ଶ୍ରୀସୂକ୍ତ (ଋଗ୍ୱେଦ)

 ଶ୍ରୀସୂକ୍ତ (ଋଗ୍ୱେଦ) 

ଓଁ ॥ ହିରଣ୍ୟବର୍ଣାଂ ହରିଣୀଂ ସୁବର୍ଣରଜତସ୍ରଜାମ୍ ।

ଚନ୍ଦ୍ରାଂ ହିରଣ୍ମୟୀଂ ଲକ୍ଷ୍ମୀଂ ଜାତବେଦୋ ମ ଆବହ ॥ ୧॥

ତାଂ ମ ଆବହ ଜାତବେଦୋ ଲକ୍ଷ୍ମୀମନପଗାମିନୀମ୍ ।

ଯସ୍ୟାଂ ହିରଣ୍ୟଂ ବିନ୍ଦେୟଂ ଗାମଶ୍ୱଂ ପୁରୁଷାନହମ୍ ॥ ୨॥

ଅଶ୍ୱପୂର୍ୱାଂ ରଥମଧ୍ୟାଂ ହସ୍ତିନାଦପ୍ରବୋଧିନୀମ୍ ।

ଶ୍ରିୟଂ ଦେବୀମୁପହ୍ୱୟେ ଶ୍ରୀର୍ମାଦେବୀର୍ଜୁଷତାମ୍ ॥ ୩॥

କାଂ ସୋସ୍ମିତାଂ ହିରଣ୍ୟପ୍ରାକାରାମାର୍ଦ୍ରାଂ ଜ୍ୱଲନ୍ତୀଂ ତୃପ୍ତାଂ ତର୍ପୟନ୍ତୀମ୍ ।

ପଦ୍ମେ ସ୍ଥିତାଂ ପଦ୍ମବର୍ଣାଂ ତାମିହୋପହ୍ୱୟେ ଶ୍ରିୟମ୍ ॥ ୪॥

ଚନ୍ଦ୍ରାଂ ପ୍ରଭାସାଂ ଯଶସା ଜ୍ୱଲନ୍ତୀଂ ଶ୍ରିୟଂ ଲୋକେ ଦେବଜୁଷ୍ଟାମୁଦାରାମ୍ ।

ତାଂ ପଦ୍ମିନୀମୀଂ ଶରଣମହଂ ପ୍ରପଦ୍ୟେଽଲକ୍ଷ୍ମୀର୍ମେ ନଶ୍ୟତାଂ ତ୍ୱାଂ ବୃଣେ ॥ ୫॥

ଆଦିତ୍ୟବର୍ଣେ ତପସୋଽଧିଜାତୋ ବନସ୍ପତିସ୍ତବ ବୃକ୍ଷୋଽଥ ବିଲ୍ୱଃ ।

ତସ୍ୟ ଫଲାନି ତପସା ନୁଦନ୍ତୁ ମାୟାନ୍ତରାୟାଶ୍ଚ ବାହ୍ୟା ଅଲକ୍ଷ୍ମୀଃ ॥ ୬॥

ଉପୈତୁ ମାଂ ଦେବସଖଃ କୀର୍ତିଶ୍ଚ ମଣିନା ସହ ।

ପ୍ରାଦୁର୍ଭୂତୋଽସ୍ମି ରାଷ୍ଟ୍ରେଽସ୍ମିନ୍ କୀର୍ତିମୃଦ୍ଧିଂ ଦଦାତୁ ମେ ॥ ୭॥

କ୍ଷୁତ୍ପିପାସାମଲାଂ ଜ୍ୟେଷ୍ଠାମଲକ୍ଷ୍ମୀଂ ନାଶୟାମ୍ୟହମ୍ ।

ଅଭୂତିମସମୃଦ୍ଧିଂ ଚ ସର୍ୱାଂ ନିର୍ଣୁଦ ମେ ଗୃହାତ୍ ॥ ୮॥

ଗନ୍ଧଦ୍ୱାରାଂ ଦୁରାଧର୍ଷାଂ ନିତ୍ୟପୁଷ୍ଟାଂ କରୀଷିଣୀମ୍ ।

ଈଶ୍ୱରୀꣳ ସର୍ୱଭୂତାନାଂ ତାମିହୋପହ୍ୱୟେ ଶ୍ରିୟମ୍ ॥ ୯॥

ମନସଃ କାମମାକୂତିଂ ବାଚଃ ସତ୍ୟମଶୀମହି ।

ପଶୂନାଂ ରୂପମନ୍ନସ୍ୟ ମୟି ଶ୍ରୀଃ ଶ୍ରୟତାଂ ଯଶଃ ॥ ୧୦॥

