଜକନ୍ୟେ ।

କୃପାମ୍ବୁଧୌ ମଜ୍ଜୟ ମାଂ ତ୍ୱଦୀୟେ ତ୍ୱତ୍ପାଦପଦ୍ମାର୍ପିତଚିତ୍ତବୃତ୍ତିମ୍ ॥ ୧୩॥

.