କର୍ଦମେନ ପ୍ରଜାଭୂତା ମୟି ସମ୍ଭବ କର୍ଦମ ।

ଶ୍ରିୟଂ ବାସୟ ମେ କୁଲେ ମାତରଂ ପଦ୍ମମାଲିନୀମ୍ ॥ ୧୧॥

ଆପଃ ସୃଜନ୍ତୁ ସ୍ନିଗ୍ଧାନି ଚିକ୍ଲୀତ ବସ ମେ ଗୃହେ ।

ନି ଚ ଦେବୀଂ ମାତରଂ ଶ୍ରିୟଂ ବାସୟ ମେ କୁଲେ ॥ ୧୨॥

ଆର୍ଦ୍ରାଂ ପୁଷ୍କରିଣୀଂ ପୁଷ୍ଟିଂ ପିଙ୍ଗଲାଂ ପଦ୍ମମାଲିନୀମ୍ ।

ଚନ୍ଦ୍ରାଂ ହିରଣ୍ମୟୀଂ ଲକ୍ଷ୍ମୀଂ ଜାତବେଦୋ ମ ଆବହ ॥ ୧୩॥

ଆର୍ଦ୍ରାଂ ଯଃ କରିଣୀଂ ଯଷ୍ଟିଂ ସୁବର୍ଣାଂ ହେମମାଲିନୀମ୍ ।

ସୂର୍ୟାଂ ହିରଣ୍ମୟୀଂ ଲକ୍ଷ୍ମୀଂ ଜାତବେଦୋ ମ ଆବହ ॥ ୧୪॥

ତାଂ ମ ଆବହ ଜାତବେଦୋ ଲକ୍ଷ୍ମୀମନପଗାମିନୀମ୍ ।

ଯସ୍ୟାଂ ହିରଣ୍ୟଂ ପ୍ରଭୂତଂ ଗାବୋ ଦାସ୍ୟୋଽଶ୍ୱାନ୍ୱିନ୍ଦେୟଂ ପୁରୁଷାନହମ୍ ॥ ୧୫॥

ଯଃ ଶୁଚିଃ ପ୍ରୟତୋ ଭୂତ୍ୱା ଜୁହୁୟାଦାଜ୍ୟ ମନ୍ୱହମ୍ ।

ଶ୍ରିୟଃ ପଞ୍ଚଦଶର୍ଚଂ ଚ ଶ୍ରୀକାମଃ ସତତଂ ଜପେତ୍ ॥ ୧୬॥

                  ଫଲଶ୍ରୁତି

ପଦ୍ମାନନେ ପଦ୍ମ ଊରୂ ପଦ୍ମାକ୍ଷୀ ପଦ୍ମସମ୍ଭବେ ।

ତ୍ୱଂ ମାଂ ଭଜସ୍ୱ ପଦ୍ମାକ୍ଷୀ ଯେନ ସୌଖ୍ୟଂ ଲଭାମ୍ୟହମ୍ ॥

ଅଶ୍ୱଦାୟୀ ଗୋଦାୟୀ ଧନଦାୟୀ ମହାଧନେ ।

ଧନଂ ମେ ଜୁଷତାଂ ଦେବି ସର୍ୱକାମାଂଶ୍ଚ ଦେହି ମେ ॥

ପୁତ୍ରପୌତ୍ର ଧନଂ ଧାନ୍ୟଂ ହସ୍ତ୍ୟଶ୍ୱାଦିଗବେ ରଥମ୍ ।

ପ୍ରଜାନାଂ ଭବସି ମାତା ଆୟୁଷ୍ମନ୍ତଂ କରୋତୁ ମାମ୍ ॥

ଧନମଗ୍ନିର୍ଧନଂ ବାୟୁର୍ଧନଂ ସୂର୍ୟୋ ଧନଂ ବସୁଃ ।

ଧନମିନ୍ଦ୍ରୋ ବୃହସ୍ପତିର୍ୱରୁଣଂ ଧନମଶ୍ନୁ ତେ ॥

ବୈନତେୟ ସୋମଂ ପିବ ସୋମଂ ପିବତୁ ବୃତ୍ରହା ।

ସୋମଂ ଧନସ୍ୟ ସୋମିନୋ ମହ୍ୟଂ ଦଦାତୁ ସୋମିନଃ ॥

ନ କ୍ରୋଧୋ ନ ଚ ମାତ୍ସର୍ୟଂ ନ ଲୋଭୋ ନାଶୁଭା ମତିଃ ॥

ଭବନ୍ତି କୃତପୁଣ୍ୟାନାଂ ଭକ୍ତାନାଂ ଶ୍ରୀସୂକ୍ତଂ ଜପେତ୍ସଦା ॥

ବର୍ଷନ୍ତୁ ତେ ବିଭାବରି ଦିବୋ ଅଭ୍ରସ୍ୟ ବିଦ୍ୟୁତଃ ।

ରୋହନ୍ତୁ ସର୍ୱବୀଜାନ୍ୟବ ବ୍ରହ୍ମ ଦ୍ୱିଷୋ ଜହି ॥

ପଦ୍ମପ୍ରିୟେ ପଦ୍ମିନି ପଦ୍ମହସ୍ତେ ପଦ୍ମାଲୟେ ପଦ୍ମଦଲାୟତାକ୍ଷି ।

ବିଶ୍ୱପ୍ରିୟେ ବିଷ୍ଣୁ ମନୋଽନୁକୂଲେ ତ୍ୱତ୍ପାଦପଦ୍ମଂ ମୟି ସନ୍ନିଧତ୍ସ୍ୱ ॥

ଯା ସା ପଦ୍ମାସନସ୍ଥା ବିପୁଲକଟିତଟୀ ପଦ୍ମପତ୍ରାୟତାକ୍ଷୀ ।

ଗମ୍ଭୀରା ବର୍ତନାଭିଃ ସ୍ତନଭର ନମିତା ଶୁଭ୍ର ବସ୍ତ୍ରୋତ୍ତରୀୟା ।

ଲକ୍ଷ୍ମୀର୍ଦିବ୍ୟୈର୍ଗଜେନ୍ଦ୍ରୈର୍ମଣିଗଣ ଖଚିତୈସ୍ସ୍ନାପିତା ହେମକୁମ୍ଭୈଃ ।

ନିତ୍ୟଂ ସା ପଦ୍ମହସ୍ତା ମମ ବସତୁ ଗୃହେ ସର୍ୱମାଙ୍ଗଲ୍ୟଯୁକ୍ତା ॥

ଲକ୍ଷ୍ମୀଂ କ୍ଷୀରସମୁଦ୍ର ରାଜତନୟାଂ ଶ୍ରୀରଙ୍ଗଧାମେଶ୍ୱରୀମ୍ ।

ଦାସୀଭୂତସମସ୍ତ ଦେବ ବନିତାଂ ଲୋକୈକ ଦୀପାଙ୍କୁରାମ୍ ।

ଶ୍ରୀମନ୍ମନ୍ଦକଟାକ୍ଷଲବ୍ଧ ବିଭବ ବ୍ରହ୍ମେନ୍ଦ୍ରଗଙ୍ଗାଧରାଂ ।

ତ୍ୱାଂ ତ୍ରୈଲୋକ୍ୟ କୁଟୁମ୍ବିନୀଂ ସରସିଜାଂ ବନ୍ଦେ ମୁକୁନ୍ଦପ୍ରିୟାମ୍ ॥

ସିଦ୍ଧଲକ୍ଷ୍ମୀର୍ମୋକ୍ଷଲକ୍ଷ୍ମୀର୍ଜୟଲକ୍ଷ୍ମୀସ୍ସରସ୍ୱତୀ ।

ଶ୍ରୀଲକ୍ଷ୍ମୀର୍ୱରଲକ୍ଷ୍ମୀଶ୍ଚ ପ୍ରସନ୍ନା ମମ ସର୍ୱଦା ॥

ବରାଙ୍କୁଶୌ ପାଶମଭୀତିମୁଦ୍ରାଂ କରୈର୍ୱହନ୍ତୀଂ କମଲାସନସ୍ଥାମ୍ ।

ବାଲାର୍କ କୋଟି ପ୍ରତିଭାଂ ତ୍ରିଣେତ୍ରାଂ ଭଜେହମାଦ୍ୟାଂ ଜଗଦୀଶ୍ୱରୀଂ ତାମ୍ ॥

ସର୍ୱମଙ୍ଗଲମାଙ୍ଗଲ୍ୟେ ଶିବେ ସର୍ୱାର୍ଥ ସାଧିକେ ।

ଶରଣ୍ୟେ ତ୍ର୍ୟମ୍ବକେ ଦେବି ନାରାୟଣି ନମୋଽସ୍ତୁ ତେ ॥

ସରସିଜନିଲୟେ ସରୋଜହସ୍ତେ ଧବଲତରାଂଶୁକ ଗନ୍ଧମାଲ୍ୟଶୋଭେ ।

ଭଗବତି ହରିବଲ୍ଲଭେ ମନୋଜ୍ଞେ ତ୍ରିଭୁବନଭୂତିକରିପ୍ରସୀଦ ମହ୍ୟମ୍ ॥

ବିଷ୍ଣୁପତ୍ନୀଂ କ୍ଷମାଂ ଦେବୀଂ ମାଧବୀଂ ମାଧବପ୍ରିୟାମ୍ ।

ବିଷ୍ଣୋଃ ପ୍ରିୟସଖୀଂମ୍ ଦେବୀଂ ନମାମ୍ୟଚ୍ୟୁତବଲ୍ଲଭାମ୍ ॥

ମହାଲକ୍ଷ୍ମୀ ଚ ବିଦ୍ମହେ ବିଷ୍ଣୁପତ୍ନୀ ଚ ଧୀମହୀ । 

ତନ୍ନୋ ଲକ୍ଷ୍ମୀଃ ପ୍ରଚୋଦୟାତ୍ ॥

(ଆନନ୍ଦଃ କର୍ଦମଃ ଶ୍ରୀଦଶ୍ଚିକ୍ଲୀତ ଇତି ବିଶ୍ରୁତାଃ ।

ଋଷୟଃ ଶ୍ରିୟଃ ପୁତ୍ରାଶ୍ଚ ଶ୍ରୀର୍ଦେବୀର୍ଦେବତା ମତାଃ (ସ୍ୱୟମ୍

ଶ୍ରୀରେବ ଦେବତା ॥ ) variation)

(ଚନ୍ଦ୍ରଭାଂ ଲକ୍ଷ୍ମୀମୀଶାନାମ୍ ସୁର୍ୟଭାଂ ଶ୍ରିୟମୀଶ୍ୱରୀମ୍ ।

ଚନ୍ଦ୍ର ସୂର୍ୟଗ୍ନି ସର୍ୱାଭାମ୍ ଶ୍ରୀମହାଲକ୍ଷ୍ମୀମୁପାସ୍ମହେ ॥ variation)

ଶ୍ରୀବର୍ଚସ୍ୟମାୟୁଷ୍ୟମାରୋଗ୍ୟମାବିଧାତ୍ ପବମାନଂ ମହୀୟତେ ।

ଧନଂ ଧାନ୍ୟଂ ପଶୁଂ ବହୁପୁତ୍ରଲାଭଂ ଶତସମ୍ବତ୍ସରଂ ଦୀର୍ଘମାୟୁଃ ॥

ଋଣରୋଗାଦିଦାରିଦ୍ର୍ୟପାପକ୍ଷୁଦପମୃତ୍ୟବଃ ।

ଭୟଶୋକମନସ୍ତାପା ନଶ୍ୟନ୍ତୁ ମମ ସର୍ୱଦା ॥

ଶ୍ରିୟେ ଜାତ ଶ୍ରିୟ ଆନିର୍ୟାୟ ଶ୍ରିୟଂ ବୟୋ ଜନିତୃଭ୍ୟୋ ଦଧାତୁ ।

ଶ୍ରିୟଂ ବସାନା ଅମୃତତ୍ୱମାୟନ୍ ଭଜନ୍ତି ସଦ୍ୟଃ ସବିତା ବିଦଧ୍ୟୂନ୍ ॥

ଶ୍ରିୟ ଏବୈନଂ ତଚ୍ଛ୍ରିୟାମାଦଧାତି । ସନ୍ତତମୃଚା ବଷଟ୍କୃତ୍ୟଂ

ସନ୍ଧତ୍ତଂ ସନ୍ଧୀୟତେ ପ୍ରଜୟା ପଶୁଭିଃ । ଯ ଏବଂ ବେଦ ।

ଓଁ ମହାଦେବ୍ୟୈ ଚ ବିଦ୍ମହେ ବିଷ୍ଣୁପତ୍ନୀ ଚ ଧୀମହି ।

ତନ୍ନୋ ଲକ୍ଷ୍ମୀଃ ପ୍ରଚୋଦୟାତ୍ ॥

      ॥ ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥

https://youtu.be/kAofbLFvcpQ?feature=shared

ଶ୍ରୀସୂକ୍ତମହାତ୍ମ୍ୟମ୍

https://laxmi-upasana.blogspot.com/2022/10/blog-post_83.html

.